مساعدتكم لكن في الحلويات من فضلكم

archioui · 2011-02-27, 17:14

السلام عليكم
أعرف ان هده الصفحة ليست للحلويات و لكني اطلب مساعدتكم لانها الصفحة التي ازورها كثيرا و كدلك صديقاتي
عندي عرس اختي في العطلة الربيعية ان شاء الله و حبيت وصفات حلويات مجربة و ساهلة
اللي في الكتب ماجربتهاش و مانقدرش نديرها في العرس
اطلب المساعدة من فضلكم

gata30 · 2011-02-27, 17:37

انا نعرف ندير الغريبة تع الحمص لكان حابة نعتيك الوصفة

archioui · 2011-02-27, 17:47

اقتباس:

المشاركة الأصلية كتبت بواسطة gata30

انا نعرف ندير الغريبة تع الحمص لكان حابة نعتيك الوصفة

شكرا حطي الوصفة من فضلك قطة

gata30 · 2011-02-27, 18:47

المقادير:
500 g زبدة.
500g سكر مرحي ناقص 3 ملاعق كبار سكر.
1 vanille
1/2 levure
500g حمص مرحي
فرينة حسب الحاجة.
قبل ما ديري السكر و الحمص و الفرينة قومي بغربلتهم.
عندما تضعين السكر قومي باتذوق باه متكونش حلوة ياسر لانو كي تكون حلوة تجيك يابسة .
حافظي قدر المستطاع على المقادير اي افراط او نقصان يفسد الوصفة

500g زبدة تذوبيها في حمام مائي و مبعد تتركيها تبرد ثم ترجعيها في الثلاجة لكي تتماسك من جديد. لمل تتماسك الزبدة تثقبيها في الوسط بواسطة الاصبع او بالملعقة سوف تلاحظين خروح الماء تتخلصي من الكل الماء الموجود فيها ثم تضعيها في قصعة اللوحمع قرصة ملح و تحركين الزبدة بيدك و تستمري في التحريك حت تلاحظين ان لونها اصبح ابيض ثم تظيفين السكر الناعم تدريجيا مع الاستمرار في التحريك ثم الفانيلا ثم الحمص المرحيثم ثم la levure و سوف تلاحظين انها مازالت طرية عندئذ تقومين بلمها بالفرينة لا تجعلي العجينة صلبة و لا طرية يجب ان تكون العجينة مثل عجينة الكسرة مبعد ديري des boudins و زينيها بالفرشاة و قصيها حسب الرغبة.

سخني الفرن من قبل و اتركيها تطهى على نار هادئة و حذاري هي سريعة الطهو. جربيها و ان شاء الله تعجبك انا ديما نديرها و ديمة يسقسوني على les mesures .

منة الله 82 · 2011-02-27, 19:06

شكرا لك قطة على الوصفة

أنا تاني نحب الغريبية بزاف وديما نديرها بصح بوصفة أخرى

غريبية البيستاش

250 غ زبدة
150 غ بيستاش مرحي رطب
4 ملاعق أكل نشا-مايزينة-
150 غ سكر رطب- قلاصي-
شوي خميرة كيميائية -قليل جدا -
فارينة
بعد ماتخدمي الزبدة في القصعة حتى تبياض وتزيدي السكر و الخميرة الكيميا ئية وتخدمي بيدك
وتزيديلهم البيستاش + نشا + فارينة تشيحي بيها و تديريها بالمحقن
وتحطيها في صينية الفرن وطيبيها
راهي سريعة الطهي بالاكي تغفلي عليها تتحرق
ان شاء الله تعجبكم

sarahmmmm · 2011-02-27, 20:39

اقتباس:

المشاركة الأصلية كتبت بواسطة archioui

السلام عليكم
أعرف ان هده الصفحة ليست للحلويات و لكني اطلب مساعدتكم لانها الصفحة التي ازورها كثيرا و كدلك صديقاتي
عندي عرس اختي في العطلة الربيعية ان شاء الله و حبيت وصفات حلويات مجربة و ساهلة
اللي في الكتب ماجربتهاش و مانقدرش نديرها في العرس
اطلب المساعدة من فضلكم

اختي درنا حنا هادا جا هيل

https://www.alqmh.net/vb/%D8%AD%D9%84...9%87/8135.html

امي راهي تقلك بلي الاخت ياسمين177 في قسم الطبخ دارت حلوى حطتها اليوم

حنا درنا المشكلة تاني

https://www.lesgourmandisesdefatia.co...-57304464.html

شوفي اخر سيت درك تلقاي حاجات ملاح

sarahmmmm · 2011-02-27, 20:43

https://www.lesgourmandisesdefatia.co...-10850963.html

https://ouassila-oriental.over-blog.com/

زيدي شوفي هنا تاني

بالتوفيق

gata30 · 2011-02-27, 21:28

[عفوا اختي انا هنا في خدمة جميع العضوات

archioui · 2011-02-27, 21:45

merci beaucoup gata
barak allah fik

archioui · 2011-02-27, 21:46

sarah
merci beaucoup hbibti
ana habba les gateaux elli mjarbine
manich habba nriski hihihi

sarahmmmm · 2011-02-27, 21:50

اقتباس:

المشاركة الأصلية كتبت بواسطة archioui

sarah
merci beaucoup hbibti
ana habba les gateaux elli mjarbine
manich habba nriski hihihi

سلام

حنا درنا حلوة الوردة راهي مجربة

و درنا المشكلة على شكل قلب و فيها ورد

جات مليحة

درنا بقلاوة و مقروظ

و كروكي و حلوة ماطيبش

و درنا مربعات نوادكوكو و الطلية تاعو درناها علم الجزائر

archioui · 2011-02-28, 15:36

merci beaucoup sarah

رحيق الايمان · 2011-03-01, 09:26

سيدة ارشيوي هذا الوصفاة درتها في التهنية تاعي شوفي الا عجبوك تزكى و ما تحكمش اليد:
قاطو نستلي:
500غ زبدة + كاس سكر +2 عضمات +تشيحي بالفرينة ثم ديريهم في لي مول تا لينوكس تحبي الكاريات و لا لخرين و دخليم للكوشة حتى يصفارو وكي تخرجيهم خليهم يبرو ونحيهم من لي مول و احشيهم بالنستلي و ديري فوقها الشوكولا ذايبو و زينيها بالبيستاج و لا النواد كوكو و البرييو
وتقدري تحشيهم بالكوكاو و الكونفيتور و من فوق تزيني بالقطايف و ديري البيريو
و الا كانو عندك لي مول كاري الصغار لصقي كل زوج فوق بعضاهم و ديري فوق زيقزاق بالشوكولا
ملاحظة: رطل زبدة يديرلك اكثر من 75 حبة و 750 غ يديرلك 120 حبة و زايد و نستلي تحتاجي من 4 الى 5 باطات لعجينة 750غ انا راني عمرتهم مليح ممكن تحتاجي اقل اذا ديري نص نستلي و نص شوكولا
الا احتجتي عندي اخرين

amel moula · 2011-03-04, 21:07

من عادات ناس المدية نديروا العرايش ولا مخبز ولامقروط اللوز ولا بقلاوة و لا خوخ ولا مشكلةو لا كفتة نديروهم في الباطا تع الحلوى
مع العشية نسربيو الكورني ولا الكنافة ولا دزيريات ولا سيقار مع اتاي واذا اردت اي وصفة ساكون في الخدمة

والف مبروك على اختك وعقوبة لي مازالوا

رحيق الايمان · 2011-03-05, 11:06

شكرا اخت امال راني سرقت فكرتك لعرسي لاني حبيت نبدل قلت ندير لعشية لتاي و حرت واش نقدم معاه