وصفة اكثر من رائعة للمعمول

[ام صفصف]

باسم الله والصلاة والسلام على رسول الله
هناك اخت طلبت وصفة ناجحة للمعمول، ولتعم الفائدة قررت وضعه في موضوع مستقل
للعلم جربت الوصفة مرات عديدة،وكانت روعة
نبداو بالمقادير..
3 كؤوس سميد رقيق (250مل)
كاس فرينة
كاس وربع زبدة ذايبة
رفعة ملح
نصف كاس سكر غبرة او رطب
ملعقة قهوة خميرة الحلوة
كاس حليب(+او-) حسب نوع الدقيق
ناتي لطريقة العمل
نخلط جيدا الدقيق والفرينة والزبدة (نخدموهم مليح، حتى يدخل ليدام فالدقيق)، ثم نتركهم يرتاحو اربع ساعات
ثم نضيف االسكر والملح وخميرة الحلوة، ونبل تدريجيا بالحليب حتى نتحصل على عجينة طرية وسهلة التشكيل
بالنسبة لعجينة التمرنحتاج
250غ عجينة التمر
ملعقة صغيرة قرفة
ملعقة صغيرة قرنفل
ماء الزهر(حسب نوع عجينة التمر)
4او5ملاعق زيت
ان شاء الله نكون وفقت فالشرح لان هذي اول وصفة نحطها
واي استفسار انا فالخدمة



نتمنى تجربوه
وصح عيدكم