تارتولات الليمون رووووعة

[اميريم19]

السلام عليكم

اكثر ما نحب في الشتاء الليمون ولما نذكر الليمون لازم نذكر تارت الليمون بالمورانغ وراح تلقاي الكثير من الوصفات نقترح عليك هذه الوصفة اللذيذة والسهلة نديرها منذ سنوات احيانا على شكل تارتولات واحيانا على شكل تارتك كبيرة ودائما ناجحة هذه المرة درتها تارتولات

المقادير ل12 تارتولات

العجينة

250غ فرينة
125غ زبدة طرية
50غ سكر رطب اذا ماعندكش ديري سكر احرش
صفار بيضة ونحتفظ بالبياض للمورانغ
ماء بارد

كريمة الليمون

120غ زبدة
عصير 2 حبات ليمون متوسطين او 1 كبيرة و1صغيرة
4بيضات
150غ سكر رطب او احرش
مبشور حبة قارص

المورانغ

2بياض بيض واحد لي بقي من العجينة والثاني نحيوه من بيض الكريمة
100غ سكر
50مل ماء

التحضير

نبدا العجينة: نحط الفرينة في اناء ثم نضيف الزبدة مقطعة قطع صغيرة ونخدم باطراف الاصابع حتى تشرب الفرينة الزبدة وتصبح رملية

نضيف السكر ونخلط،نضيف الصفار ونلم ثم نكمل بالماء لكن غير بالرشة لانها تحتاج فقط ملعقة كبيرة ماء تقريبا ومانعجنش نلم برك ثم نغلفها بالبلاستيك ونحطها في الثلاجة نصف ساعة

في هذا الوقت نحضر الكريمة: نذوب الزبدة مع عصير القارص ومانخليهاش تغلي فقط تذوب وفي هذا الوقت نطلع 3بيضات و1صفار مع السكرحتى يبياض ثم نفرغ عليه الزبدة مع العصير وهو ساخن ونكمل نخدم بالباتور حتى مايطيبش البيض ثم نرجع الخليط لنفس الكسرولة لي ذوبنا فيها الزبدة ونحطها على نار متوسطة حتى تثقال نطفي نضيف مبشور القارص ونخلي تبرد

نرجع للعجينة نوزنها ونقسم على12 باش نحصل على وزن كل كرية وراح يكون بين35و40غ او تقسيم مباشرة على 12 كرية نحاول تكون متساوية

نفتح كل كرية مباشرة في المول بلا ما نحتاج ندهنه الا اذا كان اول استعمال ثم نثقب بالفرشيطة
اذا كان الجو ساخن كلما نخدم2او3 نرجعهم الثلاجة باش مايطيحوش في الطياب



نطيبهم في فرن مسخن مسبقا
نخليهم يبردوا تماما

نحضر المورانغ الايطالية:
نحط الماء والسكر فوق النار ونحضر سيرو نخليه يغلي 5دقائق وفي هذا الوقت نطلع 2بياض مع رشة ملح كالثلج ثم نفرغ عليه السيرو وهو يغلي وانا نخدم بالباتور ونكمل نخدم حتى يكثاف ويبرد شوية ثم نحطه في الثلاجة حتى يكمل يبرد

لمايبردوا الترتولات والكريمة تماما نعمرهم

نحط المورانغ في كيس حلواني ونزين

نرجع الترتولات الى الفرن ونشعل من فوق ونعس حتى تحمارالمورانغ
نحط التارتولات في الثلاجة ساعتين على الاقل ونستمتع بذوقها الرائع وبالصحة

[nanoua7]

يعطيك الصحة هادا ما نبغي انا ههههه

[اميريم19]

المشاركة الأصلية كتبت بواسطة nanoua7

يعطيك الصحة هادا ما نبغي انا ههههه

الله يسلمك انا ثاني كيما انت

[اميريم19]

المشاركة الأصلية كتبت بواسطة nanoua7

يعطيك الصحة هادا ما نبغي انا ههههه

الله يسلمك انا ثاني كيما انت