مشاركتي في مسابقة احسن طبق تقليدي ما بين الولايات "ثعصvانت من تيزي وزو " - الصفحة 3 - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم المسابقات

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

مشاركتي في مسابقة احسن طبق تقليدي ما بين الولايات "ثعصvانت من تيزي وزو "

إضافة رد
 
أدوات الموضوع انواع عرض الموضوع
قديم 2016-11-22, 09:45   رقم المشاركة : 31
معلومات العضو
أم ياسين الزهراء
عضو ماسي
 
الصورة الرمزية أم ياسين الزهراء
 

 

 
الأوسمة
وسام الوفاء وسام نجمة التطبيقات وسام نجمة التطبيقات وسام نجمة التطبيقات 
إحصائية العضو










افتراضي

بارك الله فيك تعرفي عمري لاكليتو وراني متمنية ندوقو من يديك الله يعطيك الصحة بالتوفيق









 


رد مع اقتباس
قديم 2016-11-22, 10:08   رقم المشاركة : 32
معلومات العضو
وردة الرمال43
عضو مميّز
 
الصورة الرمزية وردة الرمال43
 

 

 
إحصائية العضو










افتراضي

اقتباس:
المشاركة الأصلية كتبت بواسطة انا هي رزيقة مشاهدة المشاركة










نهاركن سعيد فحلات الجلفة واقيلا راكم تستناو حتى نحط مشاركتي باه تعاندوني ...... خخخخخخخخ اوكي حبيباتي يشرفني ان اشارككم احد االاطباق التقليدية الكثيرة الحبيبة على قلبي و ذلك بفضل هذي المسابقة الجميلة التي اتاحت لنا فرصتها مشرفتنا المبدعة زينب شكرا اختي زينب ... في الحقيقة احترت في اختياري لاني عندي وصفات تقليدية كثير لكن بضعها يتطلب جهدا و وقتا لا امتلكهما للاسف ..... لهذا اخترت هذا الطبق السهل و البسيط جدا جدا بصح بنين اكيد ..... خخخخ طبق من تراثنا القبائلي العريق و من ولاية تيزي وزو بالتحديد بصح بطريقة عائلتي لانو فيه وصفات كثير لنفس الطبق . انه طبق ثعصvانت انطقيها كيما راكي تشوفيها ...... خخخخخ او عصبان السميد... و جيراننا في بجاية يقولولها تيكرvاvين ....خخخخخخ حبيت نعلملكم تنطقوها على اصولها ...... خخخخخخخ
هذا الطبق علمتهولي جدتي من ابي ربي يرحمها و يجعل مثواها الجنة . حضرتو على طريقتها الخاصة بصح للامانة أضفت لمسة من عندي و هي زيادة قطعة دجاج و كمشة صغيورة عدس كاين كثير يضيفوها بصح هي متحبوش الله يرحمها .كيما قلتلكم الجدات القبايليات يحبو البساطة و عدم تكليف انفسهن في حياتهن اليومية و هذا طبق تع كل يوم بصح مشبع و غني الى ابعد الحدود و شتوي بامتياز
نبدا على بركة الله قاعدة الطبق سميد متوسط و زيت زيتون و نعناع يابس و بطاطا و بصل و ثوم و فلفل عكري و راس الحانوت و فلفل اسود و قصبر مطحون و ملح و شوية طماطم مصبرة و قطعة صغيورة جدا من شحمة العيد صدقوني متبانش خلاص بصح تعمل اختلاف في الذوق و قرن او 2 فلفل حار يابس او لا لك الاختيار . و اضافاتي الخاصة هي الدجاج و شوية فقط عدس و حشيش قصبر.
نبدا اولا بالصوص نحط البصل مقطع رقيق يتقلى مع الدجاج و الثوم و التوابل و حوالي ملعقتين او 3 زيت عادية و كمشة صغيورة عدس مغسولة مليح و ملعقة صغيرة طماطم مصبرة نقلي الكل مليح ثم نزيد حبة طماطم صغيرة مقطعة رقيق و نزيد نقلي ثم نمرق بكمية مليحة من الماء (حوالي 5ر1 لتر) لانو رايحين نستعملو الصوص للم عجينة كريات السميد و ثاني الكريات لازملها صوص باه تطيب و لازم يبقى شوية صوص باه ناكلو الكريات معاها . بعد 10 دقائق من غليان الصوص نرمو فيها البطاطا مقطعة مكعبات و نزيد قرن الفلفل الحار . اذا مدرتيش دجاج قلي البطاطا تاعك من البداية مع البصل و الصوم .
نروحو لكريات السميد تاعنا في صحن عميق نحطو السميد متوسط مع قرصة ملح متكثروش لانو رايحين نلموه بالصوص لي هي مالحة زيدي شوية فلفل عكري لي تحب الحار تستعمل عكري حار و نفتتو فيه هذيك الشحمة بصباعتينا حتى نذويوها كامل في السميد تولي متبانش خلاص ثم نزيدو نفتتو النعناع اليابس في السميد نطحنوه ما بين صباعتينا مليح و نخلطو لازم تشوفي النعناع باين فيه ثم اضيفي كمية من زيت الزيتون هنا لك الاختيار لي تحب روحها مليح تدير غير زيت الزيتون و لي تحب روحها نص نص تدير نص زيتون و نص زيت عادية و لي متحبش روحها خلاص تدير غير زيت عادية ...... خخخخخخ نبسسو السميد حتى يولي شغل مقروط هذ الخطوة مهمة جدا لانها هي لي راح تعطيك كريات طرية و مبسسسة امممم ...زيدي شوية حشيشة قسبر مقطعة رقيقة ثم لمي العجينة بالصوص لي راهي تغلي كي شغل راكي تلمي في المقروط او المبسس لازم تستعملي يدك باه تحسي بالقوام المطلوب و متخافيش مش رايحة تنحرقي في الاول خلطي بملعقة ثم استعملي يدك . شكلي الكريات تاعك على ذوقك (سواء شكل دائري او بيضوي) ثم ارميها في الصوص بعد متكوني نقصتي النار (لازم الدجاج يكون طاب) و كي تكملي كل الكريات احكمي المرميطة تاعك من يديها و دوريها شوية باه الكريات يسقمو رواحتيهم و يحكمو مليح بلايسهم .....خخخخخ زيدي رشة نعناع يابس من فوق ودوقي الملح و خلي الكل يطيب على نار متوسطة حوالي 10 دقائق او 13دقيقة اقصى حد على حساب كمية الكريات . الكريات يكونو طابو كي تحكمي وحدة و تقسميها تلقياها ولات صفراء من الداخل و حاكمة روحها كيما هك. و خلاص .... تم بحمد الله و لك اختي الاختيار في تقديم طبقك تاكليه بالصحة و العافيةهنا صورة مقربة ......خخخخخخ
و هنا بدون لحم و
اااااااااااااااه يارزيقة قتلتيييييييييييييييني بالسخفة طيابك ماشاء الله هايييييييييييييييييييل وكامل نحبو ونموت عليه بلاك نرحل جوايهك ونولي نجي عندك وناكل ماكلتك الزززززززززززززيييييييييييينة والبننننننننننننييييييييييييييينة الله يبارك 444444444444444444444444444444









رد مع اقتباس
قديم 2016-11-22, 10:33   رقم المشاركة : 33
معلومات العضو
البدرية
عضو مجتهـد
 
إحصائية العضو










افتراضي

اللهم بارك أختي رزيقة شرح كافي ووافي سمعت بهدا الطبق من قبل من طرف صديقتي من بجاية باسم تيكرvاvين ولم أتدوقه والآن عرفته جيددا بارك الله فيك

بالتوفيق أختي










رد مع اقتباس
قديم 2016-11-22, 13:04   رقم المشاركة : 34
معلومات العضو
انا هي رزيقة
عضو محترف
 
إحصائية العضو










افتراضي

اقتباس:
المشاركة الأصلية كتبت بواسطة *سندوسة* مشاهدة المشاركة
مروررك اسعدني اختي سندوسة الف شكر
اقتباس:
المشاركة الأصلية كتبت بواسطة صفحة بيضاء مشاهدة المشاركة
ابداع وثم ابداع متالقة في الاكل لخفيف الضريف والان ما هذه الروائع اكل تقليدي رائع اول مرة نسمع بالوصفة تبان رائعة والشيء لي لاحضتو
مجهود مبذول من شرح الى تصوير ربي يجازيك كل خير ان شاء الله نجربو وربي يرحم جداتك اكيد كانت طباخة ماهرة وانت خرجي ليها
يا عمري على كلام حرة البسكريات لي يطلع المورال و الله شرف ليا ان يعجبك الطبق يا بحورة لاني اعرفك خبيرة في هذه المواضيع ....... خخخخخ الف شكر اختي و شكرا على الدعوة الطيبة و لك المثل
اقتباس:
المشاركة الأصلية كتبت بواسطة ام احمدي مشاهدة المشاركة
هاااايل حنونة والله اول مرة نشوفو
قوليلي الدوق تاعو لواش يشبه حمستيني نجربو منها نجدد ومنها نعرف الدوق يبان اممممم
ميرسي رزيقة وبالتوفيييييق
و الله انتي لي هايلة يا اختي ام احمدي شكرا على كلامك الزين ربي يفرحك اختي ...شوفي و الله حوست و حوست ملقيتش ذوق يشبه هذ الطبق...امالا معليك غير تيماجيني ذوق طبق عمرك مذقتيه في حياتك هذاك هو بالذات و الصفات ....... خخخخ شوفي حنونة جربيه و اجرك على الله و خلاص ......خخخ شرفتيني بمرورك اختي









رد مع اقتباس
قديم 2016-11-22, 13:13   رقم المشاركة : 35
معلومات العضو
انا هي رزيقة
عضو محترف
 
إحصائية العضو










افتراضي

اقتباس:
المشاركة الأصلية كتبت بواسطة مياسم الصمت مشاهدة المشاركة
السلام عليكم ورحمة الله وبركاته
يعطيك الصحة رزيقة
اسم الطبق ما يظهر لي نقدر ننطقه او نتذكره
نحاول نجرب كمية صغيرة حتى ما تكون الفاجعة اذا فشلت فيه
واذا حدث ذلك لازم تعرضيني لتيزي وزو نذوقه على أصوله
لكن السؤال لما تحطي الكريات المرقة تكون قليلة في الطنجرة تاعك
والكريات ما تتفتح مخوفتني النقطة هذه
الفين هلا و سهلا بمياسم في موضوعي المتواضع و زاد عجبك يا فرحتي التي لا تصوف بيك يا مياسم ...... خخخخ ربي يفرحك اختي شوفي حبيبتي تشجعي و ان شاء الله متكون اي فاجعة ..يا خي يقولو الكوراج غير مدراهم .... خخخخ شوفي حنونة الكريات لازم يعومو في الصوص الى حد ما فقط كي تروحي ترميهم في الصوص نقصي النار على الاخر ثم كي تكملي خوذي الطاجين تاعك من اليدين و حركي الخليط بالشوية باه الكريات يسقمو رواحتيهم في الصوص ثم عاودي شعلي على نار هادئة الى متوسطة ... و متخافيش انهم يتفتحو راهي الزيت تعمل فيهم مفعول الاسمنت ...يا لهوي ملقيتش تشبيه اخر ...... خخخخخ يعني راهم مسودييين متخافيش و ثاني متنسايش تبسيهم مليح بالزيت في البداية مثل المبسس ..
و على العموم اذا لا قدر الله و موفقتيش في التطبيق و الله و الله غير اكون اسعد انسانة لو تجيني مع بنات الجلفة و ندوقكم هذا الطبق البسيط لي مافيه اي تكليف... يعني راح تكون عرضة مباركة الى ابعد الحدود نتوما تاكلو و تشبعو و انا جيبي يبقى مليان ....... خخخخخخ
هاهو قوام الطبق لما نطفي عليه اختي نسيت محطيتوش في الموضوع و خفت يروحلي كلش لو ندير تعديل لاني عندي مشكل كبير في تعديل مواضيعي









رد مع اقتباس
قديم 2016-11-22, 13:17   رقم المشاركة : 36
معلومات العضو
om kamilia
عضو محترف
 
إحصائية العضو










افتراضي

قتلتيني رزيقة آممممممممممممم نمو ت ولكان حارة يا ويلي دبري راسك نهار نجي وجديهالي










رد مع اقتباس
قديم 2016-11-22, 13:40   رقم المشاركة : 37
معلومات العضو
انا هي رزيقة
عضو محترف
 
إحصائية العضو










افتراضي

اقتباس:
المشاركة الأصلية كتبت بواسطة زينب 83 مشاهدة المشاركة
صراحة رزيقة ما لقيت ما نقول حطيتي الموضوع كيما راه مرسوم في راسي
شرح كافي وافي و الطريقة منسقة و منظمة و فوق كلشي الطبخة لذييييييذة يسلم هاذوك اليدين و ربي يرحم جداتك و يجعل مثواها الجنة
صراحة اختي زينب شرفتيني بتعليقك القيم لمضوعي البسيط الف الف شكر اختي ... انا طرحت الموضوع مثلما هو مرسوم في خيالي منذ ان علمتهلي جدتي ربي يرحمها... كانت امراة منظمة جدا في حياتها و هذا انعكس على تنسيق الموضوع لاني انا كوبييت عليها برك .....خخخخخ ربي يسكنها فسيح جنانه هي و كل موتى المسلمين يا رب
اقتباس:
المشاركة الأصلية كتبت بواسطة القناعة كنز مشاهدة المشاركة
شهيتيني فيه زيكا
سلمت يداك
شهيتك في الجنة اختي قناعة نورتي موضوعي
اقتباس:
المشاركة الأصلية كتبت بواسطة أم ياسين الزهراء مشاهدة المشاركة
بارك الله فيك تعرفي عمري لاكليتو وراني متمنية ندوقو من يديك الله يعطيك الصحة بالتوفيق
ربي يبارك فيك يا احلى ام ياسو و الله انا ثاني تمنيت لو نعرضكم عليه في داري سيكون من اسعد ايام حياتي و راني درتلكم انفيتاسيون جماعية مع مياسم ....... شرفتيني بدخولك اختي ام ياسو شكرا
اقتباس:
المشاركة الأصلية كتبت بواسطة وردة الرمال43 مشاهدة المشاركة
اااااااااااااااه يارزيقة قتلتيييييييييييييييني بالسخفة طيابك ماشاء الله هايييييييييييييييييييل وكامل نحبو ونموت عليه بلاك نرحل جوايهك ونولي نجي عندك وناكل ماكلتك الزززززززززززززيييييييييييينة والبننننننننننننييييييييييييييينة الله يبارك 444444444444444444444444444444
يا عمري على عروستنا الحلوة و كلامها المزيون اخجلتي تواضعي يا وردة و اكيد يكون لي الشرف لو يكون عندي جارة عروسة مثلك تتهلا فيا و نتهلا فيها .... قوليلي كي تنوي نحوسلك على كاش بيت ايجار قدام داري حنونة ....... خخخخخخخ









رد مع اقتباس
قديم 2016-11-22, 13:52   رقم المشاركة : 38
معلومات العضو
انا هي رزيقة
عضو محترف
 
إحصائية العضو










افتراضي

اقتباس:
المشاركة الأصلية كتبت بواسطة البدرية مشاهدة المشاركة
اللهم بارك أختي رزيقة شرح كافي ووافي سمعت بهدا الطبق من قبل من طرف صديقتي من بجاية باسم تيكرvاvين ولم أتدوقه والآن عرفته جيددا بارك الله فيك

بالتوفيق أختي
و فيك الف بركة اختي شكرا على مرورك الجميل و كلامك العطر و الله قد اخجلتي تواضعي الحمد لله اني ساعدت على تعرفك اكثر على هذ الطبق ..... هكذا كاش نهار بلاك تطبقيه اذا حب ربي و لما لا كنوع من التغيير

اقتباس:
المشاركة الأصلية كتبت بواسطة om kamilia مشاهدة المشاركة
قتلتيني رزيقة آممممممممممممم نمو ت ولكان حارة يا ويلي دبري راسك نهار نجي وجديهالي
يا عمري على ام كامي سمحيلي اذا شهيتك انا ثاني شهيتيني في ثاشباط تسما واحدة بواحدة ....... خخخخخخ و الله غير نديرو بكل سعادة لاختي اورواحي برك عندي بصح جيبيلي معاك ثاشباط نزيدو نحطوها معاه و ناكلو حتى التبطييط يدير فينا حالة ..... خخخخخخ









رد مع اقتباس
قديم 2016-11-22, 21:11   رقم المشاركة : 39
معلومات العضو
زهرة الريف*
عضو محترف
 
الصورة الرمزية زهرة الريف*
 

 

 
إحصائية العضو










افتراضي

أمممم يحيا التقليدي. ...كالعادة مميزة بااطباقك وكلامك لي أحلى من العسل ربي يبارك فيك أختي رزيقة وماشاء عليك وعلى نشاطك موفقة إن شاءالله










رد مع اقتباس
قديم 2016-11-22, 22:56   رقم المشاركة : 40
معلومات العضو
أم أسرار
عضو مميّز
 
الصورة الرمزية أم أسرار
 

 

 
إحصائية العضو










M001 السلام عليكم و رحمة الله تعالى و بركاته

بارك الله فيك على الوصفة و المجهود أختي الله يدوم عليكم و علينا النعم ما ضهر منها و ما بطن









رد مع اقتباس
قديم 2016-11-23, 21:26   رقم المشاركة : 41
معلومات العضو
ام سارة18
عضو مميّز
 
الصورة الرمزية ام سارة18
 

 

 
إحصائية العضو










افتراضي

زقزوقة كنت متاكدة بلي رايحة تشاركي وتبدعي الطبق روعة عمري ماسمعت بيه ولا ذوقتو يعطيك الصحة على الوصفة والجهد المبدول موفقة ان شاء الله










رد مع اقتباس
قديم 2016-11-23, 21:51   رقم المشاركة : 42
معلومات العضو
tong2
عضو متألق
 
الصورة الرمزية tong2
 

 

 
إحصائية العضو










افتراضي

الله يعطيك الصحة
بالتوفيق حبيبتي









رد مع اقتباس
قديم 2016-11-24, 12:49   رقم المشاركة : 43
معلومات العضو
انا هي رزيقة
عضو محترف
 
إحصائية العضو










افتراضي

اقتباس:
المشاركة الأصلية كتبت بواسطة زهرة الريف* مشاهدة المشاركة
أمممم يحيا التقليدي. ...كالعادة مميزة بااطباقك وكلامك لي أحلى من العسل ربي يبارك فيك أختي رزيقة وماشاء عليك وعلى نشاطك موفقة إن شاءالله
قوليها و عاوديها اختي زهورة يحي و يحيا التقليدي الصحي و البنين تع اجدادنا الطيبين ربي يعيشك على كلامك الطيب اختي و يبارك فيك و في كل عزيز عليك يا رب
اقتباس:
المشاركة الأصلية كتبت بواسطة أم أسرار مشاهدة المشاركة
بارك الله فيك على الوصفة و المجهود أختي الله يدوم عليكم و علينا النعم ما ضهر منها و ما بطن
و فيك الف بركة اختي ام اسرار امين يا رب و شكرا على مرورك العطر
اقتباس:
المشاركة الأصلية كتبت بواسطة ام سارة18 مشاهدة المشاركة
زقزوقة كنت متاكدة بلي رايحة تشاركي وتبدعي الطبق روعة عمري ماسمعت بيه ولا ذوقتو يعطيك الصحة على الوصفة والجهد المبدول موفقة ان شاء الله
يا عميي شكون جات الف الف اهلا و سهلا بفحلتي ام سارة ياخي قالك لي يعيش يشوف راكي شفتي اختي و مزال يا ما حتشوفي ...... خخخخخخ ربي يخليك على كلامك الزين حبيبتي اسعدني مرورك









رد مع اقتباس
قديم 2016-11-24, 13:50   رقم المشاركة : 44
معلومات العضو
انا هي رزيقة
عضو محترف
 
إحصائية العضو










افتراضي

اقتباس:
المشاركة الأصلية كتبت بواسطة tong2 مشاهدة المشاركة
الله يعطيك الصحة
بالتوفيق حبيبتي
اسعدني مرورك اختي الف شكر









رد مع اقتباس
قديم 2016-11-24, 21:15   رقم المشاركة : 45
معلومات العضو
*زهرة اللوتس*
عضو نشيط
 
الصورة الرمزية *زهرة اللوتس*
 

 

 
إحصائية العضو










افتراضي

أحلى زيكا واحسن اطباق 5 نجوم والله كلش من يديك تححححفففففة تبارك الرحمن واحلى تقييم من عندي يا فحلة الفحلات










رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 09:34

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc