اللي حابة تجيها اللوبيا بنييييينة تتفضل

أنوثة شرقية · 2013-02-18, 22:55

سلام مضيئات منتدانا الغالي

بما أنو برتابلي تباع وماعنديش باش نصور طبخاتي وتطبيقاتي.فكرت نحط نصيحة لكل وحدة تحب تجيها اللوبيا تاعها بنيينة وصحية وتطيب في نص ساعه
اولا : تنقي اللوبيا وتغسليها مليح مبعد ترطبيها في ماء دافئ ليلة كاملة.ولما تجي تطيبيها ماتغليهاش في الماء هنااا سر البنة
تديري المرق عادي. بصلة وتكثري شوية الثوم. وشوية قصبر مقطعين رقيق وملح وفلفل اسود وشوية كمون وحبة طماطم حب حلوة وطماطم مصبرةوقطع جزر مقطعة مربعات واذا راح تديريها بالدجاج او اللحم قطعيه وقليه مع المواد كي تقلي كلشي نصفو اللوبيا من الماء ونحطوها تتقلى مع هديك الصوص مليح نزيدو كمية قليلة من الماء حتى تتشرب اللوبيا هدا الماء ونمرقوها وكمية الماء تكون كافية حسب اللوبيا وكمية الدواوات ونحطولها ورقتين من الرند ونغلقو الكوكوت وخليها تطيب وبعد نص ساعه او 40 دقيقة شوفي النتيجة واكيد زينيها بالقصبر او المعدنوس
هدي طريقتي الخاااصة في طياب اللوبيا والكل يحبو اللوبيا تاعي والحمدلله ويشكرو فيها.. حوحو يشكر روحو هههه
وهاد الطريقة تنطبق على باقي الحبوب مثل العدس والحمص
نتمنى تجربوها ولا تحرموني من ردودكم وتشجيعاتكم

تحميل صور

جزائرية · 2013-02-18, 23:20

يسعدني ان اكون اول وحدة ترد عليك

أم أسماء 2 · 2013-02-18, 23:22

نصائح في وقتها الله يعطيك الصحة ويكبرلك ولدك في طاعة الله اامين

بنت مسلمة · 2013-02-18, 23:28

شكرا ساجربها يوماما

أنوثة شرقية · 2013-02-18, 23:40

اقتباس:

المشاركة الأصلية كتبت بواسطة جزائرية

يسعدني ان اكون اول وحدة ترد عليك

اسعدني مرورك ياالغالية

اقتباس:

المشاركة الأصلية كتبت بواسطة أم أسماء 2

نصائح في وقتها الله يعطيك الصحة ويكبرلك ولدك في طاعة الله اامين

اللهم اميييييييييين وربي يسلمك اختي

اقتباس:

المشاركة الأصلية كتبت بواسطة بنت مسلمة

شكرا ساجربها يوماما

العفو حبيبتي

أم ماجد · 2013-02-19, 02:58

ربي يرزقك بالة تصوير وتمتعينا

فوزية1975 · 2013-02-19, 06:23

تبان مليحة شكرا

نورانيات · 2013-02-19, 06:43

الله يخليك أختي هي نفس طريقتي في اعداد اللوبياء راه تجيني بنينة وخاثرة أمممممم راكي سخفتني اليوم انشاء الله نديرها

it's me · 2013-02-19, 08:57

تصدقي اختي قريت الوصفة تاعك 3 مرات بصح ماقدرتش نطبقها اذا تكرمتي عاوديهالي باختصار
كي كثرتي التفاصيل مافهمت والو ههههههه غريبة علابالي بصح ماقدرتش نفهمها
في الانتظار

ساندي 28 · 2013-02-19, 09:43

فكرة مليحة لكن انا كي نطيبها لازم نطيبها وحدها في الماء بسكوقاسحة بزاف نطيبها زبدة ثم نديرلها كيما قلتي شكرا علي المعلومة تحياتي

أنوثة شرقية · 2013-02-19, 09:48

اقتباس:

المشاركة الأصلية كتبت بواسطة أم ماجد

ربي يرزقك بالة تصوير وتمتعينا

ههههههه عندي الة تصوير بصح ماترسلش للميكرو للاسف. هاد الايام نجيب برتابل ونشهيك يا ام ماجد
شكرا حبيبتي ع المرور العطر

أنوثة شرقية · 2013-02-19, 09:50

اقتباس:

المشاركة الأصلية كتبت بواسطة فوزية1975

تبان مليحة شكرا

مروورك هو المليح غاليتي

اقتباس:

المشاركة الأصلية كتبت بواسطة نورانيات

الله يخليك أختي هي نفس طريقتي في اعداد اللوبياء راه تجيني بنينة وخاثرة أمممممم راكي سخفتني اليوم انشاء الله نديرها

ايه اختي هكدا اللوبيا ولا خلي هههههههههه

اقتباس:

المشاركة الأصلية كتبت بواسطة omnadjem.10

فكرة مليحة لكن انا كي نطيبها لازم نطيبها وحدها في الماء بسكوقاسحة بزاف نطيبها زبدة ثم نديرلها كيما قلتي شكرا علي المعلومة تحياتي

لا اختي خليها تطيب في مرقتها وتشرب المرق خير من تشرب الماء وراح تطيب صدقيني. العفو حبيبتي

أنوثة شرقية · 2013-02-19, 09:55

اقتباس:

المشاركة الأصلية كتبت بواسطة it's me

تصدقي اختي قريت الوصفة تاعك 3 مرات بصح ماقدرتش نطبقها اذا تكرمتي عاوديهالي باختصار
كي كثرتي التفاصيل مافهمت والو ههههههه غريبة علابالي بصح ماقدرتش نفهمها
في الانتظار

هههههههه معليش يمكن قريتي موضوعي وانتي دايخة من النوم .المهم انك تنقعي اللوبيا في الليل وتصفيها الصباح وتديري في الكوكوت بصل وتوم وطماطم وقصبر مقطعين رقيق وملح وكمون وتوابل وادا حبيتي طيبيها باللحم قطعيه مع المواد السابقة قلي كلشي مع بعض ولما يتقلو مليح ضيفي اللوبيا المصفية وقليها مع نص كاس ماء خليها تتقلى مليح وامرقيها عادي وحطي ورقتين رند واغلقي الكوكوت واحسبي نص ساعه حتى 40 دقيقة وافتحي الكوكوت وشوفي ادا خاثرة طفي وزينيها بالقصبر وشهية طيبة. كون مافهمتيش نجي نوكلهالك كيما البط ههههههه

تحياتي

amel_star · 2013-02-19, 10:05

شكرا لك حبيبتي بورك فيك و جزاك الله خيرا

أنوثة شرقية · 2013-02-19, 10:24

اقتباس:

المشاركة الأصلية كتبت بواسطة amel_star

شكرا لك حبيبتي بورك فيك و جزاك الله خيرا

العفو ياحنوونة وفيك بارك