كسكاس (طعام) بالحليب

[ام ايمان16]

السلام عليكم
كسكاس (طعام) بالحليب
بصلة كبيرة مقطعة شرائح و3حبات بطاطا مقطعين 3حبات جريوات (قرعة) مقطعين 3حبات لفت مقطعين ملح قرن فلفل اخظر حار تحطوهم في قدرة وتمرقو مباشرة الماء وتحطوه يطيب حتان تطيب الخظرة وتخثار المرقة
ولما تخثار المرقة طفو النار وتكونو في هاذي الاثناء فيضتو لتر حليب ((ومن الافضل يكون حليب لحظة))لما يفيض وهو سخون صبوه فوق المرقة الخاثرة وحركوه وهكذا يكون جاهز باش تسقسيو بيه الطعام تاعكم المفور والمسمغ بالزيت زيتون وتاكلوه بالصحة




ملاحظة الخضار تتغير بتغير الموسم يعني مكان الجريوات واللفت نديرو مكانو فول اخظر او قرع احمر((كابويا))ولفت حسب الموسم والفصل
تبقى البطاطا والبصل اساسية في المرقة

ولي يحبو القديد او لخليع ممكن يديروه يطيب في المرقة اذا كان متوفر ((حنا نديروه))

[batnia05]

باين بنييييييييين أنا نموت عليه اعطيني الوصفة لو سمحتي

[ام ايمان16]

راني كتبت الوصفة اختي
ان شاء الله تجربيه ويعجبك

[ام مريم اسراء]

مممممم يعطيك الصحة فاحة انا شهصيا نحب الطعام و الحليب و المرقة البيضاء يعطيك الصحة

[أم ياسين الزهراء]

هدا واش يحب الخاطر امممممممممممممممممم يعطيك الصحة

[جوهر دعوة]

شكرًا تفاحة فكرتيني بيه بابا يحب بزاف هذ الطعام
عندي دهر مكليتوش هههههه
بارك الله فيك تفاحتي

[ام ملاك.]

يبان يشهي يعطيك الصحة

[أم شروفة]

يعطيك الصحة

[عطرالذهب]

امممممممممممممممممممممممم

[أم إناس]

تفاحه يا تفاحه يعطيك الصحه يا تفاحه

[sonia2u2]

nmout 3elih had kasskass 7ata weladi y7abouh mmmmm

[ام ايمان16]

الله يسلمكم اخواتي

[om najib]

يعطيك الصحة بصح انا أي حاجة فيها لحليب ماندورش بيها خلاص

[بريق الامل&]

يعطيك الصحة روعة

[oumraouf]

شكرا اختي على الوصفة ، وهذه اضافة وهو اضافة الفول اليابس ( المدشش) فإنه يزيد في التخثار ويعطيه بنة البيصار ، فعلى الأخوات اضافته بدون منازع ، فالنتيجة جد حد رائعة، اتمنة انكن تجربوه وبالصحة والعافية ، كما اضيف أنه يجي بالبصل الأخضـــر فهانا احب أن اعمل هذا الكسكس في فصل الربيع خاصة .