رمضان هذا غير ديول الصوامعية لي يفرجوها علية

بريق الدجى · 2014-05-27, 10:58

السلام عليكم و رحمة الله و بركاته

عندي مدة و انا في صراع مع الديول كل مرة نجرب بكمية قليلة و لكن ما تصلحليش و جربت ديول اختي الصوامعية المرة الاولى جاو شوي ملاح و مرتين ماصلحوليش رغم اني جربت كل التقنيات و النصائح يجي الدقيق مفرق و مايمشيش البانسو في المقلاة بعدها أدركت ان المشكل في الدقيق ماتفاهمش مع الفرينة ههههه انا نحط البانسو في المقلاة و العجينة تهرب من بعضها
و مبعد اتبعت سر عطاتهولي ام ساجد ربي يهنيها قاتلي أعكسي الفرينة و الدقيق يعني ديري 2 كيسان فرينة و كاس دقيق و باقي المقادير عادي
و نجحتلي الطريقة جاو روعة مقرمشين و استعملت بانسو سيليكون شوفو الصور و احكمو بنفسكم

هاذو لولين جا شكلهم فاسد شوية مي ملاح

شوفوهم مايحتاجو لا تزيين و لا شيء وحدهم مبهيين الصحن هههه

الشكر موصول لاختي الصوامعية و لام ساجد على نصيحتها
و اخيرا كلمة تشجيع تكفيني
في امان الله

لمسة L · 2014-05-27, 11:03

روووووووووووووووووووعة

بريق الدجى · 2014-05-27, 11:30

شكرا لك اختي لمسة على ردك العطر

أنواار الإيماان · 2014-05-27, 11:44

ماشاء الله اختي مشكورة

انا مازال مانعرفش نديرو ان شاء الله ندير نصيحتك لعشيا وانشوف

بارك الله فيك

بريق الدجى · 2014-05-27, 12:03

منورة اختي أنوار بردك
هذه النتيجة كانت بعد عدة محاولات فاشلة
نتمنى تجربيهم و تتوفقي فيهم لأنه بزاف لي نجحولهم

Oum ilyesse · 2014-05-27, 12:12

ما شاء الله أختي ، خرجولك هايلين ، بصحتكم بإذن الله نجربهم، أنا نموت على البوراك ، هاذاك واش ناكل في رمضان مع الشربة الله الله واش نقول لك،فكرتيني انشاء الله نصوموه بالصحة والهناء أمين ياربي، تقبلي مروري حبيبتي ،ومزيدا من الانجازات والتطبيقات انشاء الله ،سلامي للجميع

فايزة1207 · 2014-05-27, 12:40

انا ثاني عكست المقادير كيما قالت الهام ورنخت الدقيق قبل وخلطت جاو ملاح بصح لصقو في بعضاهم مبعد
ياريت طريقتك كيفاه

Sasau · 2014-05-27, 12:54

روعععععععععععععععة يا اختي أنا ثاني جربتهم لكن ماصلحوليش بصح راكي شوقتيني باش نعاودهم بنصيحة ام ساجد وشكراا

أم درصاف · 2014-05-27, 12:58

روعة يعطيك الصحة راكي شجعتيني نجربهم عندي مدة كي شفت الوصفة لكن مترددة نجربها لاني كرهت ديما ماتصلحليش

بريق الدجى · 2014-05-27, 13:23

اقتباس:

المشاركة الأصلية كتبت بواسطة oum ilyesse

ما شاء الله أختي ، خرجولك هايلين

، بصحتكم بإذن الله نجربهم، أنا نموت على البوراك ، هاذاك واش ناكل في رمضان مع الشربة الله الله واش نقول لك،فكرتيني انشاء الله نصوموه بالصحة والهناء أمين ياربي، تقبلي مروري حبيبتي ،ومزيدا من الانجازات والتطبيقات انشاء الله ،سلامي للجميع

ربي يهنيك اختي ام الياس انا تاني نموت على البوراك
اللهم بلغنا رمضان

اقتباس:

المشاركة الأصلية كتبت بواسطة فايزة1207

انا ثاني عكست المقادير كيما قالت الهام ورنخت الدقيق قبل وخلطت جاو ملاح بصح لصقو في بعضاهم مبعد
ياريت طريقتك كيفاه

انا عملت 2 كسان فرينة و كاس دقسق مارنختوش عملتو كما راه و الملح و مغرف زيت و ماحطيتش مغرف حليب
و كي طيبتو خليتهم نشفو كل ورقة وحدها فوق ازار مبعد حطيتهم فوق بعضاهم

اقتباس:

المشاركة الأصلية كتبت بواسطة sasau

روعععععععععععععععة يا اختي أنا ثاني جربتهم لكن ماصلحوليش بصح راكي شوقتيني باش نعاودهم بنصيحة ام ساجد وشكراا

نتمنى ينجحولك يا اختي ساسو لأني جربت طعم الفشل ههههه و كنت كل مرة قريب نبكي

اقتباس:

المشاركة الأصلية كتبت بواسطة فاطي سافي

روعة يعطيك الصحة راكي شجعتيني نجربهم عندي مدة كي شفت الوصفة لكن مترددة نجربها لاني كرهت ديما ماتصلحليش

و الله حتى انا يا اختي فاطي جربت كل الوصفات و ما كانتش تصلحلي و ننصحك ماتيأسيش و جربي كيما انا بمقادير قليلة حتى تعود تصلحلك