الجزء 189 من كوزينة حراير الجلفة ..كوزينة أغلى حراير

[nihal159]

المشاركة الأصلية كتبت بواسطة ام هدول

باروكي نهوله...حبيبتي url=https://up./][/url]
وهادو مادلان بعسل التمر الوصفه تع ريمه..اممممم..بارك الله فيم ريمه...خلوهم لقهوه العصرurl=https://up./][/url]

راهي جات راهي جات .... راهي جات لالة لبنات هههههههه لحنوها و غنوها هههههههه ياعيني على أم هدول كي تزدم بالشخاشخ ههههههههه تخلي لي مايشتري يتفرّج هههههههههههه؛ يعطيك الصحة و كلشي من يديك عسل صافي؛ ربي يبارك في رزقكم و يحفظلك أسرتك و ينجح بناتك.

[nihal159]

المشاركة الأصلية كتبت بواسطة عروبة وطن

الله يبارك ام هدول كلش يشهي
بعثيلي حبات مادلان نستقهى بيهم.
انا درت حبيبات مسمن للقهوة تفضلو.

آه منك ياعروبة ٱه؛ كل هذي السنوات و أنتي حارمتنا من أطايبك الشهية لدرجة أنّي حسبتك خايبة ههههههههههههه راني غير نتمسخر؛ ماشاء الله يبان لمسمن رطب حرير تاع لحراير؛ يعطيك ألف صحة و عافية.

[nihal159]

المشاركة الأصلية كتبت بواسطة idem16a

عروبة المسمن تاوعك روووووعة،تووووب،باينين. مورقين،
ام هدول تبعتلك المادلان،وانت ابعثيلي المسمن،وانا نبعثلكم كامل دعوة خير عن ظهر قلب،راني صايمة

الله يبارك عليك يا أم مهدي ؛ زيادة على الطبخ؛ إكتشفت أنك سياسية محنكة وتعرفي للمفاوضات ههههههه

[nihal159]

المشاركة الأصلية كتبت بواسطة mosta*limoges

نهولة مابغيتش ندخل بيديا فارغين جبت باروك بصح أسمحولي من الأرشيف هدا ليامات راني مع التنظيفات العميقة نروح نشوف واش حطيتو ..وصلتني ريحت لمادلان و مسمن

أهلا بطيموشة من خلف البحار؛ الله يبارك كلشي حطيتيه روعة خاصة المطلوع يمممممي تاع الصح؛ درتيه بالسميد ولا بالفرينة.
بالنسبة للتحلية شكلها يهبّل؛ كيفاش عملتيها؟؟؟ حلل وناقش ههههههه.
البيتزا و لحريرة يشهيو؛ بصحتكم و ربي يعينك على الميناج؛ حتى أنا بديت لبارح.

[nihal159]

المشاركة الأصلية كتبت بواسطة بيان 5

السلام عليكم حبيباتي توحشتكمممم
الله يبارك
غير دخلت لعابي سال اللله يبارك عليكم
هاذ ليام مانيش نطيب بزاف
دون ذكر اسامي باش مانقصر في حق حتى وحدة والله العظيم غير شيفات بكل مافي الكلمة من معنى
حيوتة يسقسي عليك لخير حبيبتي
ليوم راني صايمة درت جاري وكسرة وسلطة وتحلية فراز

أهلا بيونة أختي؛ ربي يعينك إن شاء الله؛ صيامك فالجنة و بصحتك واش فطرتي؛ لكن راني مازلت نستنى فالباروك هههههههه تقولي بالاك نسيتك ههههههه مانسيتش هههههههههههههه

[nihal159]

المشاركة الأصلية كتبت بواسطة بيان 5

حبيباتي جبتلكم فطوري
ماتضحكوش راني نفطر ونكونيكتي

أمممممممم بيونة فطورك رمضاني بامتياز خاصة المطلوع و الجاري يدوّخو ماشاء الله؛ صح فطورك

المشاركة الأصلية كتبت بواسطة بيان 5

تحلية لفريز روووووعة؛ بصحتكم؛ ويعطيك الصحة.

[nihal159]

المشاركة الأصلية كتبت بواسطة طيور الجنان

عشايا تبيخة تفضلو

سعيدة بصحتك تبيخة الفول؛ أنا نمووووت عليه.

المشاركة الأصلية كتبت بواسطة فاتي 05

هذا باروكي تفضلو قاطو درتو في الويكاند جلجلانية و صابلي بريستيج محشي باللوز و النيسلي و الشامية جاء روعة منظر و بنة انشاء الله يعجبكم

أهلا فاتي؛ ربي يبارك فيك؛ ماشاء الله حلوياتك رووووعة متحوفة و متقونة الله يبارك؛ يديك يتلفّو فالحرير.

[nihal159]

المشاركة الأصلية كتبت بواسطة ام هدول

أحلى. صباح.....أحلى. رفقه

أحلى صباح لأحلى رفقه؛ البتي فور يشهي يا أم هدول؛ يعطيك الصحة؛ و فعلا كما قلتي كل واحدة فينا عندها بلاصة و وجودها عندو سحر و كي تغيب تبان بلاصتها فارغة و نحسو حاجة ناقصتنا.

المشاركة الأصلية كتبت بواسطة حياة نور الدين

م هدول امممم على ااقاطو وعلى كلامك الزين حبيبتي ربي يخلينا لبعض ان شاء الله

تفضلوا باش تتقهواو





وهدا فطوري البارح والحمد الله

شوفي ياحيوتة ؛ رمضان تاع هذ لعام ؛ لازم و لابدّ أني نصومو في وهران ههههههههههه كما تقول بنتي ماريا: مستحيل مستحيل هههههههههههههه؛ ياختي مستحيل من بعد ماشفت هذي البنة نقبل نعيش بعيدة عليك ههههههههههههههه؛ يعطيك الصحة و ربي يتقبّل صيامك و يستجيب لدعاءك.

[nihal159]

لبارح درت حلوى لمشوّك و لعشاء درت ثاكوس هههههه فالإعادة إفادة و صورتلكم مراحل التحضير؛ ماتغيّروش القناة.
لبنات لي حطو صور كبيرة؛ من فضلكم صغرولنا الصور باش الصفحة تظهر تمتم.

[nihal159]

لبارح كان عشايا ثاكوس و إغتنمت الفرصة أني صورتلكم مراحل التحضير.
أوّلا تحضير العجينة:
300 غ فرينة+كيس خميرة كيميائية+ 3 ملاعق كبيرة زيت+ ملعقة أكل حليب بودرة+ رشة ملح و نلم كلشي بالماء و نعجن العجين مليح حتى يرجع أملس؛ نقسمو إلى خبزات صغيرة و نخليه يرتاح لمدة30 دقيقة.



بعد مايرتاح؛ نطرح الخبزات بالحلال على سمك نصف مليمتر؛ لازم تكون رقيقة بزاف بزاف؛ و نكون سخّنت المقلى أو طاجينتاع لمسمن و نديرها تطيب؛ عينكم عليها مالازمش تطيب بزاف؛ يعني تشيح برك و تنحوها.
ثانيا تحضير الحشو : عبارة على فريت؛ بصل مقلي؛ لحم مفروم؛ صدر دجاج بصلصة الجبن.
نأخد بصلة و نقطعها شرائح رقيقة كما الشكشوكة و نقليها في مقلاة على نار هادئة؛ نتبّلها بالملح و الفلفل الأسود؛ و نتركها تتقلى حتى تتكرمل ثمّ ننزعها من النار و نحتفظ بها في صحن.
في نفس المقلاة و في نفس الزيت نضع كمية اللحم المفروم؛ نتبلها بالملح و الفلفل الأسود و نقليها حتي يطيب اللحم.
في مقلاة أخرى؛ نضع كمية من الزيت؛ ثمّ نضيف نصف صدر دجاج مقطّع مكعبات صغيرة ؛ نتبلو ملح و فلفل أسود؛ و نقليه حتى يطيب الدجاج مليح و يتحمّر؛ في هذه الأثناء نضيف كمية من لاكريم فريش+ 3 قطع جبن لافاش كيري+ حفنة جبن مبروش؛ أنا استعملت جبن غرويار؛ و نخلط كلشي مليح فوق النار حتى يدوب الفرماج و تعقدلي شوية صلصة الجبن.


ثالثا تحضير الصلصة الجزائرية: ملعقة كبيرة ميونيز+ ملعقة كبيرة كاتشب+ ملعقة صغيرة هريسة+ مقدار ملعقة صغيرة بصل مفروم ناعم جدا+ رشة كمون+ رشة فلفل أسود؛ كين لي يزيدلها المعدنوس؛ أنا لا أفظله.
رابعا مرحلة المونتاج ههههههه:
نجيب الخبزة لي كنت حضرتها؛ نحطلها كمية من الصلصة الجزائريةو نستف فوقها لفريت حبة بحدا أختها باش يجي شكلهم منتظم كي نقطعو الحبة؛ نحط فوق لفريت كمية من البصل؛ اللحم المفروم؛ الدجاج مع صلصة الجبن و نطوي الحبة مثل مانطوي لبوراك ههههههه.




نضع التاكوس فوق مقلاة مخططة و نضغط عليه باش نتحصّل على خطوط جميلة؛ و قدمتو مع الصلصة الجزئرية.

[nihal159]

قاطو لمشوك، هذا الصحن بعثتو لعجوزتي.

[nihal159]

عشانا تاع نهار الاحد. فريت، سلاطة مشوية، و ستيك

[nihal159]

صح غذاكم يالبنات.
ليوم غذايا حوت مقلي؛ راني فالخدمة ههه

[طيور الجنان]

نهال يعطيك الصحة غلى التاكوس و على المراحل ربي يجازيك رووووعة و المشوك تاني جا هايل يعطيك الف عافية.
حيوتة عشاك يشهي حنونة مطرح مايسري يمري حنونة. و ابتهال كانو عندها ظروف ماسمحولهاش تبقى في المنتدى و من هاذيك مارجعتش ان شاء الله تكون بالف خير.
ام هدول يعطيك الصحة على القاطو .
غدايا بواقي و الحمد لله نزيد غير البيض.

[nihal159]

المشاركة الأصلية كتبت بواسطة طيور الجنان

نهال يعطيك الصحة غلى التاكوس و على المراحل ربي يجازيك رووووعة و المشوك تاني جا هايل يعطيك الف عافية.
حيوتة عشاك يشهي حنونة مطرح مايسري يمري حنونة. و ابتهال كانو عندها ظروف ماسمحولهاش تبقى في المنتدى و من هاذيك مارجعتش ان شاء الله تكون بالف خير.
ام هدول يعطيك الصحة على القاطو .
غدايا بواقي و الحمد لله نزيد غير البيض.

الله يسلمك سعيدة؛ شكرا حبيبتي.
حتى أنا لبارح تغذيت بواقي؛ مع درت ميناج للكوزينة ؛ روووعة كي تعودي تخدمي و متهنية من لغذا هههه.
صح غذاكم.