لوكان جيتي في بلاستي واش اديري

[امينة مناد]

السلام عليكم

علابالي كثرت اعليكم وكل مشكل اصغير نجي نحكيهولكم بصح معليش احملوني شويا لخاطر معنديش ليمن نحكي ويمدلي رايو

سلفتي الي هي مرت خو راجلي ولدت وجابت وليد قعدت في دارهم مدة اشهر و10 ايام وكي شفتها طولت وبما انوا مرحتش ليها لسبيطار قلت انروح انهنيلها ونطل اعليها في دارهم
ياناس كي رحت اديت معايا اوليدي في يدي وعيت من ادروج تع العمارة والقضيان في يدي
كي وصلت سلفتي فتحت الباب هي زعما فرحت

وغير شافتني يماها والنا ميمبا مازال مقعدتش قالتلي ياك رانا رايحين انديروا اسبوع وعلاش جيتيي انا انذهلت ومالقيتش واش انقول
ومن بعد قالتلها بنتها جات اطول اعليا وبنتها تبهدلت من يماها وزعفت اعليها
وياريت سكتت هنا قالتلي سلفتي انروح انجيبلك كاس كازوز قالتلها يماها مجيبيلها والو انتي راكي رايح لطبيب متاجليش خرجتك اعلجالها .............
انا نوضت وقلتلها متقلقيش روحك انا راني رايحا وخرجت وميمبا معتذرتش مني .........................المهيم انا توستلها والجمعة القادم ان شاء الله راهي رايح ادير اسبوع في دار اعجوزتي انا ياخوتي احلفت قلت منروحش اخلاص الطفل شفتوا وتوستلها الوغ معندي وعلاش نحضر من بعد مانشفتلي ريقي وبهدلوني وحشموني وانا رحت زعما فرحانا

ملاحضة
هذي يماها عندي 6 اشهر ملي رحت لعندهم وكي شافتني مرحبت بي في هذاك الوقت وفرحت بيا لخاطر بنتها كانت غضبانة عندها وحبت تدي معلومات من عندي واليوم كي تفاهموا مع عجوزتي شوفوا انا واش دارتلي


قولولي واش رايكم

[وليد1990]

حكايات النساء التي لا تنتهي

[سدرةالمنتهى]

صراحة + - في حياتي لا اعير لها اهتماما مانعمرش راسي بيها
عندي مبدا هو المهم افراد ارحامي فقط اللي نلومهم و لا نتقبل تلوامهم عليا
واش دخلتني في يمات سلفتي و لا جارتي
من رايي ماتصغريش روحك عند دار بيت شيخك و روحي احظري لانو راجلك راهو عم هذا المزيود لذ ماتكبريش المشكل و تحصل مقاطعة بينكم و بين بيت خوه على جال نسيبتو لا تسمن ولا تغني من جوع وزيد ماعندك حتى ثار بينك و بين سلفتك علابالي امها ماعندها باه تضرك ماراكي كنة عندها ماوالو

[samirabahi]

وكان دخلتي في دردشة البنات وحكيتيها انسب اختي هنا كاين شي رجال يعلقوا هدرة زيادة

[mounia 85]

في رايي نتي روحي احضري بصح علاقتك مع مرت سلفك حطيلها حدود على خاطر الموقف لي تعرضتيلو محرج بزاااااااااااااف وعيب عليهم الشي لي داروه
حتى مرت سلفك غلطت معاك ماشي غير امها على خاطر كانت قادرة تحاولك وتقولك اقعدي مازال الحال ولا تصحح غلطة امها

[النجمة القطبية]

لوكان صبرتى للسابع ورحتى احسن
اهم شئ اديري الواجب اما تروحي لدارهم ثقيلة شويا وراكى شفتى واش صرا
المهم باذن الله تكونى تعلمتى من التجربة متصغريش روحك بزيارات لا فائدة منها باش متحسيش روحك ثقيلة يكفى قيامك بالواجب
اما السابع لازم تروحي طبعا باش متعمليش مشاكل مع ناس دارك روحي واتصرفي عادى وهناك تقدري تتجنبي ام سلفتك هذى الله يهديها
موفقة

[salem1985]

والله اختي لو كان ما تديريش روحك مهبولة حابسة رايح تركبي لروحك السكر ولا طانسيون انت فرحي ليها وصفي قلبك وهي خليها تدير واش تحب زيد الناس الكبار راهم كي الاطفال ما تديريش عليهم انت عامليها مليح وطلبي ربي يهديها

[kikimnarim2]

راكي غلطتي كي حكيتيلها واش صاري مع بنتها في دار عجوزتها اضن في سبة هذي ما احترمتكش لما روحتي عندها الى بنتها ما تحكيلهاش الاسرار علاش تحكيهم انت

[ريحانتي]

الضيف نرحب بيه في اي وقت مشي شرط السابع و لا الثامن
المهم هدي مشي يماك
ماتعمريش راسك بيها

[ايهان]

جدتي تقول دير روحك كبير تكبر
على هذي انتي روحي للسابع وافرحي عادي على خاطر دار شيخك ماعندهم حتى دخل في لي دارتوا نسيبتهم
من جيهة اخرى هي حابتك ماتجيش باه تتقابضي مع ناس شيخكوهي تربح الملاحة مع بنتها مع عجوزتها وتولي انتي لي في المشاكل ماشي بنتها
وتحول المشاكل ليك اوكي
مالا حذاري وتعاملت مع الموقف بذكاء وماكالاه تخلي ناس شيخك يقولوا واش كاني حتى ماجاتش وتكتر الاحتمالات والاقاويل وتقطع العلاقات والارحام
روحي وانوي صلة الرحم وربي يأجرك

[وردة الرمال1]

السلام عليكم ورحمة الله تعالى وبركاته

أنتي درتي الواجب ورحتي لسلفتك عند أمها

وزيدي ديري الواجب مرة 2 وروحي لسلفتك في دار شيخك تربحي صلة الرحم وربي يهديها ويهدي الجميع

[fatimabouche]

الله يهدينا يا ختي يقولك كبرها تكبر متعطيلهاش أهمية تصغر.
اذا كان قلبك كبير روحي وربي ورحمتوا وقتليها بالبارد لأنها راهي متوقعة أنك ما رايحاش تجي
اضحكي ديفولي وما علابالكش بالغاشي
وربي يهدينا انشاله

[كلنا راحلون]

المشاركة الأصلية كتبت بواسطة وليد1990

حكايات النساء التي لا تنتهي

هههههه يعجبوني هاد حكايات وخاصة في هبوط ليل قصة مشوقة وبعدها نوم

[mounaminou]

wellah koun jit mennak marohtelha ..madamni roht merra khlas ..manebkach n3awed..w zid wa7ed mayloumek pask enti dirti lwajeb w wsaltiha.....choufi ana manich ngoul t7achmiha wella tkat3i erra7im ....mais bach lmerra ljaya tkaymek kimma kayamtiha ..w bah t7as b ghelta ta3ha .....

ana hatit rouhi fi plasstak ....w ana koun sratli akid manrohelhch l sbou3 mais tebka l 3alakat m7atma mais sbou3 beddat nooooooonnnnnnnn .....

[maramaya]

الحمد لله السبوع في دار عجوزتك روحي وكبري خاطرك العيب ادا غلطت معاك سلفتك هي حشمت من يماها باش تراضيك لانه باين بلي يماها جادور وتقدر حتى تحاوز بنتها لوكان كاش ماقاتلك سلفتك روحي وانساي الحكاية وخطرة واحدوخرى ماتزيديش تروحي عند يماة سلفتك