حلوياتي لهذا العيد 2013 ادخلوا و أعطوني رأيكم - الصفحة 2

رملاك · 2013-08-16, 15:32

اقتباس:

المشاركة الأصلية كتبت بواسطة yasmine_moub

ماشاء الله قاطوات روعة لوكان غير تمديلي طريقة الكروكي وشكرا

السلااام عليكم و جمة مباااااركة ان شاء الله

هاي ليك وصفة الكروكي أختي و متندميش عليها تجيك هااايلة

7 بيضات + 1/2 لتر زيت + 2 كيسان سكر + 6 مغارف كبار نشاء + مغرفة فاني + 3 خميرة + فرينة + جنجلان محمص للتزيين + مربي

التحضير

خلطي البيض مع السكر بالباتور + الزيت بالشوية و خلطي في نفس الوقت + فاني + نشاء + الفرينة و معاها الخميرة بالشوية و متكمليش الفرينة كامل قبلها أقسمي الخليط على 2 ( ملاحظة أنا هنا درتو كامل ابيض مدرتش فيه حربوش أسود في النصف و عليه مقسمتش العجينة درتو كامل أبيض و كملت الفرينة عادي لكن تحبي ديري حربوش أسود في الوسط تبعي الطريقة )
نصف زيديلو كاكاو و من بعد ضيفي الفرينة حتى تتحصلي على عجينة طرية .
من جهة الخليط الاخر ظيفيلو أيضا الفرينة حتى تتحصلي على عجينة طرية
خذي بلاطو مدهون
خدي كمية من العجين الاسود نبسطه ثم فوقه كمية من العجين الابيض يعني حربوش ثم نغلق الكل يولي حربوش من الداخل في العجين الابيض لكن ميبانش و من الفوق الاسود و رولي حتى يصبح حربوش أطهيه و كيما يطيب ادهنيه بالمربي من الفوق و ديريلو الجنجلان ثم يقطع

الطريقة الثانية 2 / كيما درتو انا اعملي حربوش أبيض ثم حظري خليط بصفار البيض مع الكاكاو حتى يصبح خليط ثقيل و ادهني الحربوش و خططي بالشكوة من الفوق و ديريه يطيب
لما ينضج ديريلو المربي و الجنجلان من الفوق

ان شاء الله نكون وفقت في الشرح أختي

لا تنسوني من صالح دعائكم حفظكم الله

سلااااااااااااااااااام

رملاك · 2013-08-16, 15:49

اقتباس:

المشاركة الأصلية كتبت بواسطة zawali.dz

44444444444444444 يعطيك الصحة

اعطيني الوصفة تاعك تاع المشوك و الصابلي و البابيون يبانو هايلين و شكرا

السلاااام عليكم و جمة مباركة ان شاء الله

أختي عن حلوى البابيون انا دومونديت الوصفة من عند الاخوات في المنتدى و مدولي الوصفة و هي لي درتها و جاتني هايلة تاني مع تغيير بسيط في التزيين

هذا رابط الوصفة
https://www.djelfa.info/vb/showthread.php?t=1345015

مع العلم اعتمدت الوصفة لي حطتها الاخت ريم الفلى

أما عن الصابلي درت صابلي للاخت الفاظلة ام رامي و جا هايل لكن مع تغيير فقط في التزيين تاني

https://www.djelfa.info/vb/showthread.php?t=1000487

اما المشوك فهو وصفة تاعي

جا تاني هايل و دوقو امممممم واش نقولك

المقادير

200 غ مارغرين فلوريال
100غ سكر حرش مغربل في الغربال (16) باش ميبقاش فيه تكتلات
4 صفار بيض
قرصة ملح
1/2 خميرة كيميائية
قشور حبة ليمون + مغرفة فاني
120 غ لوز مرحي ابيض و مغربل
400 غ فرينة

التزيين
300 غ لوز مرحي + حبة لوز بالقشور + عسل

طريقة التحضير

نضع الزبدة نخدمها مليح مليح + السكر و نخدمهم جيدا + فاني + البض و نخلط جيدا
من بعد نظيفو الخميرة و تكون مخلطة مع قليل من الفرينة + الكمية الباقية من الفرينة حتى تتلم العجينة

من بعد ديري كويرات صغار ( 30 غ لكل حبة و اذا مكانش عندك الميزان و حابة يجيوك كامل نفس الحجم ديري علبة الفاني تهز 30 غ عمريها بالعجين و بهذا يجيوك الحبات كامل قد قد )
نديروها في بياض البيض و من بعد اللوز مرحي خشن شوية و ندخلوهم للفرن مدة 15 الى 20 د درجة حرارة الفرن لازم تكون بين 150 و 160°
باش ميتحرقلكش الوز و كيما تشوفيهم طابو من التحت برك نحيهم و ديريهم في العس

ان شاء الله نكون قد وفقت في الشرج أختي

لا تنسوني من صالح دعائكم حفظكم الله

سلاااااااااااااااااااام..............

blueflames · 2013-08-16, 15:54

الله يبارك يعطيك الصحة

ام مهدي2010 · 2013-08-16, 15:56

هايلين صحة

رملاك · 2013-08-16, 16:12

مرسي ليكم على المرور الطيب

سلاااااااااااااام

ام مؤيد عبد الغفور · 2013-08-16, 16:35

يعطيك الصحة ايمان والله فحلة تاع الصح راكي تعزي عليا بزاف لاخاطر كي كنت انا تاني في الجامعة كانت عندي صحبتي ايمان من البرج ونعيطولها ايمان البرايجية بارك الله فيك

رملاك · 2013-08-16, 21:59

اقتباس:

المشاركة الأصلية كتبت بواسطة ام مؤيد عبد الغفور

يعطيك الصحة ايمان والله فحلة تاع الصح راكي تعزي عليا بزاف لاخاطر كي كنت انا تاني في الجامعة كانت عندي صحبتي ايمان من البرج ونعيطولها ايمان البرايجية بارك الله فيك

مرسي أختي الله يسلمك

و ربي يعيشك تاني راني فكرتك بالبرايجية املا لووول

مليح

مرسي اختي و فيك باااااااارك الله

و شكرا على المرور الطيب