كيفية صنع حزان للقفطان

narmine nor · 2012-06-20, 09:42

بسم الله الرحمان الرحيم
حبيباتي في البدايا اطلب منكم السماح علابالي طولت عليكم
نبداو نحتاجو
ورق الصالبة مقص
مسدس لصق
قماش اي لون للتغليف الداخلي المهم مايكونش ساتان لانو يزلق و ميلصقش مليح
قماش المراد استعماله انا استعملت القماش تع الجبة الداخلية للقفطان

مكواة
rubant colant و هذا يديرو بيه الدفاير تع السراويل او يدين يلصق فقط بالمكواة

نرسمو على الصالبة الشكل لي تحبيه انا اخترت الحزام يكون في الوسط مموج خذي قياس وسط مثال 88 او على حساب كل وحدة

تقصيه و تضعيه فوق القماش انا اخترت الشاش للتغليف الداخلي

و تقصيه على شكل الحزام و تتركي قيس اصبع باش تلصقيه على الجوانب
الصقيه بالمسدس او rubantب
ها هو من الخلف

راني نلصق في الجوانب

و نجيو القماش المراد التغليف بيه و نضعوه على الوجه لي ماهوش مغلف

و نرجو نديرو كيما البداية نقصوه على شكل الحزام و نخليو قدر 1سم باش نلصقو حوافو
انا حطيت rubant باش نكولي بيه و حطيت القماش و كويت بالمكواة باش يلصق

و نبداو نلصقو الجوانب

هاهي من الامام

من الوراء

الان باش يجي الحزام واقف و خشين نزيدو نقصو من ورق الصالبة الشكل نفسو تع الحزام

و نلصقو من الوراء

انا لصقتو في الوسط ب rubant و الحواف بمسدس لصق

راني كملتها بصح مازال ما زينتهاش مازال ماخممتش كيفاه نزينها لانو قماش القفطان الخارجي لونو كيما هذا و فيه الفضي

هاهي من الامام

و هاهي من الوراء

و الحمد لله وجدت

نوصيكم كوليو مليح مليح باش ماتتفتقش و كي نزينها نزيد نحطلكم
متنساوش تدعيولي.........و تقيموني هههه
في امان الله و ان شاء الله تعجبكم الطريقة و تستفادو و خاصة للاخت ليل و سجون

narmine nor · 2012-06-20, 09:46

ان شاء الله يكون الشرح مفهوم

kiya · 2012-06-20, 09:53

يعطيك الصحة

fifiarch · 2012-06-20, 13:19

يعطيك الصحة اختي والله افدتينا كثيرا الف شكر ليك
انا راح نخدم بالفازلين
ماعنديش الصالبة هاذي
واش رايك زعمة يصلح

fifi180 · 2012-06-20, 19:01

مشكورة على الشرح ولازم ديما المحاولة باه ترسخ الفكرة اكثر
انا مافهمتش روبون هذاك برك وين درتيه؟
زيد القماش الي استعملتيه ساتان بانلي مي اي نوع معرف
فيفي تنجمي تجربي بورق الراديو يجيك واقف

موجو جوجو · 2012-06-20, 19:26

شكرا ليك راني حطيت مشاركتي لهيه
جزاك الله ألف خير

ام ابتهال و ياسر · 2012-06-20, 19:51

بارك الله فيك أختي ولله افدتينا ربي يخليك

narmine nor · 2012-06-20, 20:02

حبيبتي fifiarch لافيزلين مش واقفة متجيش خشينة تقدري تستعملي الراديو و ورق الصالبة تلقايه عند لي يبيع مستلزمات الخياطة قوليلو الصالبة و اذا مفهمش قوليلو الورق لي يحرجو بالفتلة فوقو راهو ب 30 الف
fifi180 ريبون درتو في الوسط يعني بين القماش و الورق لكن الحواف لصقتهم بالمسدس لان الريبون يذوب و يلصق القماش في الورق لكن الجوانب ممكن يتحلو على هذا استعملت مسدس لصق و زدت كويت بالمكواة باش كلشي يلصق مليح
هاهي الصورة هو لي في الصورة يشبه لافيزلين رقيق جدا

و القماش هو طافطا شونجونت راهو قديم عندي تع القفطان

oum kawtar · 2012-09-03, 10:35

اختي الغالية شكرا على هذه المشاركة القيمة......لكن لدي مشكلة فانا لا اتمكن من مشاهدة الصور الموجودة في هذا الموضوع .....فهللا اخبرتني عن المشكل....فانا عضوة جديدة في المنتدى

sana04 · 2012-09-03, 11:00

واناايضا لا اتمكن من مشاهدة الصور لهذا الموضوع

omanis · 2012-09-03, 12:28

اين الصور ؟؟

ام عبود · 2013-01-26, 21:34

ماشاء الله على العمل رائع
يعطيك الصحة

ام عبودة · 2013-06-12, 16:42

الصور تبحرت يا خسارة