|
|
|
|||||||
| قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
2013-07-13, 21:33
|
رقم المشاركة : 1 | ||||
|
حريرة"المرمز"من اعدادي،تفضلوا
السلام عليكم ورحمة الله تعالى وبركاته صح فطوركم وتقبل الله اعمالكم بغيت نوريلكم الطبق الرئيسي لي نعتمدوه في رمضان والي مكاش بيت ما يديروهش هو حريرة المرمز،طبق ساهل واكيد تعرفوه كاملين نبداو بالمقادير: لحم حسب قدرتك،حبة بصل،حبة طماطم،2 حبات جزر،طماطم مصبرة،حمص،قصبر ومعدنوس،دشيشة المرمز حبة بطاطا    هذي هي دشيشة المرمز  الملح والتوابل  نقطعوا البصل نديروه يتقلى مع الثوم واللحم في ملعقتين زيت نزيدو القصبر والمعدنوس وبقية الخضر ماعدا الطماطم  من بعد نضيفو الطماطم،ونخلطو التوابل والملح والطماطم المصبرة مع شوية ماء ونضيفوهم على خليط الخضر واللحم  نمرقو بالماء ونديرو زوج مغارف دشيشة المرمز واذا بغيتيها تجي خاثرة زيدي شوية ومن بعد نديررو الكوكوت فوق النار   بعدما ينضج اللحم والحمص والخضر نحو اللحم وشوية تاع الحمص على جيهة،ونرحوا الخضرة بواسطة الرحى اليدوية  وهذي هي حريرتنا جاهزة نقيسو فوقها شوية قصبر ومعدنوس مقطعين رقاق  درتها مع مقبلة الدجاج والحمص  والحلو  ان شاء الله تعجبكم علابالي بلي تعرفوها بالصح معليش المهم المشاركة
|
||||
|
|
2013-07-13, 22:06
|
رقم المشاركة : 3 | |||
|
يعطيك الصحة حنا رمضان كامل ماتحبسش
|
|||
|
|
|
2013-07-13, 22:15
|
رقم المشاركة : 4 | |||
|
يعطيك الصحة باينة تجي بنينة صحة رمضانك |
|||
|
|
|
2013-07-13, 22:35
|
رقم المشاركة : 5 | ||||
|
اقتباس:
الله يسلمك يالحبيبة،ربي يخليك ويعطيك لي تتمناي،تفرحيني شحال كي تردي على مواضيعي،ايه حنا ثاني رمضان كامل بيها،حتى انت صح فطورك وتتوحشك الجنة يالغالية ووالله حتى انا راني متوحشاتك ربي يهنيك حنونة
|
||||
|
|
|
2013-07-13, 22:45
|
رقم المشاركة : 8 | |||
|
شكرا اختي انا لو بيدي هي لتمشي في رمضان لكن الله غالب ولادي يحبو الجاري و راجلي يحب لحريرة تلقايني نرضي جميع الاطراف مرة هك و مرة هك لكن شوربة المرمز صحية بزااااااااااااااااااف ربي يخليك اختي |
|||
|
|
|
2013-07-13, 22:57
|
رقم المشاركة : 9 | ||||
|
اقتباس:
العفو أختي،ربي يعينك حنونة باينة راهم متعبينك معليش استحمليهم شوية راكي تدي في الاجر بسببهم
 ،ايه تاع الصح صحية وبنينة ثاني حتى انت ربي يخليك ويعطيك ما تتمناي ويشدلك في راجلك وولادك ويحعلهم قرة عينك اسعدني مرورك وردك والله |
||||
|
|
|
2013-07-14, 13:24
|
رقم المشاركة : 10 | ||||
|
اقتباس:
وفيك بارك الله أختي
ايه عندك الصح،هكذا كانوي يديرو توع بكري يغلو الدشيشة الخشينة في الماء مع الملح وكي تطيب يديرولها الدهان وياكلوها،تجي بنينة بزاف زيد صحية،لا لا حنا نديرو الدشيشة تاع القمح برك،تقريبا نفس الطريقة لي نديروها حنا،انا ما نبغيش الكرافس ما نديروش،صح هذي تاع ناس الغرب هذا وين كنت نشوف في موضوعك وراني رايحة ليه نجاوب على اسئلتك قدر ما نقدر شرف ليا مرورك وواصلي اهتمامك بالتراث حاجة مليحة ومليح لينا نعرفوا طيابات بكري هذوك ما يزولوش كامل شكرا ليك حنونة على اثراء الموضوع |
||||
|
|
|
2013-07-14, 14:53
|
رقم المشاركة : 14 | ||||
|
اقتباس:
ايه أكيد نعرفها،تربيت على يد جدتي لذلك تعلمت ما تعرف هي وان أحببت كوني متواجدة هنا لتعرفي الكثير من الامثال والقصص الشعبية
مثبــت: حدثتني جدتي فقالت:.....(معان -أمثال - حكم) آه،صح؟؟والله ماعلابالي،بالصح مليح واحد يشد في عادات جدودو يعطيك الصحة على الاضافة |
||||
|
|
|
2013-07-14, 14:55
|
رقم المشاركة : 15 | ||||
|
اقتباس:
ايه صح عندك الحق،هكذا كنا نديروها،بالصح الدشيشة ما تطيبش مليح على هكذاك ولينا نديروها مع الاول تطيب ونرحوها مع الخضرة،تجي هايلة
شكرا على الملاحظة في الصميم وأكيد عندك خبرة في هاذ المجال شكرا لتدخلك وتقبل الله اعمالكم |
||||
|
|
|
| الكلمات الدلالية (Tags) |
| المرمز, اعدادي, تفضلوا, جرجرة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
