مســــــاعــــدة من فضـــلكم... ..

[missen]

السلام عليكم أخواتي الأعزاء شفت واحد المودال في عرس و عجبني بزاف ملقيت حتى واحد يعطيني الوصفة قلت نقصد غير خواتاتي في منتدى الجلفة هذا الڨاطو يسموه العريس و العروسة و يجي مخدوم بالنّوڨة للأسف الشديد ماعانديش صورة له لكن كي عاد ماخدوم بالنّوڨة راح واضح انشاء الله نلقى عندكم وصفة لهذا الڨاطو و تمنياتي لكم بالتوفيق على مدى الحياة و السلام عليكم

[ملاك ملاكي]

ياااي اختي شوقتيني ليه خاصة من عنوانه لانه عرسي قرييييب ان شاء الله
وحسب كلامك تخيلته بريزونتابل
نتمنى الاخوات يفيدونا ان شاء الله
وشكرا لك على مشاركتك لينا للموضوع
بااااااارك الله فيك
وعذرا اني ماساعدتكش اختي

[ام ايمان16]

على الاقل كي شفتيه كون صورتيه وحطيتيهلنا نشوفوه
كيفاش شكلو مدور مربع مثلث مستطيل فيه لعجينة ولا نوقة برك اعطيلنا شوية تفاصيل

ماشي نتاع لبجاوية

ماعنديش فكرة

[missen]

المشاركة الأصلية كتبت بواسطة ملاك ملاكي

ياااي اختي شوقتيني ليه خاصة من عنوانه لانه عرسي قرييييب ان شاء الله
وحسب كلامك تخيلته بريزونتابل
نتمنى الاخوات يفيدونا ان شاء الله
وشكرا لك على مشاركتك لينا للموضوع
بااااااارك الله فيك
وعذرا اني ماساعدتكش اختي

لا للاعتذار بالعكس شكرا على مرورك الطيب
وربي يبارك بعرسك و ألف مبروك
والله هايل و كيما ڨلتي بريزونتابل صح صح
نتمنى نلقاو لي يفيدنا من عند الأخوات المحترفين

[missen]

المشاركة الأصلية كتبت بواسطة ام ايمان16

على الاقل كي شفتيه كون صورتيه وحطيتيهلنا نشوفوه
كيفاش شكلو مدور مربع مثلث مستطيل فيه لعجينة ولا نوقة برك اعطيلنا شوية تفاصيل

ماشي نتاع لبجاوية

ماعنديش فكرة

شكرا على مرورك الطيب
شكله قلب و ملبسينلو مالفوق بعجينة اللوز شكل كوستيم بالنسبة للعريس و شكل la robe blanche بالنسبة للعروسة
بالنسبة للعجينة بانتلي تقولي نوڨة برك بصح أكيد ماهيش نوڨة و حدها فيها اضافات لكن لا اعلم
لا لا ماهيش تاع البجاوية نوڨة البيضة ماشي تاع السكر

[ام ايمان16]

المشاركة الأصلية كتبت بواسطة missen

شكرا على مرورك الطيب
شكله قلب و ملبسينلو مالفوق بعجينة اللوز شكل كوستيم بالنسبة للعريس و شكل la robe blanche بالنسبة للعروسة
بالنسبة للعجينة بانتلي تقولي نوة برك بصح أكيد ماهيش نوة و حدها فيها اضافات لكن لا اعلم
لا لا ماهيش تاع البجاوية نوة البيضة ماشي تاع السكر

بالاك راهي قاطو الكفتة لي مايطيبش بانتلك برك حاجة اخرى

اليوم صباح في قناة سميرة في برنامج زين وهمة دارو قاطو الكفتة على شكل عريس وسماها كفتة لعريس
دارها على شكل كوستيم
بالاك تشبهلها
شوفي الاعادة على 4نتاع لعشية بالاك تعجبك