خطبتي على المحك

[مشكلتي]

سؤال مختصر اخواني ..



كجزائريين ... في العادة ... ماذا يفعل الخاطبون في مرحلة الخطوبة .. (لم يتم العقد بينهم)



هذا سؤال محوري في علاقتي بخطيبتي .. وعلاقتي تنهار معها لهذا السبب..




تقول لي انها لم تحس يوما انها مخطوبة لي ولم افعل لها شيئا يبين انني خطبتها




وبنات الجامعة يفعلن الكثير مع خطابهن وانا لست كذلك




مع العلم انني فعلت الكثير والكثير في نظري على الأقل ...






انتظر إجابات المجربين والمتزوجين

[toulay]

السلام عليكم
اولا خطيبتك هاذي ربي يهديها ان شاء الله
بالعكس درتي حاجة مهمة بزااااااااااااااااااااااااااااف خير من لحكايات تاع التلفون ومنعرف واش انت درتي خطوة ورحتي تقدمتيلها بصفة رسمية واش تحوس اكثر
في بالي خطيبتك من النوع ليحب الهدايا والهدرة فالتلفون والخرجات باش تتلاقى مع الناس لتعرف وتقولهم هذا خطيبي
هي فالحقيقة ماذا يفعل الجزائريون في مرحلة الخطوبة اغلبيتهم يا اخي يحكوا فالتلفون نهار طول الهدرة حتى يلقاو رواحهم يحكوا فالتفاهات
احكي في حاجة مهمة مثلا التوجاد تاع العرس المستقبل تاع اولادكم ان شاء الله
واش نقولك يا اخي غير ساعف وفرات وحاول تفهمها بلعقل
بالتوفيق

[محمد جديدي التبسي]

شوف للحلال والحرام ولا تنظر لما يفعله غيرك وما يسود مجتمعنا من فساد أخلاقي
ان كانت هذه الفتاة تحثك على الحرام فانصحها وبين لها حدود الخطبة في ديننا
ان تفهمت فالحمد لله وان ارادت ان تعيش مثل غيرها من الفتيات وتريد قصص المسلسلات فاغسل يديك منها فلا تصلح ان تكون زوجة وأم تربي بناتها على الحياء والحشمة.

[nihal159]

مادام قالتلك بنات الجامعة معناها جابتلك الهدرة من الأخير كما نقولو؛قصدها بكل بساطة:
تجيبلها الهدايا بمناسبة و من غير مناسبة.
تحتفل معاها بعيد الحب و تجيبلها هذية مميزة.
مرة على مرة تخرج معاها تتغذاو في إحدى المطاعم.
مرة على مرة روح عندها للجامعة في زيارة فجائية و خذ معاك هذية بسيطة تعبر عن إهتمامك بها و أنك تفكّر فيها في كل وقت.
كلّمها فالهاتف و أحكيلها على الأحلام الوردية لي تتمنى أنكم تعيشوها مع بعض.
هذي هي حياة المخطوبات تاع الجامعة بدون زيادة أو نقصان.

[مراد سابقا10]

هذي تقلد واش صاري في الجامعة بين الذكور والإناث وبغات تطبقها على العلاقة لي بيناتكم

بغات الرومانسية والتقلاش ...........................الخ

[ابو سليمان10]

الخطوبة هي وعد بالزواج و لا تحل حراما
لاتنجر الى الحرام و السفالة ارضي ربك ولايهم الباقي...

[زبدة ذايبة]

خطيبتك هذي عندها متطلبات.

أولا يا إما متطلبات مادية

ثانيا يا إما متطلبات .........

وكلا المتطلبين ماشي ملاح.

إذا كان المتطلب الأول فهي إنسانة مادية وسطحية وطماعة.

وإذا كان المتطلب الثاني فهي إنسانة مشكوك في أمرها.

على الأقل تعرف أنخ كاين حدود

والخطبة مجرد وعد بالزواج ممكن تتم وممكن لا.

بالتالي يا أخي ماعندها حتى حق تطلب أي حاجة.

وهذي فرصتك الاستخارة من جديد

وإعادة التفكير من جديد. مادمت على بر الأمان.

أنت أدرى الناس بمدى شعورك بالارتياح.

كاينة حاجة نأكدلك عليها.

إذا جاك الإحساس أن هذه الفتاة ليست سيدة حياتك. ماتحاولش تكذب على روحك وتنفي هذ الإحساس.

لأنه أصدق من كل شيء فلا تستهن به.

عاود الاستخارة وتريث حتى تبانلك الأمور مليح.

وإذا ماارتحتش خيرها في غيرها.

رب يوفقك ويهدي سرك.

[غزلانْ]

تبقى الخطبة مرحلة تعارف وفق حدود و ها قد تعرفت عليها

[بناتي نور العين]

في نظري هذه الفتاة ليست مسؤولة وغير جاهزة لتصبح ربة بيت و زوجة

باختصار اذا تحبها حاول ان تغير طبعها و بيين لها من الاول شخصيتك و عقليتك

واذا لم تتفاهم معها فالاحسن الانفصال قبل الزواج


ربي يهديها و يصلح احوالك

[FELLA BIO]

أين الحياء في كل ما ذكرت موفق اخي

[first first]

يااخي انت مديتلنا خطوط عريضة لم نستطع ان نلتمس تقصيرك ا‘ ان نفهم ماتقصد خطيبتك.
المهم يااخي الخطاب لي شفتهم كامل اهم شيء في مرحلة خطوبتهم هي الهاتف..... صباح مساء او على الاقل كل مساء.
خرجات ونزهات.
هذايا.
شرع الله نعرفوه...... انا نقلتلك شرع المجتمع الذي يطبق حاليا.

نصيحتي ليك اسالها سؤال صريح وقوللها تمدلك امثلة عن تقصيرك..... منها انت تفهم ومنها هي تعبر وتفرغ قلبها.
اذا لم تستطع تطبيق برناج خطاب صحيباتها نظرا انه لايتماشى وشخصيتك او لايتماشى مع دينك ومبادئك او حتى جيبك..... فهمها بكل لين وبكل صراحة لعلها تفهم انها مسالة شخصية او مبدا وليس لقلة الاهتمام او قلة تعلق بها.
يعني خلاصة القول ثق في نفسك وفيما تفعل فلا يوجد برتوكول محدد في التعامل...وحاول ماستطعت تفهم القصد وتفهمها وجهة نظرك اذا كان يهمك الامر.
والله اعلم.......وبالتوفيق.

[الصديق قروف]

يااخي كلامها غير منطقي
قلها هذوك راهم مزوجين فلخطبة و بعد العقد و زواج يطلقو نتيجة المشاكل فقط لانهم مرو بمرحلة اتعارف على تفاصيل الشريك في الخطبة و فعلو كل شيء يعني بعد ازواج تاتي المشاكل فقط
تخاف بعد زواج ثاني تقلك شوف ديوثين كيفاش عيشين نساهم وانت حارمني
انا تضهرلي الحكياة فلهاتف و بزاف راني عديت الحدود

[abdou30]

اتق الله فيها ولا تغتر بطلباتها

[اخلاص الجزائرية]

المشكلة في صحاباتها والمجتمع لي رانا عايشين فيه صورنا الخطبة تعيش فيه الفتاة كالاميرة من هدايا و كلام معسول الى اخره .خطيبتك يكون سبب كلامها لي قالتهولك هي قارناتك بخطيب صحبتها ولا جارتهم حست روحها محقورة وتبالني شخصيتها ضعيفة ولا مزالت صغيرة