خبز الدار بالسميد ( وصفة ماما الشهيرة ) - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم المعجنات والمخبوزات

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

خبز الدار بالسميد ( وصفة ماما الشهيرة )

إضافة رد
 
أدوات الموضوع انواع عرض الموضوع
قديم 2017-04-07, 16:03   رقم المشاركة : 1
معلومات العضو
إلهام07
متألقة ركن المعجنات
 
الصورة الرمزية إلهام07
 

 

 
الأوسمة
الموضوع المميز لسنة 2013 وسام نجمة التطبيقات 
إحصائية العضو










B10 خبز الدار بالسميد ( وصفة ماما الشهيرة )

البسملة1

مساء الخير عليكم بطبوطات



كي قعدتوا عاقلين وما درتوش القباحة جبتلكم وصفة ماما نتاع خبز الدار بالسميد اللي طلبتوها مني بزاف مرات




شفتو بزاف وصفات لخبز الدار ولكن فيهم الفرينة مخلطة مع السميد أو ساعات تلقاو وصفات عنوانهم خبز بلا دليك ولكن يكون بالفرينة وطبعا حاجة الفرينة جي خفيفة وماتحتاجش عجن بزاف ولكن صراحة خبز الدار طعمو الأصلي والألذ كي يكون بالسميد
ماما تعملو بالسميد وحدو ( فقط ساعات كي تخاف من سميد جديد تزيد ملعقة وحدة فرينة وهذا نادرًا )

هذه الوصفة اللي يذوقها يطلب الطريقة وخاصة أنها بنينة وخفيفة وبالسميد فقط والأحلى ما تحتاجش عجن يعني بدون تعب وأيضا ما نسقيش الخبز نتاعنا بالماء أثناء العجن


ننصحكم جربوه لأن هذه الوصفة رائعة وماما معتمدتها منذ سنوات وصدقوني عمري لا عجبني خبز كيما خبز ماما وتعلمتو عليها وطبقتو كيما راكم تشوفو في الصور وساهل ويحمر الوجه



تابعوا الطريقة :

وهذي المقادير لقرصة وحدة :


الــــمـــقـــــاديـــــر :

صحن كبير سميد ، حطيت صورة الصحن اللي كيلت بيه (أو 2 صحن صغير سميد نوع جيد)
1 بياض بيضة
1 م ك سكر
1 م ص ملح
1 م ك خميرة خبز
1 فنجان صغير زيت،سينوج
زاست برتقال ( أو مندرين أو ليمون )وكثروا شوية يجي فيه ريحة تهبل
ماء دافئ للعجن
2 م ك زبدة طرية


للـــدهــن : صفار بيضة ، 1 م ص حليب ، جلجلان محمص



الطريقة :


1- نضع كل المكونات الموجودة في الصورة في قصعة ( ماعدا الزبدة ) ونخلطهم ثم نبدأ بإضافة الماء الدافئ ونخلط حتى نحصل على عجينة طرية ورخوة يعني جارية شوية ( لأنو ماراحش نزيد نسقي العجين فيما بعد )... مانعجنش فقط نخلط حتى تختلط جيدا و تتجانس المكونات .

2- نغطي العجين بكيس دافئ باش ماتنشفش العجين ونخليها في مكان دافئ حتى تختمر جيدًا .

3- بعد ما تختمر نعجن فقط حوالي 5د رايحين نلقاو العجين طرية وماتحتاجش بزاف عجن ( إذا محتاجة ماء ممكن نضيف فنجان ماء لكن عادة مانزيدوش الماء )

4- نطري شوية زبدة وندهن بيها الرخامة ونبدى نعجن حتى تدخل الزبدة في العجين ونحصل على عجينة طرية ومخملية ولا تلتصق( نضيف الزبدة على مرتين كل مرة ملعقة زبدة )

5- ندهن صينية الفرن بالزبدة (والأحسن تستعملوا الصواني الدائريين هذوك الثقال ملاح ماتتحرقش العجين بسرعة وجي العجينة أخف، هنا كنا في العيد الصواني نتاعنا مشغولين كنت ندير في القاطو )
ونضع كرة العجين ونخليها ترتاح 10د باش ما تعبناش كي نجيو نطرحوها .

6- نطرح العجين وندهنها بالبيض ونرشها بالجلجلان ونخليها تختمر في مكان دافئ ( في الفرن مثلا طبعا يكون طافي )

7- نطيبها في فرن مسخن مسبقا على 180° من تحت ونزيد نحمرها من فوق .

8- كي نخرجها من الفرن نخليها تبرد شوية ثم نقطعها ونقدمها مع قهوة أو حليب .


حنا نحبوه كي يكون طايب جديد نتهاوشو على الحواشي يجيو مقرمشين ولكن إذا تحبوه طري غطيوه بمنديل ونخليه حتى يبرد تماما .

ماما ديما دير كمية منو ولما يبرد تقطعو مربعات وتقسمو في اكياس وتحتفظ بيه في المجمد كي يجيك ضيف على غفلة مباشرة تسخنو شوية في الميكرووند أو حتى تخرجيه بمدة وتخليه يتنحالو التجمد والله كأنه جديد .


نسيت نقوللكم باللي ماما كانت ساعات تزيد فيه السكر دير حوالي 2 أو 3 ملاعق سكر وتحشيهولنا شوكولا وديرو كرات صغار وتدهنو بالبيض وترشو بالسكر من فوق يجي كيما البريوش بصح خفيف ومقرمش نشربو بيه الحليب او نديوه للمدرسة معانا لمجة رائع .













هنا تقدرو تعملو خطوط بسكين او شوكة للتزيين أنا كي كنت صغيرة كانت جدتي الله يرحمها تخلي حتى تكمل ماما تزيين الخبزة و وتحكم يدي وتطبعها خمسة في وسط الخبزة تقوللهم أحسن ديكور ههههه ماما طبعا تبدى تعيط ومن بعد تضحك








وهذا من داخل كيفاش يجي خفيف ماشاء الله





جربوه ما تتكاسلوش

تحياتي ... أنا لهلوبة








 


رد مع اقتباس
قديم 2017-04-07, 16:14   رقم المشاركة : 2
معلومات العضو
أم عاكف ( الأم المعلمة )
مشرف منتديات الثقافة الطبية
 
الصورة الرمزية أم عاكف ( الأم المعلمة )
 

 

 
الأوسمة
أحسن خيمة رمضانية 1437هـ 
إحصائية العضو










افتراضي

يعطيك ألف عافية
خرج ما شاء الله
بالصحة والهناء









رد مع اقتباس
قديم 2017-04-07, 16:16   رقم المشاركة : 3
معلومات العضو
حميدحليم
عضو مشارك
 
الصورة الرمزية حميدحليم
 

 

 
إحصائية العضو










افتراضي

يشهي يشهي بشهي










رد مع اقتباس
قديم 2017-04-07, 16:41   رقم المشاركة : 4
معلومات العضو
اسيل الباتول
عضو مجتهـد
 
الصورة الرمزية اسيل الباتول
 

 

 
إحصائية العضو










افتراضي

رووووووعة الهام الله يعطيك الصحة نتي وماماك
راني ديت مورصو نشرب بيه كاس حليب يمي










رد مع اقتباس
قديم 2017-04-07, 17:46   رقم المشاركة : 5
معلومات العضو
رحمة2016
عضو مميّز
 
الصورة الرمزية رحمة2016
 

 

 
إحصائية العضو










افتراضي

ممممممم ريحتو تهبل واو
يعطيك الصحة يا الهام وربي يحفظلك اللميمة الغالية ويعطيها صحتها










رد مع اقتباس
قديم 2017-04-07, 17:54   رقم المشاركة : 6
معلومات العضو
دائمة الشكر
عضو مميّز
 
إحصائية العضو










افتراضي

يعطيك الف عافية ربي يحفظلك الوالدة










رد مع اقتباس
قديم 2017-04-07, 22:43   رقم المشاركة : 7
معلومات العضو
manoulamarina
عضو نشيط
 
إحصائية العضو










افتراضي

وصفة ساهلة.نجربها ان شاء الله










رد مع اقتباس
قديم 2017-04-09, 11:01   رقم المشاركة : 8
معلومات العضو
omjoujou
عضو متألق
 
الصورة الرمزية omjoujou
 

 

 
إحصائية العضو










افتراضي

نمووووووت على خبز الدار تاع السميد نفضلو مليون مرة على تاع الفرينة
والطريقة لي حطيتيها ساااااهلة ومفيهاش تعب بالرغم انو السميد لازم يتدلك مليح باه يجي الخبز تاعو خفيف روحي يالهام كيما سهلتيها علينا ربي يسهلك كل امورك ويقضيلك وش كان في قلبك
بلا ماننسا والدتك ربي يحفظها ويطولها في عمرها










رد مع اقتباس
قديم 2017-04-09, 19:36   رقم المشاركة : 9
معلومات العضو
جوهرة الشرق سكيكدة
عضو مشارك
 
إحصائية العضو










افتراضي

بارك الله فيكي اختي الهام وربي يحفظلك امكي










رد مع اقتباس
قديم 2017-04-09, 21:15   رقم المشاركة : 10
معلومات العضو
soumia zozo
عضو مشارك
 
إحصائية العضو










افتراضي

الله يبارك فيك اختي ويحفظلك امك










رد مع اقتباس
قديم 2017-04-10, 11:15   رقم المشاركة : 11
معلومات العضو
أم هجورة
عضو مميّز
 
الصورة الرمزية أم هجورة
 

 

 
إحصائية العضو










افتراضي

بارك الله فيك اختي الهام
الله يحفظلك الوالدة الكريمة










رد مع اقتباس
قديم 2017-04-10, 13:06   رقم المشاركة : 12
معلومات العضو
faizarbh
عضو برونزي
 
الصورة الرمزية faizarbh
 

 

 
الأوسمة
المرتبة الثالثة 
إحصائية العضو










افتراضي

ربي يحفظك يا طاطا ام الهام و صحيتي الهامو اللي راكي تعلمينا وصفات هايليين الله يبارك فيك










رد مع اقتباس
قديم 2017-04-10, 13:32   رقم المشاركة : 13
معلومات العضو
*أم كوثر*
مراقبة منتدى الأسرة
 
الصورة الرمزية *أم كوثر*
 

 

 
الأوسمة
المشرف المميز المشرف المميز 2014 المشرف المميز لسنة 2013 المرتبة الثالثة وسام التميز في قسم الطبخ المرتبة الاولى 
إحصائية العضو










افتراضي

لهلوبة بنت لهلوبة
تسلم الايادي










رد مع اقتباس
قديم 2017-04-12, 22:47   رقم المشاركة : 14
معلومات العضو
آسيا 27
عضو مميّز
 
الصورة الرمزية آسيا 27
 

 

 
إحصائية العضو










افتراضي










رد مع اقتباس
قديم 2017-04-12, 23:21   رقم المشاركة : 15
معلومات العضو
Simone mulàn
عضو جديد
 
إحصائية العضو










M001

شكرا على المجهودات










رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 07:08

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc