اقتباس:
المشاركة الأصلية كتبت بواسطة sousou 5
اهلاا اخت نهاال على سلاامتك اطباقك يهبلو وشكرااا على شكرك ليا ربي يحفظك ان شااء الله
ممكن وصفة
|
اقتباس:
المشاركة الأصلية كتبت بواسطة حياة نور الدين
اليلام عليكن ونهاركم مبروك وزين وصيام مقبول ان شاء الله ال
اولا حبيت ننقللكم سلام ام مهدي التابلات تكسرتلها حتى يفرج ربي وترجع معنا ان شاء الله وتسالل عليكم بواحدة
ثانيا نشكركم حبيباتي سوسو، ريتال، ابتسامة ونهال على كلامكم الزين ولي يطلع المورال وضحكت على تعليقك نهال وما تتبكشي ما والو انت ثان اطبؤاقك روووعة وهبلتني الحوتة ولو ممكن الوصفة اليوم ههههه
سوسو حبيبتي تفضلي وصفة الكباب في طنجرة حطي زيت وفلفل اسود وقرفة وملح ودجاج او لحم او بدون اي اضافات وبصل مقطع رقيق قلي مليح منبعد مرقي على حساب اللحم تاعك او الدجاج ومرات انا نرمي بولات لحم مرحي وادا ما درت والو نمرق بكاس ماء فقط ونضيف الحمص ، من جهة اخرى نقلي البطاطا ننزع اطراف اللحم او كرات اللحم وتكون المرقة قليلة نحط فيها البطاطا غير تبدا تغلي نضرب حبؤات بيض مع المعدنوس ونحط عليها ونخليها دقائق ونطفي
وانا كي ما نديرش لحم في المرق يكون عندي واجد قصدي باقيلي من كاش وجبة او محمر مالا قبل ما نرمي البطاطا نحطوا في المرق يسخن منبعد نحيه نفتوا ونحطوا فوق البطاطا ونزيد البيض
ام هدول لك وحشة بالشفا على بناتك وربيي ينححهم ان شاءالله وقتلتيتي بالتليتلي بصحتكم وكثر خيركم وكلشي حطيتيه يشهي
رتال بصحتكم حبيبتي وشكراا لمشاركتنا لطباقك وربي يحفظ خوك
فيفيو تحلياتك روووعة حبيبتي يعطيك الصحة
امنة الوصفة ليطلبتيها تلقايها في مشاركات سوسو
سوسو شهيتيني في اللوبيا والتحلءات تحففففة يسلم ايديكي حبيبتي
|
وصفة البطاطا بالسمك.
نحضر شرمولة: كمون؛ثوم مفروم، قصبر مرحي؛؛ فلفل أسود؛ معدنوس مقطع؛ ملح؛ عصير ليمون؛ زيت زيتون.
نصف الشرمولة نتبّل بها السمكة و نخليها فالثلاجة.
و النصف الباقي نتبّل به البطاطا.
بطاطا مقطعة دوائر نتبلها بالمللح و نقليها نصف قلية؛ يعني مانطيّبهاش مليح ي إنما تاخذ لون ذهبي فقط.
في مقلاة؛ نحط شوية زيت و نشوّح بصلة مقطعة شرائح رقييقة مع فلفل حلو مقطع شرائح و نضيف عليهم الشرمولة لي بقاتلي و نضيف فلفل عكري باش نتحصل على صوص أحمر.
في إناء يذخل للفرن؛ نفرّش طبقة البصل و الفلفل؛ و نستّف فوقها دوائر البطاطا و نمرق بكأس ماء.
نغطي الإناء بورق الألمنيوم و نذخلها للفرن لمدة 40 دقيقة؛ ثمّ نخرّجها و نضيف السمكة و نعاود نغطي بالألمنيوم و نرجعها للفرن لمدة 20 دقيقة؛ يعني المدة الإجمالية للطبخ هي ساعة كاملة.
تجي بنييييينة خاصة أنو السمكة تطلق العُصارة نتاعها و تنكّه البطاطا روووووعة.
آسفة على التأخير في الرد.
حيوتة سلميلنا على أم مهدي؛ توحشنا خفة دمها.
( تقرير عن مشاركة سيئة )، و الموجودة أسفل كل مشاركة .
2018-06-04, 22:02
العرض العادي
