الجزء 189 من كوزينة حراير الجلفة ..كوزينة أغلى حراير

[Fifioo]

سلام صح فطوركم تقبل الله منا و منكم
هذا فطورنا امتواضع ليوم ملحناش بزااف
حميصة سلاطة شربة دويدة بوراك محشي بالبطاطا قلب لوز فلان ( غدا باذان الله رح نصوركم مهلبية بالفراولة )

[انا هي رزيقة]

ما شاء الله عليك اختي فيفي طاولتك جميلة و مشهية دون مجاملة و الله تسلم الايادي بصحتكم...و يعطيك الصحة علي التوقيع تاعك عجبني بزاف

[انا هي رزيقة]

اسمحولي،يا لبنات الصور كبيرة منعرفش نصغر بالبورتابل ....تهلاو في ارواحتيكم و صح صحوركم

[Fifioo]

شكرا اختي انا فراح طالبة اولى ثانوي علمي حبيت نشارككم و تاني حابة نتعلم طبخات مادامنا في العطلة ^^ ونتي زادا صح صحورك

[حياة نور الدين]

السلام عليكن وصح فطوركم حبيباتي

بنت خالتي ياةعمري راكي هنا بصحتكم كلشي يشهي من الماكبلة للماعن للتوال ههه ماشاء الله عليك حبيبتي وربي يتقبل منا ومنكم

بيان الله يسلمك حبيبتي

نينا، وبن اهلاا بكم معنا وصح رمضانكم

فيفيو او فرح اهلاا معنا متشرفين بك وان شاء الله تنضم الوالدوة معنا وطاوبلتك تشهي والف مرحباااا

[حياة نور الدين]

هدا فطوري وربي يدوم النعمة

[sousou 5]

اهلااصباااح الانواار حبوبات شكراا لكل واحدة شكرتني حتى بكلمة واحدة حياة بيان طالبة تاريخ رزيقة ام رحاب طيور كااااامل كااااااامل والله انتوما احلى
طيابكم ماشاء الله في القمة لازمني ندير ستاج عند كل وحدة فيكم هههه امس راحت con ملقيتش كيفاه نهبط
فطورنا ليوم امس طيبت ماما دارت جاري فريك و طاجين وانا درت سوفلي في بلاصة البوراك و درت سلاطة وكسرة رخساس ���������� و التحلية شرينا قلب اللوز و درت فلان فراز عادي و الحمد الله عبالي شاطرة هههه احم احم ايا منطولش الصور في المرفق قولولي فحلة ولالا و ادعولي ربس يسهلي امري و ربي يجازيكم كل خير
X

[nihal159]

صباح الخير و لخمير؛ ماشاء الله عليكم ياحراير كلشي حطيتوه رائع؛ بسم الله ماشاء الله؛ اللهم بارك لنا في ما رزقتنا.
حيوتة طاولتك ماشاء الله ملوكية بكل المقاييس و بصحت دعاء الصوم أوّل مرة؛ أم هدول؛ أم رحاب؛ أمينة غفران أنت معدنك أصيل و مش مغفّلة و إن شاء الله ربي يجازيك على قد نيتك. حلويات تحفة و تطبيقك لزلابية رائع.
سوسووووووووو إكتشاف رمضان ههههه الله يبارك عليك راكي حرة لحراير؛ حنا نتعلمو منك ههههه؛ و مبروك عليك المعدل 15 ربي ينولك واش في بالك.
فيفي الصغيرونة ربي ينجحك فالباكلوريا و ماتنسيش الباروك؛ طاولتك تشهيييييييييي.
بيونة وآآآآآاو كلشي وآآآآآآاو الله يبارك؛ مريومة؛ صديقتي زيكا ألوان وشهيوات لا يعلى عليها بصحتكم.
زخرفة و نينا صح رمضانكم تصوموه بالصحة.
سعيدة ربي يشفي وليدك و طمنينا مرة على مرة.
سحابتي صح رمضانك و ربي يشفيك؛ حتى أنا و لولاد رانا في حالة بلاغريب؛ ربي يشفينا و يشفي جميع مرضى المسلمين.
إن شاء الله ما نكون نسيت حتى واحدة و لي نسيتها تسمحلي.

[أم رقية نسرين]

السلام عليكم
فطوري البارح جاري و سلطة و غراتان و درت كيكة بالمورانغ مع العصير المجمد و الحمد لله
حيوتة بصحتك فطورك يسخف الله يبارك و ماكلتي منقدرش نصور وقت الفطور بصح نحاول إن شاء الله

[أم رقية نسرين]

رزيقة طاولتك تاكل العين قبل الفم ماشاء الله
سوسو راكي فحلة و نص و 25 الله يبارك عليك ربي يسهلك كل امورك
فيفي مرحبا بيك حنونة و فطوركم يسخف و ربي ينجحك في قرايتك

[Fifioo]

صباح الخير
يسلمك فطوركم يشهي الله يبارك يعطيكم الصحة ^^
ان شاء الله يا ربي يوفقنا كامل
^^ شكرا اختي نهال على الوصفة عجبتني بزاااف و الوالدة
قاتلك كثر خيرك و يعطيك الصحة ^^ و انا ادرس 1 ثانوي
ان شاء الله يكون في عون تع باك

[nihal159]

صباح الخير مريومة؛ الله يبارك الطاغت تشهي؛ بصحتكم.
فيفي شكرا ليك على كلامك الرائع، بارك الله فيك و ربي ينجحك في قرايتك.

[sousou 5]

اهلاااا صبااااح الانواار يا غوالي قررت مندخلش للقسم الا بعد الفطور ههه راني متحملتش اطبااقكم الذيذة رووووووووووععة شكرا حبوبتي نيهال بيان طالبة تاريخ كااامل
راني مع ورق البوراك ماشريناهاش اليووم راني نخدم فيهااا������������

[nihal159]

المشاركة الأصلية كتبت بواسطة sousou 5

اهلاااا صبااااح الانواار يا غوالي قررت مندخلش للقسم الا بعد الفطور ههه راني متحملتش اطبااقكم الذيذة رووووووووووععة شكرا حبوبتي نيهال بيان طالبة تاريخ كااامل
راني مع ورق البوراك ماشريناهاش اليووم راني نخدم فيهااا😊😊😊😊😊😊

لالا مستحيل نصدّق أنو هذي أوّل مرة تذخلي للكوزينة ههههههه ماشاء الله عليك يا سوسو من أطباق لتحليات لورق البوراك راكي حرة و نص و 25 .

[Fifioo]

ما شاء الله اختي سوسو نتوما تخدموه احنا للاسف نشريوه بويسك
حنا ميتباعش عدنا طاجين لي يتلاح فيه
^^ حابة نتعلم منك لانك ما شاء الله فحلة و حرة حراير