ناس ميلة ...ناس ملية......الملازمين الاوائل للشرطة

فارس القسنطيني · 2014-09-18, 19:18

السلام عليكم خاوتي.....

أنا بعثوني لمدرسة الشرطة بولاية ميلة من أجل اجراء الفحوصات الطبية و الإختبارات النفسانية.

من فضلكم ، كيف أصل إلى هذه المدرسة......و كم تبعد عن محطة المسافرين الخاصة بولايتكم ؟؟؟

mohammedhammoudi · 2014-09-19, 14:31

win jaya hadi lecole

abdo25 · 2014-09-19, 22:54

السلام عليكم
انا ايضا بعثوني لمدرسة الشرطة بولاية ميلة وانا من قسنطينة تحب اخي فارس نتفاهموا باه نروحو كيف كيف

adel big · 2014-09-19, 23:01

يا خواتاتي حتة انا من عنابة , وش حنعقبو في ميلة فهموني الله يستركم ???

JamaisNensak · 2014-09-20, 12:34

السلام عليكم .. أخي .. عندما تصل إلى SNTV تاع الحافلات ..سقسي على G9 لي يدو DNC معروفين ( يتحتم عليك السير مسافة 300 متر حوالي ) .. عندما تركب أخبره بأن يتوقف لك في مدرسة الشرطة ( En face l Hopital ) .. عندما تنزل ستسير حوالي 100 متر .. ناس ميلة متعاونين ولا خوف أو حرج كي تسقسي أي واحد .. أسكن في دائة تابعة للولاية و أعمل طوال اليوم كون جيت استقبلتك و ديتك .. أي استفسار أنا في الخدمة .. سلام

JamaisNensak · 2014-09-20, 12:38

تفوتو .. يوم فحص طبي و يوم آخر يتم تحديده .. الإختتبار النفساني ( مسائل رياضية للدكاء ، اسئلة شخصية للإجابة بـ نعم أو لا ، دومينو و أشكال ) .. تجيبون كتابي ... بالتوفيق

amine 2012 · 2014-09-20, 15:08

خويا كي توصل للسانتيفي cntv سقسيهم وين مركز البريد la poste و من بعد كي توصل للبريد ma poste سقسي وين تجي محطة الحافلات تاع DNC و يطلق ايضا علية ب 300 مسكن اركب فالحافلة و بقولوا للروسوفور يحبسبك امام المستشفى ومن بعد كي يحبسلك و تنزل جور على يدك الايمن و امشي حوالي 100 متر تلقى المدرسة ... على العموم ما كانش سرقة تما و الامور راهي هانيا مليح و انت امشي و سقسي

فارس القسنطيني · 2014-09-23, 17:26

جزاكم الله خيرا اخواني على ردودكم و توجيهاتكم........كما أني أعتذر على التأخر في الرد عليكم.

أسأل الله ان يوفقكم و أن يرزق كل واحد فيكم و سائر المسلمين من حيث لا يحتسب

الميلي المشاكس · 2014-09-24, 17:47

كاين تاني سيارات النقل الحضري كيما تخرج من sntv تلقاهم يوصلوك