من مطبخي اليكي تحلية البرتقال و الليمون

faizarbh · 2012-03-21, 19:36

لاحلى بنات المنتدى ان شاء الله اتكونوا في احسن حال اليوم راني درت هاذ التحلية و قلت ما نبخلش على اخواتي و انا نديرها بزاف لانها لذييييييييذة و ان شاء الله اجربوها و اتردولي الخبر
- عصير 3 حبات برتقال و حبة ليمون
- 2 ملاعق كبار مايزينة
- كاس سكر
-كاس ماء
-قشور حبة برتقال و شوية قشر ليمون
-3 بياض بيض
-ملعقة كبيرة حليب بودرة
-3 ملاعق كبار عسل

* اولا*
-نضع عصير البرتقال و الليمون و السكر و الماء و المايزينة دفعة واحدة في قدر صغير و نخلطهم جيدا و نضعهم على النار و نبقى نحرك حتى يعقد الخليط

و كي يعقد فورا نضعه في قوالب الكرام ديسار
و نفرغه في القالب لكن لا نملاه بل نصف القالب فقط كما موضح في الصورة

ثم نتركه قليلا يبرد و نضعه في الثلاجة و في هاذه الاثناء نقوم بضرب بياض البيض جيدا و كي يطلع مليح نضيف له ملعقة سكر غير بشوية و نكمل الضرب بالخلاط

ثم نضيف العسل و الحليب بودرة

و نخلط بالملعقة لكن بحذر من الاسفل الى الاعلى

ثم نضعه في الثلاجة مدة نصف ساعة اي في الكونجيلاتور ثم نخرجه و نخرج الكريمة و نضعه فوق الكريمة (اي نضع في القالب نصف كريمة و نصف بياض بيض )

و هاذا هو الشكل النهائي ثم نديروه في الثلاجة يبرد عادي و بالصحة عليكم و ان شاء الله اتجربوه و اتقولولي رايكم