30 تطبيق : أم ماجد إنها الحرب

[إلهام07]

نداء عاجل إلى أم كوثر ، شوفي راني وعدتك بنشاط غير عادي ووفيت بوعدي راهم 30 تطبيق يااااااو ، في شهر كلفوني 38000دج راهي بالحساب شومروني وععععععععععععع ، مالا راني مدايرة اعتصام هنا ومانيش متحركة حتان إدارة المنتدى تعطيني هدية دبري راسك ياخي أنت المشرفة نتاعنا مانحبش نفهم
شوفي التطبيقات وقيمي وديري جلسة تشاور مع مجلس الإدارة وطيحولي بهدية الله الله وكيما يقولو إخوانا السوريين " إنت كريمة وانا نستاهل "

قولو بسم الله قبل لا تبداو وأدخلو برجليكم اليمين :

* التطبيق 1 : ديول أم كوثر
صممت حتى أتقنتهم 100/100 راني عند وعدي ام كوثر ، شريت مقلاة جديدة وطبقتهم عدة مرات حتى وين رجعت محترفة ديول وليت ندير بكميات كبيرة :

درت بيهم بوراك :

هذا رابط الوصفة :
https://www.djelfa.info/vb/showthread.php?t=1265122

* التطبيق 2 : محلبي أم كوثر
غير جربوه يهبببل ومايتشبعش وزيد خفيف وألذ من المحلبي العادي والمقادير نتاعو مضبوطة 100/100 ، ومايديرش طبقة ناشفة على السطح طعم رهيييييب ، فعلا شاف يا أم كوثر :

وهذا الرابط :
https://www.djelfa.info/vb/showthread.php?t=1281664

* التطبيق 3 : كسرة رخسيس
كانت ماما ماديرش فيا ثقة ماتخلينيش نديرها خاصة كي يكونو ضياف لان ماما محترفة كسرة من النوع الرفيع ، مرة جيني رقيقة مرة خشينة مرة يابسة مرة تفتت ، يعني كي نديرها كلي راني نلعب في اللوطو كل مرة كيفاش بصح هاذي المرة ولات الكسرة نتاعي 10/10 ولات ماما كي يجينا ضيف تقول لأخواتي خليو إلهام هي اللي دير الكسرة ربي يجازيك أختي ويعطيك ماتتمناي كسرة هايلة وهشوشة وحتى كي تصبح تبقى طرية وماشي لينة تبقى تفتت :

درتها عدة مرات في هذا الشهر منين مايكونش الخبز نقول لماما خليني نعجن كسرة ، شوفو من داخل :

وهذا الرابط :
https://www.djelfa.info/vb/showthread...t=%DF%D3%D1%C9

* التطبيق 4 : سفنج روزا
لذيذ ، خفيف وسهل وسريع يليق لضياف الغفلة والله مايتشبع خلاص اعتمدت الوصفة ( أنا درتو بالسميد بدلا من الفرينة )، أخواتي كي درتو للفطور قالولي أنت تتمسخري بينا منا وجاي لازم على الاقل ديري ضعف الكمية راهو خفيف وبنين ماشبعناهش ، روزا نحبك ونموت عليك ربي ينجحك ويحفظك ممممممممممواح :


وهذا الرابط :
https://www.djelfa.info/vb/showthread.php?t=1287840

* التطبيق 5 : مسمنات ام أنس
جاو مقرمشين وفارغين من داخل يهبلو وما يشربوش الزيت ، ام أنس دائما متألقة بوصفاتك يعطيك الصحة حبيبتي :


وهذا الرابط :
https://www.djelfa.info/vb/showthread.php?t=1284547

* التطبيق 6 : حلوة النشاء نتاع روزا
راني تفننت فيه روزا ماشي غير أنت اللي تعرفي ديري الطبقات والألوان ، أنا درتو بعصير AMILA درتو مركز باش يجي اللون والطعم باين ، درتو في أواني الفلان ورت في القاع حبة نتاع يسكوي باش كي نقلبو مايلصقش يعطيك الصحة يا طباختنا ، صح " ابن الوز عوام " :


وهذا الرابط :
https://www.djelfa.info/vb/showthread.php?t=1296548

* التطبيق 7 : تحلية انا امهم بالجبن والنيسكافي
تهبل تهبل ، لا أذكر قداه من مرة عاودناها ماشبعناهاش بصح وليت نديرها في مول الكيك ونقطع لا خاطر نتكاسل ندير في المول الصغار خخخخخخ ، يعطيك الصحة أنا أمهم هذي اول مرة نطبقلك وصفة إن شاء الله ماشي الاخيرة :

للأخوات اللي سألو ، راهي طير من الكيسات بسهولة فقط خليوها تبرد مليح :

شوفو الطبقات

وهذا الرابط :
https://www.djelfa.info/vb/showthread.php?t=1240103

* التطبيق 8 : خبيزة بالطون والفرماج للاخت نينافرات
يعطيك الصحة أختي على الوصفة سهلة وبسيطة نصيحة للي يجربوها رققو العجين باش جيكم مليحة أنا الصينية نتاعي صغيرة لأن الكوشة صغيرة تكاسلت نقص من العجين ونزيد ندير قرصة صغيرة :

وهذا الرابط :
https://www.djelfa.info/vb/showthread.php?t=1119223

* التطبيق 9 : معجون الفراز نتاع ام راضية
هذا تطبيقي الثاني ، اول مرة درت فيه غلطة ( زدتلو شوية ماء جاني شوية جاري حتى وليت صفيت الصوص وعاودت خليتها غلات حتى عقدت ) بصح هذي المرة طبقت الوصفة بالحرف وخرج ولا أسهل من هذا المعجون روووعة :
هذا حب :

وهذا مرحي :

وهذا الرابط :
https://www.djelfa.info/vb/showthread.php?t=1272954

* التطبيق 10 : فلان بالنيستلي لأم أماني
يعطيك الصحة أم أماني راهو تحفة اللي ماجربوهش غير يجريو يجربوه راهو يهبببل راني طبقتو عدة مرات والله أقل حاجة تقال أنه رائع ، أنا درتو بالنيستلي نتاع ام أنس زاكي واقتصادي وبصراحة ندير ضعف الكمية لاخاطر الفلان هذا راهو هباااااااااااااااال
نزولا عند رغبة الاخوات هاهو رابط نيستلي أم أنس الذي لا أستغني عنه :
https://www.djelfa.info/vb/showthread...highlight=anas

وهذا الرابط :
https://www.djelfa.info/vb/showthread.php?t=1045039

* التطبيق 11 : قراتان البطاطا والبيشاميل لحبيبتي الغالية أميرة في دنيا حقيرة
طبقتو خفتها تروح عليا خخخخخ وكثرت فيه الشيدار باش نطمن ماراحتش و جا يهبل رائع ، يسلم يديواتك أميرة وأكيد يديواتي أنا اللي طبقتها ، أميرة يعطيك الصحة حبيبتي على الوصفة راني اعتمدتها :

شوفو مليح باش تتشهاو وجربوه انتوما ثاني :

وهذا الرابط :
https://www.djelfa.info/vb/showthread.php?t=1288438

* التطبيق 12 : تحلية بالموز وحلوة الترك لبريق الأمل
مابانش فيها بزاف طعم الموز وحلوة الترك جات كأنني ناكل في الجوز ، كليتها كامل وحدي الصباح نفطر بوحدة وفي الليل نحلي بوحدة خخخخخخخخخخخخخخ ماكانش عندي فواكه زينتها بالجوز :

وهذا الرابط :
https://www.djelfa.info/vb/showthread.php?t=1281456

* التطبيق 13 : ديول البانسو لأم إثري :
كان خلاص السميد في الدار تفكرت ديول إم إثري اللي طبقتهم ام ماجد ساهلين ماهلين ورقاااااق
ربي يجازيك كل خير ام إثري أنقذتيني :

وهذا الرابط :
https://www.djelfa.info/vb/showthread...t=%C5%CB%D1%ED

* التطبيق 14 : لامونة الوهرانية1
عمري لا طبقت للوهرانية1 المبدعة اي وصفة قلت لازم نطبقلها وصفة ونقوللها نحبك ونموت عليك ماتغيبيش علينا
زينتها بالكريم باتيسيير من داخل ومن برا وجيت نلعبها فحلة كيما الأخوات طبقت وصفة ام رامي نتاع الفوندون جريتو فسدلي ( ياخي أنا حطيت العنوان 30 تطبيق بصح ماقلتش ناجح ولا فاشل ) كيما راكو تشوفو بصح من وراه ما يغلبنيش حتى وين نصلحو بإذن الله :

جات في الطعم كانها تارت :

وهذا الرابط :
https://www.djelfa.info/vb/showthread.php?t=1267713

* التطبيق 15 : الكريم باتيسيير نتاع ام رامي
جربت الكريم باتيسيير نتاع ام رامي بصح درت 1 علبة شكلاطة في مكان 1/2 وجات استعملتها للامونة نتاع الوهرانية واللي بقالي درتو للكيك هايلة ننصحكم بيها رووووعة
وهذا الرابط نتاع الكريمة :
https://www.djelfa.info/vb/showthread.php?t=967619

* التطبيق 16 : الفطير المشلتت نتاع الأخت
سرقت لأم إياد الفكرة ودرت بيه كوكا للعشاء جا مورق يهببببببل قلتلهم في درانا وداعا للعجين المورق :

شوفو من داخل كيفاش مورق :

وهذا الرابط :
https://www.djelfa.info/vb/showthread.php?t=1295843

* التطبيق 17 : هريسة بريق الأمل
أقل مايقال عنها أنها رااااااااااائعة وزيد زاكية واقتصادية والبنة خطييييرة ، جربوها كل يوم تزيد تبنان انا فقط زدت فيها حبة حلاوة وكثرت الكروية والكمون روووعة ماتزيدوش تشريو لهريسة راهي هايلة :

وداعا للهريسة نتاع المحلات :

هاهي الوصفة لاخاطر بروقة ماحطتهاش موضوع ، اتمنى تحطها للاستفادة:
هريسة بروقة
الهريسة خدمتها تجي روعة مع المشاوي
حبة بصلة وراس ثوم وفلفل اخضر حار وحبتين طماطم وماء وملح في الميكسور
تترحى مليح حطيها فوق النار زيديها وحدة جومبو اختياري وكمون وكروية وزيت وفلفل احمر حار مرحي بودر ومغرف طماطم علب
تعقد مليح تنشف على الزيت وحطيها في بلارة والى الثلاجة
https://www.djelfa.info/vb/showthread...296728&page=12

* التطبيق 18 : قراتان البطاطا والسلق لأم آلاء الصغيرة
يعطيك الصحة عزيزتي ، طبقت الوصفة وعجبتهم في دارنا وأهم حاجة سريعة جدا مع أنني اعمل ونوصل للدار على 17.00 ، جهز العشاء على 19.00 وقعدت نتفرج في التلفاز :

قدمتو مع هريسة بروقة يم يم :

وهذا الرابط :
https://www.djelfa.info/vb/showthread...C7%E1%D3%E1%DE

* التطبيق 19 : باتيسري أم رامي المبدعة
طبقت وصفة جينواز النيستلي بشكل وصفة باتيسري الشانتيي والمعجون بصح درت تارت بدلا من حبات صغار ، سقيتها بعصير ليمون واستعملت معجون فراز ، ماتتصوروش الطعم والهشاشة كأنها مشرية من محل يعطيك الصحة أم رامي وربي يشافيك ويدوم التألق :

نصيحة اللي تحب تعمل تارت دير هذه الوصفة راهي تحفة وهشيشة وماشي ناشفة بالعكس روووعة

شوفو الهشاشة :

هذا رابط التارت :
https://www.djelfa.info/vb/showthread.php?t=909193
وهذا رابط فكرة التزيين :
https://www.djelfa.info/vb/showthread.php?t=925333

* التطبيق 20 : قلوب الجلجلان لفلة
هايلين وساهلين حتى للمبتدئات والبنة مممممممممممم هذا أول تطبيق ليا للفنانة فلة ، يعطيك الصحة أختي وصفة روعة :

وهذا الرابط :
https://www.djelfa.info/vb/showthread.php?t=1137219

* التطبيق 21 : جبن كيري للاخت sissou nrdn
جا يهبل وبنين مع أنه هبلني باش رحيتو بقيت نرحي دقيقة ونطفي ونخلط بالملعقة ونعاود نرحي المهم النتيجة مليحة والحبيبات راحو :

هذي هي الكمية اللي دارت :

وهذا الرابط :
https://www.djelfa.info/vb/showthread.php?t=1302024

* التطبيق 22 : عجينة الشاف أم كوثر السحرية
درت بيها بيتزا جات روعة ، الأطراف حشيتهم camembert و في الوسط صلصة طماطم + مرقاز + معدنوس مقطع + زيتون أخضر شرائح + جبن كريمي أبيض + جبن مثلثات + جبن camembert + جبن شيدار
طيبتها في الصينية نتاع البيتزا رووووووووعة كأنها مشرية من محل ، أخواتي ولاو كي يشوفو الإعلانات في التلفاز نتاع بيتزا Pizza hut يقولو : إييييييييه ماتخلعوناش زعمة رايحة تولي بيتزا إلهام والله طلعلي المورال
شكرا أم كوثر على الوصفة ربي يجازيك ويباركلك
ام ماجد أنت ثاني تستاهلي الشكر ، أنت اللي أصريتي عليا نشري الصينية هذي، ربي يجازيك على قلبك الأبيض يا عسل إنت يا عسل


وهذا الرابط :
https://www.djelfa.info/vb/showthread.php?t=1274140

* التطبيق 23 : حلوة الطبقات نتاع الامنيات
حبيبتي على بالي طلعتلك السكر ولا طونسيون وكسرتلك راسك راكي تساليني علبة نتاع دوليبران 1000 وزدت درتلك الخلعة من فوق خايفة تكوني زعفتي ، نحبك أمنياتي وشكرا على الوصفة السهلة والرائعة ، بنات جربوها راهي زاكية واقتصادية وطرية وبنينة ووووو............... :


وهذا رابط الوصفة :
https://www.djelfa.info/vb/showthread.php?t=888428
أما هذا الرابط اللي فيه الصور :
https://www.djelfa.info/vb/showthread.php?t=1308930

* التطبيق 24 : بطاطا بالطون والبيشاميل لأم رامي
لذيذة جدا غير جربوها وسهلة وسريعة وخفيفة طبعا بمجرد مانقول الوصفة لام رامي ما فيش شك انها :

وهذا الرابط :
https://www.djelfa.info/vb/showthread.php?t=953507

* التطبيق 25 : سوفلي الشكلاطة أسمحولي مالقيتش الوصفة نتاع من
لذيذ وخفيف ممممممممممممم راهو مزين بقلوب نتاع الفقوس ( بطيخ أصفر ) يم يم يم :
يعطيك الصحة أختي على الوصفةألف شكر :

تحبو تذوقو باش تشوفو طعم الشكلاطة الغني هههههه راني ندير في إعلان خخخخخخخخ تفضلو :


* التطبيق 26 : عسل ام أنس
مالقيت واش نقول فيك ام أنس كل كلمات الشكر لا تكفيك ، من اليوم بإذن الله وداعا للعسل نتاع المحلات ، من اليوم عسل صنع منزلي ، درتو في الليل خليت حتى رقدت ماما وقلت نديرو بالدرقة بصح الريحة راهي فضحتني ، عطر الليمون والفانيلا وماء الزهر ولا أحلى هز الدار ماشي غير المطبخ، رائحة روعة و الطعم فيه من حموضة الليمون واااو وعااااقد كيما اللي يتباع
ربي يجازيك كل خير أم أنس ويحفظك ويحفظلك وليداتك آمين
شوفي أنا مانحبش القاطو وحوايج العسل بصح هذا العسل كي فرغتو طول بديت نلحس في الكاسرول يم يم يم يهبل
شوفو لازم جربوه واللي نسمع بيها شرات العسل من المحلات تشوف راهو اقتصادي جدا وساهل والريحة والطعم تحفة أنا زدت رميت فيه كي كان يغلي قشور الليمون اللي عصرتو يم يم راني قريب نألف فيه قصيدة خخخخخخ
رطل سكر يدي حوالي كيلو عسل أحسبوها : رطل سكر 45دج يعطيك كيلو عسل 130 دج + طعم وريحة هبااال bonus
هاه واش قلتو طبقوه ؟ شوفو واش زاكي درت غير 2 كيسان صغاااار ماشي معمرين قلت نجرب وكي يجي مليح نكثر :

شوفو اللون الرائع وواش عاقد وثقييييييييييييييل :

وهذا الرابط :
https://www.djelfa.info/vb/showthread.php?t=1218668

* التطبيق 27 : باتيسري بشكل جديد لأم رامي
زينتها بسرعة لاخاطر كنت خارجة وراح عليا الحال أسمحولي التزيين راهو ناقص ، ماكلاه نشكر ونعاود كامل جربتوه وعلى بالكم ألف شكر أم رامي :


وهذا الرابط :
https://www.djelfa.info/vb/showthread.php?t=912179

* التطبيق 28 : تحلية بالموز والفلان والعصير للأخت omchifa
شوفو الطبقات تهبل راهي تحمر الوجه قدام الضياف درت طبقة فلان كاراميل و طبقة فلان بعصير التوت ، استعملت AMILA ودرتو مركز باش يجي اختلاف في اللون :

وهذا الرابط :
https://www.djelfa.info/vb/showthread.php?t=1023449

* التطبيق 29 : تليتلي أم أنس
يعطيك الصحة مالقيت مانقول فيك متالقة درناه البارح للعشاء وجا بنين يهببل بصح حاااااااااااار يطير نسيت غليت البيض عرب ونسيت قدمتو للضياف بدون بيض :

وهذا رابط الوصفة :
https://www.djelfa.info/vb/showthread.php?t=1306895

* التطبيق 30 : ميني جينواز للأخت dadou mascarienne
جاو يهبلو خفااااااف كي الريشة مع انني درت 1/2 خميرة فقط والسبب أنني خفقت البياض وحدو والصفار وحدو وسقيتهم بالقازوز أبيض شفاف وزينتهم بكريمة شانتيي بالشكلاطة جاو درتهم البارح على 12.00 نتاع الليل ( استنيت ماما ترقد ونخدم في عقلي ) :


نصور ونعاود من الفرحة درتهم للفطور لاخاطر عندنا الضياف :

رابط الوصفة :
https://www.djelfa.info/vb/showthread.php?t=1296292

أوووووووووووووف حوالو عينيا 3 أيام وانا نكتب ونحمل في الصور ونحوس على الروابط وااااي خلصت والله ماني مصدقة باللي خلصتهم نعست
هيا ضرك شكون تقدر تنافسني

[بشرى2008]

44444444444444444444444444444444444444444444444444 44444444444444444444444444444444444444444444444444 44444444444444444444444444444444444444444444444444 44444444444444444444444444444444444444444444444444 44444444444444444444444444444444444444444444444444 4444444444444444444444444444444444444444444

[souzie]

يعطيك الصحة يا الهام فحلة تستاهلي وسام ماشي هدية الله يعلي من مقااامك

[بشرى2008]

انها حرب البسوس عليكن بالقتال والرد مثلها ياجماعة انا ماتحسبونيش فى الجيش راني رايحة نحوس السمانة الجاية نرجع ههههههههههههههههههههه

[ساندي 28]

الله الله عليك فحله ونص تطبيقات كلها قمه راكي وليتي شاف كبيره يعطيك الصحه ان شاء الله يتثبت الموضوع لانو يستاهل وتعبتي عليه زين وشطارة ولسان حلو الله بارك

[oum ibrahim]

يا الهام يالهام والله وحدك يعطيك الصحة العرسان رايحين يطيحو عليك كالمطر و تخيري في غرضك هههه فحلة ما شاء الله من كثر التطبيقات بقيت نتفرج استمتعت حتى الاخر لقيتهم خلاصوراني معاك في الاعتصام ام كوثر ام كوثر الهام الهام ههههههههه

[أم شيماءْ]

واووووووووووووووووووووو فحلة ونص لازم تكون هدية كبيرة ورانى معاك في الاعتصام
ولا نقولك نلمولك سواردك واش قلتي هههههههههههههههههه

[أم ياسين الزهراء]

يعطيك الصحة ربي يكملك ويفتحها في وجهك ويحلي ايامك الله يبارك شاطرة وفحلى ياسعد اللي يديك بصح لازم يكون مرفه ولا توخذيه في الميزانية ههههههه لحقت قبل الشلة على قول ام انس كلش روعة وبنين ومت على قلوب الجلجلانية خرجولك حطى راح ندير القلب ونجرب بعض الوصفات وربي يخلف عليك في المصروف راكي بايت فيطي هههههههههههه

وشكرا جزيلا على الكتابة ياخي على بالك عمية هههههههههههههههه وربي ينورك ويكملك

الله يبارك الله يبارك وتاكلو بالصحة والهناء

[hayat-48]

yaatik essaha ya elfahla djaouek 4444444444444444444

[أم ياسين الزهراء]

ماطفرت غير في سلاحف النينجا ههههههههههههههههههههههه دبرناها احنا

[HADIL2044]

يعطيك الف صحة حنونة
خمسة وخموس عليك
تطبيقاتك اكثر من رائعة

[imane khaled]

444444444444444 برافو علبك

[فايزة44]

ابدعتتتتتتتتتتتتتتتتتتتتتتتتتتتتتي يا الفحلة

[الأمنيات]

ماشاء الله وتبارك الله رائع اختي ربي يخلي لك صحتك

[لمسة حنية]

شاطره وشاطره وعشره هههههه
راكي قلتي ردك نحط عرمة وانا نستنا فيك حطيتهم انا درت من كل بستان زهرة ومزال الخير جايا متخفيش راني نطبق بصح
مش كيما انتي على اقل خدامه تصرفي من جيبك
انا نعي ونعيط باش يجبولي ههههه
ربي يخليك والله شاطره نحب ونموت على شطرات كيما حالتك خساره خويا تزوج كنت جبتك عروسه
ههههه
ربي يرزقك زوج صالح وراني معاك فور الهام ولمسة حنية حنا غير نطبقو ونشاطرو