طريقة صنع علاقات مفاتيح بالسمسم خطوة خطوة من ورشتي

faizarbh · 2012-04-27, 00:23

اخواتي الكرام نتمنى انفيدكم بكل حاجة نعرفها و اليوم حبيت انقدملكم هاذ الطريقة في صنع علاقات مفاتيح و نتمنى الشرح يكون وافي و تستوعبوا الطريقة بسهولة و ان تعذر الامر على احداكن اكيييييييييييييد نشرحلها بالتفصيل الممل حتى تفهم الطريقة و رلني صورتلكم الخطوات و ان شاء الله تستفادوا و اتفيدوا الاخرين
انا اخترت الابيض و البرتقالي لاني رايحة ندير باغوغ دو درا في الكروفات و عليه لي بياس تاع كروشي في الابيض لذلك اخترت هاذي الالوان
و هادوا هوما العلاقات
https://www.djelfa.info/vb/showthread.php?t=947230
و اللي رايحين نتعلموها اليوم هاذ الشكل

المواد المطلوبة

نحتاجوا خيط تاع سبيب يكون رقيق و ايضا سمسم صغير حسب اللون اللي حابة تخدمي بيه و ايضا سمسم يكون شوية كبير على الاول و تاني سمسم اكبر من الثاني و ابرة خيط تكون رقيييييييقة و الصور راهي اتوضح الباقي

اولا نقوم بادخال الخيط في الابرة

ثم ناخذ 40 حبة سمسم مثل هذه

و ندخلها في الخيط

ثم ندخل الابرة بين الخيطين في اخر الخيط اين توجد العقدة

ثم نشكل هاذا الشكل

ثم نضع حبة سمسم كبيرة

ثم اربع صغيرة و ذلك حسب حجم حبة السمسم فمثلا ان كانت اكبر من هذه نزيد حبات السمسم الصغير حتى تغطي طررف الحبة الكبيرة

ثم ندخل الابرة من الفوق و نسحبها

و نكرر العملية حتى نغطي كامل السمسمة الكبيرة بالسمسم الصغير

ثم نضع حبة سمسم مثل هذه

ثم ندخل 3 حبات صغيرة

ثم حبة متوسطة

ثم ثلاثة صغار

ثم نضع حبة كبيرة

و نكرر معها نفس العملية الاولى كما في الصور

كي يكملك الخيط قصي باش اتنحي الابرة و ديري عقدة في الاخير كما راه واضح

عمري الابرة بالخيط بلا ما اديري عقدة

ثم ندخل جهة خيط واحدة بين العقدة الاخيرة اللي درناها من قبل اللي راهي لاصقة في العلاقة

ثم نعقد

ثم ندخل واحدة فضية و 8 سمسم كما راني موضحة في الصور

ثم ندخل واحدة كبيرة و انغلفها كيما درلنا في المرة الاولى لاحظي الصور

ثم ندخل حبة فضية و حبة صغيرة و حبة كبيرة ثم نغلفو المبيرة بالسمسم مثل ماراه موضح في الصور

و هكذا حتى انديرو 4 بولات متقاربين على شكل غصن مثل ماراه موضح في الصورة و في الاخير انديرو واحدة فضية و اندخلو الابرة في الوسط و نطلعوا حتى الفوق و كل شيء راه واضح في الصور

ثم نخرج الخيط من هذا المكان

ثم انديرو 8 حبات سمسم و نكرر العملية اللي قمنا بيها في الغصن الاول و هكذا حتى اتولي عندنا 4 أغصان كما راه في الصور

نتمنى انكون توفقت في شرحي

sofiane2075 · 2012-04-27, 08:21

ام مرية · 2012-04-27, 09:52

بارك الله فيك ولكن الخطوتين الاخيرتين ما فهمتهمش

هاجر 76 · 2012-04-27, 12:19

بارك الله فيكي يالحبيبةشكرا

batoul2000 · 2012-04-27, 17:50

يسلمووووووووووووووووووووو

faizarbh · 2012-04-27, 18:29

اقتباس:

المشاركة الأصلية كتبت بواسطة sofiane2075

تسلمي على الرد الجميل خالة

faizarbh · 2012-04-27, 18:32

اقتباس:

المشاركة الأصلية كتبت بواسطة ام مرية

بارك الله فيك ولكن الخطوتين الاخيرتين ما فهمتهمش

مرحبا بيك اختي ام مرية كي يكملك الخيط اقطعي و اعقديه و من بعد عمري الابرة و دخلي طرف خيط في وسط الخيط اللي قطعناه و درنالو العقدة و كي اندخلوه نعقطوه مع الطرف الثتاني اتاعو اللي خليناه برا احمي ابرة و طبقيها تفهمي و ايذا ما فهمتيهاش انسيي انديرلك فيديو و انفهم اختي ايذا انجحتي خبريني