مساعدة بخصوص الكرام شونتيي بارك الله فيكم

مسعودي خولة · 2012-12-23, 20:09

السلام عليكم خواتي
والله راني مقلقة بزاف بخصوص الكرام شونتيي زوج مرات وانا نشري ونعاود فيها بالصح بدون جدوى
كل منديرها جيني سائلة ومتحبش تجمد .لكني استعملت المقادير الدقيقة كيما لي مكتوبة في الباطة تاعها اول مرة ديرلي هكذا والله راني محيرة ومحتاجتها ارجوا كل من ساعدني ان يعطيه الله كل ما يتمناه من خير وسعادة وبارك الله فيكم

حياتي نبع امل · 2012-12-23, 20:24

الماء او الحليب اللي استعملتيه بارد؟ لازم يكون بارد
المدة اللي ضربتي فيها شحال ؟انا 3د فيتاس عالي تطلع نوغمال

مسعودي خولة · 2012-12-23, 20:25

والله يا اختي 3دقائق وانا نطلع بالصح الماء كان دافيء واش ندير دك

feuilleblanche17 · 2012-12-23, 20:31

اشري الكريم شانتي تاع الميزان 100غ ب50دج
ديري الحليب نصف كاس في المجمد حتى يبرد مليح من يعد خلطيه مع الكريم و ضربي بالخلاط حتى يطلع و يجمد زيدي زوج مغارف سكر قلاصي و زيدي خليها تبرد

حياتي نبع امل · 2012-12-23, 20:38

يلزم يكون بارد

ام ساجد · 2012-12-23, 20:44

اختي اشري تاع الميزان ذوقها رائع
ديري كاس حليب في الثلاجة يبرد مليح وحط الكرام شونتيي بودر 100غ في حاجة عميقة وصبي الحليب وخلطي بالباتور
سرعة عالية حتى تطلع ومن بعد زيدي 2 مغارف سكر بودر وخلطي بالتوفيق

wissem173 · 2012-12-23, 20:44

الما او الحليب لازم يكون بااااااااااااااارد...بالاك تاعك كان دافئ
و بالاك كثرتي السائل بالنسبة لبودرة الشانتيي...لازم لكل 100 غ نستعمل كاس ماء او حليب بارد...
شكرا..

مسعودي خولة · 2012-12-24, 13:58

بارك الله فيكم اخواتي جزاكم الله خيرا
نورتو فعلا بالمرور

فايزة20120 · 2012-12-24, 14:14

أختي اشري الشاتيي نتاع الميزان هي الحسن وديري كاس غبرة شانتي يقابلوا كاس حليب بارد جدا أو ماء بارد جدا ومتفرغيش الكاس نتاع الحليب أو الكاس نتاع الماء دفعة واحدة وإنما فرغي بالعقل وضربي حتى تتحصلي على واش راكي حابة
ملاحظة إذا حبيتي تاكلوها في اليوم لي تصنعيها فيه ديريها بالحليب أما إذا حبيتي تقعدلك صالحة مدة أطول مثلا 3 ايام فهنا ديريها بالماء

natacabell · 2012-12-24, 14:18

ana nachri taa el mizan wen talaha b lahlib bared vitess bel bateur tatlaaa bien kima kaloulak el akhawat lah yabrek rahoum yaaarfou bi tawfik laki hanouna