طريقة اسهل لخياطة البسايط

[لالا2]

صباح الخييييييييييييييييييييييييييييييييييييير عليكم
اليوم حبيت نلبيلكم طلبكم فى خياطة البسايط اتركم مع الصور اولا لكى تفهمو واش رانى نهدر

[لالا2]

بسم الله نببببداو بالسرير للزم تخدمى سرير 4 ارجل وطوله 2 ميطرات وعرضه 95 الى96 سنتيم وتخدميه عند السدور والحدييد انتاع البناء
ومن بعد جيبى سروال جين وقطعيه الى ششرائط ولوى كيما راهو موضح فى الصورة ثم جبى الكتان انتاعك وخخيطى عادى مشمهم انفدة امهم كون متوسطة ماهى كبيرة ماهى صغيرة ومن بعد احشى الحشوة الى حبيتى ثم زيد احكميهم من فوق كيما راهو موضح فى الصورة ومن بعد ابداى فى الخدمة اخدمى الحاشية ومن بعد ارسمى فى الوسط وهدا راهو تطبيقى لبساط الاخت سامية ونقولله يعطيك الصحة
ملاحضة كى تخيطى الكتان او تحكميه فى السرير انا رانى نخيط بخيط الكيس نتاع السميد اوفر لانو راكى من بعد رايحة تقطعيه والبساط خيطى بلديامسى نتاع الحرير مثنى على 2
واش نقلكم رانى على مااضن وضحت ولى حندهخا اى سؤال رانى فى الخدمة
وهدا تطبيقى وهادو الرشمات هكدا احسن من انك تخدمى بالدوبل اى الكللك حطى الرشمة فوق البساط وارسمى بالطباشير
وحض موفق للجمييييييع

[نورهام]

ياختي الصور غير واضحة لو تكرمتي عاوديهم باش ابانو مليح

[ZOINA2105]

اختي الله يخليك حطيلي هذي المركة لا عندك

اي الكرتون نتاعها

انا كنت نحيط هذا بشكارة السميد
والان وليت نخيط بالمسامير

[صمت الجزائر]

شكرا لك يا اختي.....وبارك الله فيك...وفي اعمالك...وربي يحفظك...وانا راني فهمت كلامك.....والله نتمنى اني نجرب الطريقة ديالكم لانها جديدة..عندنا والخدمة اجمل ....والتوضيح ديالك بالصور..كان مفهوم...وننصحك باش تحطي اسمك على الصور للتوضيح ...لان من يراهممن المنتديات الاخرى سوفينقلهم واحنا حابين نعرف الاصل لاصحابها...ماشي كوبي كولي ....باش نتعلم ونقدر نسال صاحبة الشان باش نتعلم اكثر منها...مثلك انتي اختي.......شكرا لك

[wafaa_alg]

انا في الحقيقة والله ما فهمت

[المتألقة]

شكرا لك على الطريقة

على حساب ما فهمت أنت ماتستعمليش لونين نتاع القماش من الفوق

تقطعي الرشمات و تخيطيهم

[mano2]

ارجوا ان تعيدي والله مافهمت والو

[لالا2]

شكرا على المرور ومعلهش نعاود نشرحلكم ونعاود الصور بصح الان راهى الانترنات ناقصة عندى منا لمبعد انشاء الله نزللكم الصور
اما بالنسبة الى الاخت المتالقة لا لا لا ادا حبيتى تخدمى بساط دو لونين لازم تحطى لون تحت الوجه للبساط وتخيطى ومن بعد كى تخلصى قصى

[إلهام1993]

مشكورة
يعطيك الصحة

[بنت بسكرة]

شكرا على الطريقة

[شهرة وايمان]

ارجو ان تعيدي الطريقة اختاه وجزاك الله خيرا

[اميرة الابتسامة]

ايه حنا نستعملو تقريبا نفس الطريقة وكيما قلت تاع لونين حتى نكملو باش نقصو

يعطيك الصحة شرح مفصل

[تغرينية]

ياختي الصور غير واضحة لو تكرمتي عاوديهم باش ابانو مليح

[نبيلة المهبولة]

ارجوا ان توضحي اكثر وتضعي لنا الصورة لانه لم يظهر شيء