مشكلة لم استطع طرحها من قبل

[كاميلا]

السلام عليكم
مشكلتي مع مرور السنوات راني نكبر في العمر وميبانش عليا فمثلا انا الان راني في 26 سنة يعني رايحة لثلاثين ومازالني نبان كي جماعة الليسي
وين نروح نتحقر يحقروني يحسبوني صغير خلاص
درك تقولوا راهي قصيرة او قزمة او ... راني ندير متر 67 امتوسطة في الصحة بصح المشكل راه في وجهي الطفولي وخدود الوليدات الصغار ملقيت واش ندير لدرجة انه كي نروح نصلي في رمضان صرالي حادثة حطوني طفلة تاع اعدادي
كيفاش لازم ندبر نولي نخزر كي نمشي والا كيفاش والله غير كرهت
حتى كي جيت نعقد قالي المفوض انت قاصر هنا قريب درت انفجار
واش لازم ندير كاش وصفة

[marryangelina]

نفس مشكلتي مي انا بسبب الطول
الحمد لله و الله ماهي مقلقتني بالعكس راهو يعجبني الحال ههههه
في الاول كنت نكره و نقلق مي ربي جامي يمدلك حاجة بلا عبرة و تكون فيها الفايدة
انا كيما بديت ندر في التربص في التعليم في الاول التلاميد حطوني تلميدة زيهم كي دخلت و انا صراحة قلقت مي مع الوقت حبيتهم و هوما حبوني و يجيتهم كاني وحدة قدهم هنايا عرفت بلي ربي مخلقنيش قصيرة بلا سبب
الحمد لله اني عندي 22 سنة و طولي مترا و 50
تفاءلي اختي و قولي الحمد لله وتفكري بلي كاينة وحدة زيك ههههه

[كاميلا]

المشاركة الأصلية كتبت بواسطة marryangelina

نفس مشكلتي مي انا بسبب الطول
الحمد لله و الله ماهي مقلقتني بالعكس راهو يعجبني الحال ههههه
في الاول كنت نكره و نقلق مي ربي جامي يمدلك حاجة بلا عبرة و تكون فيها الفايدة
انا كيما بديت ندر في التربص في التعليم في الاول التلاميد حطوني تلميدة زيهم كي دخلت و انا صراحة قلقت مي مع الوقت حبيتهم و هوما حبوني و يجيتهم كاني وحدة قدهم هنايا عرفت بلي ربي مخلقنيش قصيرة بلا سبب
الحمد لله اني عندي 22 سنة و طولي مترا و 50
تفاءلي اختي و قولي الحمد لله وتفكري بلي كاينة وحدة زيك ههههه

ههههههههه انا نحوس على وصفة لتضعيف الخدود بالاك كي نولي يابسة في خدودي نولي نبان قد عمري

[fati57]

انا كنت كما انت كان عمري 18 سنة و رحت للعرس عطاوني حلوى تع الدراري صغار ما كانش يعجبني الحال و تغيضني عمري و بزاف مواقف هكا بصح درك راني ف 32 سنة نبان 24 مع الوقت يعجبك الحال و في العام الاول من زواجي حبسونا باراج انا و زوجي طلبو كوارطي حسبوني قاصر هههههه ما تخميش بزاف عادي و شحال من وحدة تتمنى هاد الشي .

[" أبو عبود"]

هههههههههههههه واش بيكم ديما تشتكاو يا النسا؟ لي مسينة تحوس تنقص ولي نقاصة تحوس تسمن لي صغيرة في الشكل تحوس تكبر لي كبيرة تحوس تصغر؟ هههههههههههههه الحمد لله احنا الرجال داير كيما كازامودو وعاجبو الحال. وانت من 26 رايحة تقفزي ل30؟ علاه تظيدي باربع سنوات هههههههههه
المهم اولا الموضوع والله ما يستاهل بالعكس هذي راعي نعمة من ربي وأنت مش مضطرة ااعاملي مع قاع الناس. يهمك زوجك وانتهى كي يكون هو راضي عليك وانت راضية على روحك بقاي العالم ما يعنيكش أمرهم. لكن طبعا هناك ادوية تعالج هذه المشكلة. ران فهمت كي قلت وجه طفولي. صدقيني راكي في نعمة

[" أبو عبود"]

اظن أنك قليلة الخروج إلى الشمس ولو تغسلي وجهك بالماء وتخرجي إلى الشمس سوف تتغير ملامحك بنسبة 80% لان الخدود الطفولية تكون بسبب البياض ونظارة البشرة والشمس كفيلة بأن تجعلها تفقد نظارتها لكني ربما تندمين لاحقا.

[hodayena]

اختي عادي متتقلقيش كامل كيفكيف انا المحامي غلط بيني وبين يما حسب يما هي الي رح تتطلق وكي كان يهدر معاه ابي قالو الطفلة وين راهيالي هدرت معايا قالو هذي عليا انا قالو بصح صغيرة كيفه زوجتها قتلو عندي 25نخلع مي معليش مليحة اختي والله مليحة تقعدي نباني صغيرة انا 1 متر و55 وام لطفل كي نقولها ميامنوش

[مريم الصابرة]

السلام عليكم اختي
ههههههه واشبيك كاميلا تحوسي تكبري ريحي صغيرة خوذي برايي راكي تكبري وتندمي خليك ديما تباني صغيرة ختك مريم تبان صغيرة مي على جال الطول ههههههه لكن عاجبني الحال روعة خليكي يا طفلة وخلي خدودك في حالهم لما تتزوجي وتجيبي الأاولاد راح تولي تحوسي وصفة ترجعي صغيرة هههههه
ما تتقلقيش لو انا منك معاهم قاع وين الكبار نقعد وين الصغار ندور هههههههه
شكرا

[maiar]

اختي ما تقلقيشروحك انا كيما حكيتي نفس الطول و الصحة و كلش مثلك و نبان اقل منعمري بزاف لدرجة ان المتربصين يحطوني نقرا معاهم من بع باه يفيقو بلي نقريهم هههههههه

[" أبو عبود"]

تصرفي كالطفلة حتى يكتشف " المحقق كونان" الدواء ليعود إلى حجمه الطبيعي هههههههههههه أظنك من هواة الرسوم المتحركة أليس كذلك؟

[fella111]

المشاركة الأصلية كتبت بواسطة كاميلا

السلام عليكم
مشكلتي مع مرور السنوات راني نكبر في العمر وميبانش عليا فمثلا انا الان راني في 26 سنة يعني رايحة لثلاثين ومازالني نبان كي جماعة الليسي
وين نروح نتحقر يحقروني يحسبوني صغير خلاص
درك تقولوا راهي قصيرة او قزمة او ... راني ندير متر 67 امتوسطة في الصحة بصح المشكل راه في وجهي الطفولي وخدود الوليدات الصغار ملقيت واش ندير لدرجة انه كي نروح نصلي في رمضان صرالي حادثة حطوني طفلة تاع اعدادي
كيفاش لازم ندبر نولي نخزر كي نمشي والا كيفاش والله غير كرهت
حتى كي جيت نعقد قالي المفوض انت قاصر هنا قريب درت انفجار
واش لازم ندير كاش وصفة

عادي اختي و من لا يحب ان يبدو اقل من سنه ..............انا الجميع يعتقد اني اقل من اختي الصغرى بالعكس هذا بفرحني
تبقى مسألة احترام الناس لك لا اعتقد انها بسبب ان وجهك يبدو اقل سنا ............................الاحترام يكتسب بالتظاهر بانك جدية لكن انتبهي ان تبالغي ........يعني خير الامور اوسطها ...........ربما انت شديدة المزاح مما يجعلك لا تكسبين احترام الاخرين ...بالتوفيق.

[*رحيق الجوري*]

نتي راكي مهبولة كاش وحدة متحبش تبان صغيرة

[كلنا راحلون]

محجوووووووووووز مزيدا من ردود اليوم كل يأخذ نقطته

[نارينا]

المهم في الصحة والقناعة والرضا ....

[محمد جديدي التبسي]

أنت راك عكس أغلب الفتيات تلقايها في بداية العشرينات وبدأت التجاعيد تظهر على وجهها
حلك في لبس جلباب كبير وفضفاض وإذا كملتيها بغطاء وجه او نقاب يكون أفضل وبهذا يشعر من يكلمك بهيبة ويحترمك أكثر .. ربي يوفقك