سلاد دو فروي

[zahia 28]

السلام عليكم لبنات و شراكم لاباس حبيت تنعتولي طريقة باه نخدم سلاد دو فروي أنا نعرف وحدة نديرو جي و ياؤورت و شوية ماء الزهر و نخلطهم بيان و نقص الفاكهة لي عندي و نخلطها مع بعض و نخليها تبرد انا هادي لي نعرفها كاش طريقة بلا هادي ؟ راني نستانا ردودكم

[azhar15]

ana nkata3 les fruit apré nkhalethom b jus echrih mandirch l yaourt psk tji tkila chwiya w ndécoré b la crém chantille b1 sur matkatrich wzidi cerise wela fraise fouk la crém tji hayla

[بنت عين وسارة]

..................................................

[zahia 28]

شكرا على المرور

[امل اللقاء]

حنونة انا بعد مانقطع الفاكية نديرلها شوية سكر باش يتلق المى جي هايلة ونديرلها شوية ماء زهر ولاماء ورد ونخليها في فرجيدار تبرد وكي نروح نقدمها
نحوط منها في تباسة صغار ونزينها من فوق بالكرم شانتي من فوق وشوية عسل نديرو كي شغل زيكزاك فوق الكرم شانتي ولا صوص لي يحطوها فوق لاكاخم ولانسكرفج شوية شيكولاة فوق الكرم ولابيستاش كل مرة كيفاه بصح جي هايلة ان شاء الله تجربيها وتعجبك

[fatima zohraa]

انا ندير كيلة سكر مع 3 كيلات ماء و شوية فاني نخليه يغلي 10دقائق نطفي و نصب فيه الفواكه المقطعة ونخليها تبرد

[*أم كوثر*]

احسن طريقة عندي و جاصة راه موسم البرتقال
قطعي كل الفواكه لي عندك رقيييييقة و ديري شوية سكر ادا كانت الفواكه حامضة ومعاهم عصير برتقالة و خلطي تبرد وتقد من اروع ما يكون
وماتكتريش باه نكهة الفواكه ماتروحش يعني الماء زهر و الفاني و الياوورت يغطو على ذوق الفواكه

[Amouna.DZ]

كاين طريقة نصنعو بيها كريم شونتي

[chahra]

أختي أفضل و ألذ طريقة انك تقطعي الفواكه و تضعينها في عصير من العصائر للتتباع في القارورات انا شخصيا اضعها في عصير (بانش)

[Jasmine Flower]

بارك الله فيك

[gazala-dz]

انا تاني حابة نعرف طريقة مليحة
لانو طريقة السكر وماء الزهر ما تعجبنيش نحي فيها بنة ماهيش مليحة

[oum hanin]

انا نقطع الفواكه ونديرها في احد العصائر او ياوورت خفيف

[maiar]

انا طريقتي ساهلة خلاص و نعتمدها دائما نقطع الفواكه مكعبات و نحط عليها سكر و نغلق عليها و الى الثلاجة الفواكه يطلقو العصير تاعهو وحدهم و تجي بينينة
من قبل كنت نقطع الفواكه و نصب عليهم سيرو سخون و نغلق البورث مونجي

[jawada22]

بارك الله فيك