فتاة من القبائل ... ما هو الحل

[coolman31]

السلام عليكم

مررت بتجربة خطوبة فاشلة اكتشفت فيها خيانة خطيبتي لي وقطعت العلاقة

وبعد مرور شهور افكر جديا في البحت بصدق عن زوجة تكون عونا لي في هذه الدنيا

لهذا قررت ان اتزوج فتاة من القبائل لانني ارى ان الفتاة القبائلية من العائلات المحافضة أكتر حفاضا على الحشمة والعفاف

ولكن المشكلة هي انه ليس لدي قريب او احد في العائلة من القبائل

ولدي صديق مقرب من القبائل طلبت منه مساعدتي في البحت عن قبائلية

وهو بنفسه اتصل بصديق له امام في مسجد في بومرداس وبدا بالبحت لي

وكانت الاجابة بعد شهر تقريبا ولكنه صدمني بان بعض الفتيات ممن يدرسن القران في مسجده يرفضن لانني اعيش بعيدا عن مدينة القبائل فانا من تموشنت

يعني مشكلة البعد

ما هو الحل

[hodayena]

اولا كان الله في عونك
ثانيا راك تكلخ لروحك ولا للبنات
خويا الصالحات والطالحات كاين في كل بلاصة في الشرق او الغرب او القبائل انت حوس قدام خليت كامل الغرب الجزائري ورحت للبعيد استخر الله وابعث الوالدة تاعك تشوفلك والا حوس انت

[ام ملاك.]

يااخي الله يعوضك ان شالله ببنت الحلال
بناتالفاميليا كاين بارتو وفي كل بلاصة تلقى الصالحة والطالحة وشكون قالك بللي كل القبايليلات نتاع حشمة؟؟؟
مع اعتذاري الشديد للقبايل بصح حبيت نبينيلك وين راك ساكن تلقى الصالحة علاش عليك تروح للبعيد
الله يبعثلك بنت الحلال

[محمد جديدي التبسي]

ابحث في ولايتك ولا تتعب نفسك وابدأ من مدارس تحفيظ القرآن وربي يوفقك

[الجواهر]

الصالح و الطالح لا يرتبطان بمكان و زمان الامهات العازبات في كل الولايات
ابحث قريب من داركم خير لك ..تقدر تسال عليها مليح مليح و زيد ماش تروح عند وحدة سروال سيري و بودي ... ابحث عن وحدة تحشم و مربية و هكا لا تتعب في المواصلات مرة اخرى بعد الزواج

[ولد حمد الباتني]

حاول حتى تلقى الي تقبل ...

[yildiz]

يعجبوني الي يقولو بنات القبايل محافظات !!!
سبحان الله لي علاقة مع القبائل من العائلة و من غير العائلة كلهم اوvاااااار بزااااف متفتحين بزااااف بزااااااااااف
ياخي رانا صحاب المدينة والوسط و العاصمة دايين الشيعة برك ههههههه
المليحة و الخايبة بارتو ’’ الواحد يسعى وبنية صافية وربي يعينو ويعطيه على حسابو ..
و فكرة البعد هادي كاين ناس تخمم تقولك وعلاش جا حتى لهنا باش يتزوج منا اكيد فيه سبب او علة ... والناس آراء و أذواق و ذهنيات و عقليات
ربي يسهل ..

[naamane3]

ابحث لك ولي

[أَحمــد]

في عين تيموشنت توجد الصالحات كذلك

[thamourth]

ربي معاك....................مابقاوش ناس تع نية...............الزوجةالصالحة في هاد البلاد اكثر من خدمة ستابل
حوس...........اللاجئات نتع مالي
بون كوراج

[thamourth]

عجبوني اللاجئات كيفاش هازين الهم و المحنة مع رجالاتهم

[oum imane83]

غير شفت كلمة قبائل دخلت نجري هههههههه

انا بجاوية ... صح القبائل ناس ملاح معروفين بالجود و الكرم و ومضيافين بصح يا اخي ما لازمش نعممو و لا نخصصو وين تروح تلقى الصالح و الدوني

كاين عايلات وبنات ماشاء الله و كاين ربي يبعد مؤمن عليهم ....

بلاد القبائل ما ولاتش كيما بكري تبدلو فيها بزاف حوايج حتى في االمداشر و القرى ناسها تغيرو الا القليل ...


على كل حال كل شيء مكتوب ربي يرزقك زوجة صالحة و كاين الي يقبلو بعد المسافة .. المهم ياك مراكش ناوي تخطب قبائلية على جال قلة مهرهن مقارن بالولايات الاخرى ههههههه

[كلنا راحلون]

دير فصالت راسك

[" أبو عبود"]

عندنا قاع لي تزوجوا قبا\ئليلات بدون استثناء ولا واحد فيهم حدث له مشكل. وهناك من تكبرت عليه ابة عمه وتزوج قبائلية وهو في الف نعمة. يوجد لاصالح وتلطالح في كل مكان لكن بنت البلد وبنت الحي وبنت القرية تتكبر على قريبها ولا تحسب له حساب في حين البرانية تضعه تاج على الراس.