شربة الخضار بالصور من مطبخي بطريقتي الخاصة

kakinova · 2013-03-05, 18:15

بسم الله الرحمن الرحيم

كل واحدة عندها طريقة في تحضير شربة الخضار سواء باضافة الجبن او الكرام فراش او الحليب

انا نفضل الخضر لوحدها

و هذه طريقتي في صنع حساء الخضر " البويون "
في قدر او كوكوط نضع نصف لتر ماء مع 2 كيسان عدس منقي مغسول و مقطر و نضع القدر على نار ضعيفة

نضيف الكرفس المعدنوس و الدبشة حسب الرغبة انا نفضل نكثر لكن ماكانش عندي كمية كبيرة

نغسل الخضر نختار خضر مختلفة الاوان و الانواع حتى تكون للشربة قيمة غذائية كبيرة
انا استعملت الموجود لكن مرات نوع لما تكون عندي جلبانة نضيفها , قرنون , اوراق كرنب بورو , مرات تبقالي لوبيا من الغداء نضيفها

نقطعهم قطع كبيرة حتى ينطبخو مع العدس ماش يتهراو قبل ان يطهى العدس

نضعها فوق العدس و الكرفس

نضع قطع اللحم صغيرة او دجاج انا نكره جلد الدجاج و نكره رائحتو اذا كنتي تحبيه عادي ممكن تخلي الدجاج بالجلد رغم انو فيه نسبة كبييييرة من الدسم

فوق اللحم ننثر الملح و كمية قليلة من الفلفل الاسود و ملعقتين زيت و نغلق عليه الكوكوط او القدر

بعد نصف ساعة نفتح رح نلقى المرقة تقريبا نشفت و الخضر تقلات مع الزيت و الملح و اصبحت جد بنينة ممكن تاكل هكذا لمن لا يريد ان يرحيها

نمرقها قليلا و نرجعها تغلي برفق على نار متوسطة ربع ساعة

ننزع اللحم بجهة و نرحيها فالميكسور

لي تحب الشربة بالقشور تخليها مثل ما هي لي تحبها متجانسة مثلي تحطها في الرحاية اليدوية و تدور الذراع بشكل عكسي ماشي ترحي تدوري بشكل عكسي حتى تنزل المرقة و تبقي القشور و خيوط الخضر

ثم نرجع المرقة لتغلي ربع ساعة وكل واحد كيفاه يحبها انا نحبها خاثرة قليلا ماشي مايهة

و في الاخير نضيف نصف ملعقة زبدة او مرغرين و اللحم نقوم بتفتيته و نزع العظم و تمتعو بشربة صحية و لذيييييييييييذة جدا

ان شاء الله يعجبكم و تدعيولي دعوة خير ولا ربعة

sali-sali · 2013-03-05, 18:21

شكرا لك

ربي يهنيك

mounia hse · 2013-03-05, 18:59

يعطيك الصحة لقيت وش راح ندير بالعدس

sa-li · 2013-03-05, 19:37

السلام عليكم

اممم كيما نديروها حنايا

صحاليكم ختي

وندعليك خمسة ماشي خسارة هههه

ربي يعطيك ماتمناي

الصوامعية · 2013-03-05, 19:52

الله الله على هذاك البيون يشهي نفس الطريقة لنديروها فقط حنا منزيدولوش العدس
يوالم كي تكون الأجواء باردة والثلوج تتساقط امممم اممممممم
بارك الله فيك أختي كاكينوفا

هند222 · 2013-03-05, 20:02

روحي الله يرزقك من ابوابه الواسعة ومن حيث لاتحتسبين

linat · 2013-03-05, 20:46

النتيجة رائعة بارك الله فيك

شلال فرح · 2013-03-06, 00:11

شكرا هايلة

ولادي ما يحبوش لعدش نظن بهاذ الطريقة ياكلوه بارك الله فيك

kakinova · 2013-03-06, 08:33

شكرا لمروركن نورتوووووووووووووووووووووووو

أم ماجد · 2013-03-06, 08:42

انا نحب البويون لانه صحي نفس طريقتك تقريبا رايحة ندعيلك عشر دعوات

ريم الفلى · 2013-03-06, 10:11

بصحتكم باينة مليحة لاكنني منحبهاش خلاص هادي المرقة من اللي كنت صغيرة منكلهاش

تالا تسنيم · 2013-03-06, 10:32

ربي يحفظك حنونة........... يعطيك الصحة ننتظر جديدك بحول الله.............. تعيشي

نعيمة29 · 2013-03-06, 11:46

مارسي بوكوووووووووووووووو

kakinova · 2013-03-07, 14:20

شكرا لمروركم بالموضوع

بارك الله فيكم

نورتووووووووووووووووووووووو

ماكانش قد البويون مغذي و مفيد الخضر تنقص من كمية الكلسترول فالجسم

و الخضر فيها مضادات الأكسدة

و الخضر ايضا تنظم نسبة السكر فالدم

و درهم وقاية خير من قنطااااااااااااااااااااااااااااااااااااااااااااااا ااااااااااااار علاج

ام ملاك. · 2013-03-07, 15:55

هههه عجبتني دعوة خير ولا ربعة
يعطيك الصحة هايلة بصحتكم