حلقات السيدة يعلى حصريا - الصفحة 38

oum salim · 2012-08-06, 23:57

اقتباس:

المشاركة الأصلية كتبت بواسطة aicha3357

om salim rabi yhanik wasafat alkamiss arjouki

صح فطوركم .
حريرة بالخضر والمايزينة

طراف لحم +1بصل كبيرة +1 بطاطا متوسطة +3جزر+3 حبات طماطم +ربطة كسبر+كاس صغير زيت +1ملعقة كبيرة راس الحانوت +ملح نحمس مليح مليح ثم نمرق +كمشة حميصة +1ملعقة كبيرة طماطم .كي تطيب نصفي اللحم والكسبر ونرحي الخضرة ونعاود نصفيها نرجع اللحم للطنجرة ونحضر العقدة =نصف كاس مايزينة +كاس ونصف ماء بارد+عصير حبة قارص+1 ملعقة صغيرة زنجبيل مرحي نضرب مليح نفرغها على الحريرة ونتركها على نار هادئة 10د.نطفئ وندير كسبر مقطع رقيق .

oum salim · 2012-08-07, 00:09

beignet au fromage
رطل فرينة +رشة ملح +كاس صغير زيت نبسس+1ملعقة خميرة فورية +نرش بماء دافئ نحصل على عجينة طرية نتركها ترتاح ثم نكسرها ثلاث مرات .نشكل كويرات بحجم حبة جوز نحشيها بقطعة جبن نكورها مليح ونغبرها في الفرينة نتركها تخمر وتقلى في زيت ساخنة على نار متوسطة .

oum salim · 2012-08-07, 00:25

باذنجان محشي
1كلغ باذنجان -علبة قشدة ( او 100غ جبن طري) - جبن مبشور -2 سنات ثوم مرحي -2بيض -كمون - فلفل اسود- ملح-1 ملعقة كبيرة مارغرين -2 ملاعق زيت -معدنوس مقطع رقيق.
ننزع راس الباذنجان ونقطعه على 2 بالطول نخويه ونضع اللب في الماء +ملح +عصير ليمون. نمسح حبات الباذنجان بعصير الليمون ونرش عليها الملح+ فلفل اسود ونضعها في صينية مدهونة .
المارغرين +الزيت في مقلاة +لب الباذنجان يحمس جيدا ويكسر بالفرشيطة +كاس صغير ماء +ملح +فلفل اسود+كمون +2 سنات ثوم مرحي نخليه يطيب .
القشدة+جبن مبشور +2 بيض +المعدنوس +لب الباذنجان بعدما يبرد نمزج ثم نحشي انصاف البادنجان ونضع فوقها قطع مارغرين وندردر عليها الجبن المبشور ندخلها الفرن 30د .

aziza05 · 2012-08-07, 03:47

om salim rabi yhanik wasafat yaoum elahad arjouki

aziza05 · 2012-08-07, 09:24

om salim rabi yhanik wasafat yaoum elithnine arjouki

hano10 · 2012-08-07, 13:34

اقتباس:

المشاركة الأصلية كتبت بواسطة oum salim

وعليكم السلام .ويسلمك وربي يتقبل منا ومنكم.

طماطم محشية
4حبات طماطم نقطعها من فوق ونخويها .
نحضر الدرسة .ثوم مرحي +ملح+فلفل اكحل +معدنوس مقطع رقيق +كاس خبز يابس مرحي (chapelure) نخلط مليح ونحشي حبات الطماطم نضعها في صينية ونضع قطعة مارغرين (25غ) فوق كل حبة وندخلها الفرن تتحمر.
وصح فطورك

عن جد مالقيتش واش نقولك يعطيك الصحة والعافية وربي يخليك لينا ويرزققك
الف شكر لك

رنيم الامل · 2012-08-07, 15:15

شكرا لك على الوصفات ومجهودات المبذولة

aicha3357 · 2012-08-07, 15:15

hada win choft ,wach angelik om salim rabi ichallah yfarhak b waldek salim w ya3tik mataetmaney inchallah,

oum salim · 2012-08-07, 23:27

اقتباس:

المشاركة الأصلية كتبت بواسطة aziza05

om salim rabi yhanik wasafat yaoum elahad arjouki

واياك اختي .
يوم الاحد ما تجوزش في الاذاعة.

oum salim · 2012-08-07, 23:46

اقتباس:

المشاركة الأصلية كتبت بواسطة aziza05

om salim rabi yhanik wasafat yaoum elithnine arjouki

اختي السيدة يعلى راهي هاربة علينا والله ما لحقناها بالتسجيل وراني دائما روطار.
بشوية علينا سليمة تعيششششي.
نكمل لك تاع يوم الخميس .
كبدة مشرملة
كبدة تقطع شرائح نرشها بالملح والفلفل الاسود نحطها في مقلاة مع 4 ملاعق كبيرة زيت تقلى مع تغطية المقلاة ونقلب من حين لاخر.نحضر الدرسة =5 سنات ثوم +كسبر +معدنوس +1ملعقة صغيرة كروية+كاس صغير خل +كاس صغير ماء +ورقة رند+شطبة زعيترة نخليها تطيب شوية .
عصير الخيار
1كلغ خيار نقطعه من الطرفان ويحك بالسكر الخشن لنتخلص من المرورية .يقشر ويقطع مكعبات (يكون ما عندوش الزريعة)+عصير حبة قارص+كاس سيرو نعناع (sirop de menthe) +عصير 3حبات برتقال او 2 كاس عصير صناعي +1 لتر حليب بارد جدا جدا نرحي الكل مع بعض.

oum salim · 2012-08-07, 23:49

عفوا .ربي يخليكم نتوما ثاني .

aziza05 · 2012-08-08, 01:38

bravo alik 10/10 oum salim

aziza05 · 2012-08-08, 01:48

اسمحلي كثرت عليك لان كتابة الوصفات واعرة انا اضن انك تسجليهم عليهى ندلل عليك انا نسمعها على طريق نت ركي تعرفي الانقطعت تع نت و الكهرباء منسمع والو mille merci

الماسة النادرة · 2012-08-08, 14:10

يا اخواتي اليوم بدات في الحلويات وانا مقدرتش نسمعها لا في التلفزيون ولا في الانترنات تعيشو قولولي واش دارت بوجه ربي

douane hadjer · 2012-08-08, 16:58

moi aussi je cherche les recettes des gateaux d'aujourd'hui svp vous me les donner pllllllllllllllz