** وصفات الشاف مصطفلى بسعدي بإذاعة الشلف **متجدد كل يوم أربعاء بإذن الله * - الصفحة 11

natacabell · 2013-03-12, 16:17

yatik esaha khti welah ana manasma3 had ida3at 3ine dafla lakin nkoulak welah ghire nfa3tini b had les recette lah yatik matatmenay

bint aljazair · 2013-03-14, 15:02

السلام عليكم ورحمة الله وبركاته

يعطيك الصحة أنت والشيف مصطفى راني جربت البينيي وخرجوا روعة

حبيت نجرب هذه الحلوة ولا ادري إذا كان فيها السكر ولا؟؟؟؟؟

قاطو في مول السيليكون:
250غ زبدة بوماد نضربها + 2 صفار بيض و نضرب + بيضة + قرصة ملح و نضرب و مغرف صغيرة فانيلا + كاس مايزينة تدريجيا حتى تنشف و نضيف الفرينة حسب الطلب و اجي عجينة طرية جدا و نكورها بولات و نثقبها و ندير داخل البولات الشوكولا اللي اجي كرات و نغلق و نكور و نضعها في مول السيليكون و نضغط تبقى مسطحة و نقدر نرمدها فالمايزينة و نضعها فالمول و اطيب 15د ثم نقلب السيليكون و ضغط فالوسط

جزاكم الله خيرا

faizarbh · 2013-03-15, 11:17

اقتباس:

المشاركة الأصلية كتبت بواسطة bint aljazair

السلام عليكم ورحمة الله وبركاته

يعطيك الصحة أنت والشيف مصطفى راني جربت البينيي وخرجوا روعة

حبيت نجرب هذه الحلوة ولا ادري إذا كان فيها السكر ولا؟؟؟؟؟

قاطو في مول السيليكون:
250غ زبدة بوماد نضربها + 2 صفار بيض و نضرب + بيضة + قرصة ملح و نضرب و مغرف صغيرة فانيلا + كاس مايزينة تدريجيا حتى تنشف و نضيف الفرينة حسب الطلب و اجي عجينة طرية جدا و نكورها بولات و نثقبها و ندير داخل البولات الشوكولا اللي اجي كرات و نغلق و نكور و نضعها في مول السيليكون و نضغط تبقى مسطحة و نقدر نرمدها فالمايزينة و نضعها فالمول و اطيب 15د ثم نقلب السيليكون و ضغط فالوسط

جزاكم الله خيرا

lمنورة اختي و الحمدلله اللي عجبوك لي بينيي
بالنسبة لحلوة السيليكون والله ما نتبهت للسكر ممكن نكون غلطت حاليا محيت التسجيل تاع وصفة السيليكون لكن نحاول نجيبهولك في أقرب فرصة نشوف صديقتي لا كتباتو او سجلاتو و نقولهالك

faizarbh · 2013-03-15, 11:18

وصفات يوم الاربعاء 13/03/2013

طاجين الدولمة:
في طاجين نرابي 2 بصل مربعات و نقلي 15 د وحدو على نار هادئة ثم نضيف 2 فصوص ثوم مدروسين و ملح و فلفل و عود قرفة و فلفل عكري و فلفل دريس و أطراف دجاج و ملعقة أكل زبدة و نقلوه 10د (انا نفضل نزيد الزيت للبصل كي نقليه)
ثم نرابي حبة طماطم + ورقة رند و ملعقة وربع صلصة طماطم و نمرق بالماء الساخن حتى يغطي الاطراف تاع الدجاج و نخليه على النار حتى يطيب.
نفور 4 حبات بسباس حجم كبير و نفورهم بالملح و الفلفل الاسود و كي يطيب نخلوه يبرد و نقسم الحبة على اثنين و ننزعلها اللب الداخلي بملعقة قهوة.
اللب اللي نزعناه من البسباس نضيفلو 250 غ لحم مفروم + حبة بيض + ملعقة أكل فرينة + ملح و فلفل و معدنوس مقطع و نخلطهم و نعمر بيهم قوارب البسباس على شكل هرم ثم نحمروه في مقلاة فيها زيت
في هاد الاثناء يكون المرق نشف شوية ندير فيه البسباس المعمر اي قوارب البسباس نحطهم على الدجاج مدة 3 د و الطاجين على النار
في غراف نوجد ملعقة أكل كريمة طازجة + نص ملعقة صغيرة طماطم مصبرة و نخلطهم + 2 ملاعق ليمون و نفرغهم على الطاجين تاعنا .

حلوة القطيفة:
500غ مرغرين طرية + كاس سكر ناعم ثم نخفقهم + كاس زيت و انقص 3 أصابع + ملعقة فاني و نص كاس مايزينة و باكي خمارة و الفرينة حسب الطلب و نلم العجينة اجي طرية .
نحلها و نقطع دوائر متساوية سمكها حوالي 3ملم اي ارتفاعها و نطيبهم 15 د و اطيب بيضاء اللون و نتركها تبرد.
الكريمة: 250غ زبدة طرية نخفقها + كاس سكر ناعم و نص فنجان شاي زيت + فاني و نلصق بيها حبتين.

يعني احشي الوسط بالكريمة وزيدي اطليها كامل بالكريمة ثم رمديها في القوفرات مسكرفجة او النواة كوكو.
أخواتي انا هنا و انقطع لماما البث تاع الاذاعة و ما سجلتش الباقي يا ريت اللي تكون سمعت واش دار تساعدني و تقولي واش دار

ألف شكر للاخت بنت الجزاير راهي كملتلنا الحلقة

بعد حلوة القطيفة اعمل
الغريبية500غ زبدة ذايبة+350غ سكر رطب+ ذرة قرفة+ ذرة ملح تتلم بالفرينة حسب الحاجة
شكلي الغريبية وطيبيها

ثم حلوة البغريرة أو المشبكة
المقادير:
4 بيض، نصف لتر حليب بارد، 2خمارة كيميائية، الفرينة

طريقة التحضير:
البيض+ الحليب+ الخمارة+ الفرينة تكون العجينة مثل عجينة الكريب أو البغرير
سخني الزيت ثم ضعي الطابع الخاص بالحلوة يسخن في الزيت ثم ارفعيه وضعيه في الخليط بعدها اغطسيه في الزيت حتى يفصل العجين عن الطابع
بعدما يطيب عسليه