الفيس يتسبب بطلاقي ادخلوا عاااااااااجل

[مشكلتي]

السلام عليكم انا فتاة معقود عليها وزوجي متدين سلفي اتفق معي قبل الزواج ان النت ممنوعة بعد العقد وخصوصا الفيس لانه كان عندي واحد واقنعني ونحيتو وكنت مشاركة في مجموعة طبخ مرة دخلت دون علمه وعرف وقال لي اذا حابة نتفاهمو نحيه ونحيتو وبعد العقد وبالضبط امس قلت له عندي فيس جديد قغضب مني وقال لي هذا يعتبر كذب وعصبني حتى قلت له مراحش نحيه توحشت صحاباتي ودير شحبيت فقال لي اما انا اما الفيس واغلق الهاتف صراحة بحثت كثير ووجدت ان هذا يعتبر طلاق معلق يعني لو دخلت الفيس رح نتطلق ولا راني غالطة؟؟ مع العلم انه قبل شهر ايضا قلت له ننفصلوا وقال لي كيما تحبي هل يعتبر هذا طلاق ايضا والله مفهمت انا انا لما نعصب نولي منشوفش قبل ايام برك داوست مع اختي في ليل ولبست قشي وجيت خارجة من بيت نحس روحي رح نهبل لا داعي للتجريح يوما ما ستكون مكاني وتطرح مشكلتك ,,,,,,,,

[محمد جديدي التبسي]

وعليكم السلام ورحمة الله
أبعدي فكرة الطلاق من رأسك
الزواج لازم يكون فيه وضوح وصراحة من أول يوم
والأهم من ذلك لابد أن تتسمي بالنضج والرزانة وليس ردات الفعل الاعتباطية لأن الطلاق سيكون مصيرك ان بقيت هكذا مهما كان الرجل الذي تزوجته؟؟
الرجل لا يريد منك الدخول لهذا الموقع انت كوني واضحة معاه وتحملي عواقب قرارك حتى لو كان الطلاق قبل الدخول مادام مازال الزفاف .. ربما في يوم ما سيكون توفير الانترنات من شروط الزواج وجزء من المهر؟؟؟ ربي يفتح عليكم

[مراد سابقا10]

انا نعطيك نصيحة اخطيك من السلفيين وازربي افسخي الخطبة والله كي تزوجي غير تندمي

[جالب الخيرات]

المشاركة الأصلية كتبت بواسطة مشكلتي

السلام عليكم انا فتاة معقود عليها وزوجي متدين سلفي اتفق معي قبل الزواج ان النت ممنوعة بعد العقد وخصوصا الفيس لانه كان عندي واحد واقنعني ونحيتو وكنت مشاركة في مجموعة طبخ مرة دخلت دون علمه وعرف وقال لي اذا حابة نتفاهمو نحيه ونحيتو وبعد العقد وبالضبط امس قلت له عندي فيس جديد قغضب مني وقال لي هذا يعتبر كذب وعصبني حتى قلت له مراحش نحيه توحشت صحاباتي ودير شحبيت فقال لي اما انا اما الفيس واغلق الهاتف صراحة بحثت كثير ووجدت ان هذا يعتبر طلاق معلق يعني لو دخلت الفيس رح نتطلق ولا راني غالطة؟؟ مع العلم انه قبل شهر ايضا قلت له ننفصلوا وقال لي كيما تحبي هل يعتبر هذا طلاق ايضا والله مفهمت انا انا لما نعصب نولي منشوفش قبل ايام برك داوست مع اختي في ليل ولبست قشي وجيت خارجة من بيت نحس روحي رح نهبل لا داعي للتجريح يوما ما ستكون مكاني وتطرح مشكلتك ,,,,,,,,

ما دام تم العقد فهو زوجك و مدام زوجك لا يريد هذا فلماذا كل هذه الجلبة من أجل شيء تافه............................أختي لا الفيس بوك و اليوتيوب و التويتر رايحه تهنيك أمام رب العزة.................فمرضات رب العزة من مرضات زوجك.........................................زوجك نارك أو جنتك...............و صدقيني يا ما أزواج كانوا متشددين لدرجة لا توصف فلما تزوجوا و رأوا من زوجاتهم إذا ما كن طائعات قانعات أرخوا الأمر و تركوه في أيديهم و كيما يقولوا والاو يخيطوا بخيطهم و خليك من التكعرير و الفيس بوك و اليس في بلاد لبعجايب و تكسار الراس .......................و ربي يهنيك.
ما تهدميش دار على جال حاجة ما تسواش عند الله شيئا...........................................

[ابو سليمان10]

لايجب ان تكون سلفي لتكون ضد شىء تافه و ضار مثل الفايسبوك

[الداعي الى الحق]

بصح انتي كدبتي عليه قلتليو فالاول راح ننحي الفيس بوك ومبعد بدلتي رايك كي عاد علبالك بلي مستحيل تتخلين على الفيس بوك علاه تقبلي من الاول ياخي محطش المسدس في راسك وقلك قبلي بسيف لو كان جيت في بلاصته كونت نخليك ماشي علجال الفيس علجال الكدوب ديالك.

وهدا ماشي معنته انه على الحق لانه هو حتى يولي تفكيره سليم لازم يعملوله عملية جراحية في دماغ

[بناتي نور العين]

يا اختي وعلاه عليك افلام الاكشن هادوما قالك نحيه نحيه

راكي باغية تديري الدار و تكوني اسرة أطيعي الزوج تاعك مادام مطلبش حاجة تع حرام

وش من صحاباتي ......

اخطيك يا اختي روحي نحي ليكونت تاوعك و ساعفي راجلك و متتخلايش عليه و اطلبي السماح ومتعاوديش

انا تاني الزوج تاعي طلب مني ننحي الفيس رغم انو يثق فيا و عاطياتو المود باس

و ساعفته ونحيته مخصنيش المشاكل

المهم الهنا

يلا راكي تحوسي على الهنا ساعفي راجلك

وربي يوفقك و يهنيك مع بعض و يجمعكم في اقرب وقت

[غصن البآن]

اذا قالك اذا فتحتي الفايس فانتي طالق ....هنا يعتبر طلاق معلق على شرط ....هو راه يهدد فيك حتى تسمعي لكلامو .... ويا اختي اذا زوجك انسان خلوق و يحبك و طباعو مليحه و متفقين فالمهم فلا تجعلي سببا كالفايس يخليك تخسريه .. و كاين امور قبل الزواج تتغير بعد الزواج ولما تكون عشره بينكم و ثقة كبيرة و يحفظ طباعك ممكن يسمحلك .. و مادام هو من الاول كان واضح معاك سواء كان سلفي او علماني فانتش اخطات لانو المراة لما يحس زوجها انها متقلبه و تعمل واش براسها راح يزيد يزير عليها و ثقتو فيها تكون قليلة

نصيتي انو تعتذري بطريقة تخليه يحس ان رضاه اهم من الفايس...لان الرجال ميجوش بالقباحه

[زبدة ذايبة]

انت واعرة بزاف

وش هذا ؟؟؟؟؟

تختلفي مع اختك تلبسي حوايجك وتخرجي ؟؟؟؟؟؟

اسمحيلي بنات العايلة مايديروش هكذا

غدوة تداوسي مع زوجك أو يغلط فيك وديري وش درتي مع اختك

تأكدي والله مايرجعك

أقل مايقول عليك أنك موالفة بالهملة ، وموالفة خرجت الليل

لذا انتبهي مليح لتصرفاتك

مشكلتك ليست مشكلة فيسبوك فقط بل مشكلة أخرى أعقد

إذا راكي ناوية تبني الدار وتكون عندك أسرة لازم تتحكمي في موجة الغضب اللي عندك

واحد مايقبلك بهذ الطريقة لا السلفي ولا الخلفي

راجل مايقبل كي يتزاعف مع مرتو تهرب من الدار

وغدوة يكون عندك أولاد تهربي وتخليهم !!!!!!!!!!!!

قعدتي شادة في هذاك الخيط تاع نتقلق ومانجيبش خبر

لا لا راكي واعية جدا لتصرفاتك

وشنو هو الدلال الزائد فقط

خلاوك داركم تتصرفي كيما تحبي (أتحدث عن ردة فعلك حتى لاتفهمني خطأ)

لازم تعقلي وتركزي

واحد ماراح يعيش معاك بعد الزواج

والناس اللي كانو رافدين عليك قبل الزواج ويتحملوا أخطائك ويستروا عيوبك رايحة تكوني بعيدة عليهم

أمور كثيرة رايحة تخليهم في دار باباك بعد أن تتزوجي

ورايحة تكوني وجها لوجه مع رجل عندو حقوق عليك

تخدميه ليل ونهار


ورايحة تكوني وحها لوجه مع قدراتك على التحمل وتكون فيها تربيتك وصبرك على المحك

وأي خطأ رايحين يسبوا والديك يقولوا مارباوهاش !!!!!!!!!!!!!!!!

أنا هذا اللي عندي نقولهولك لعل وعسى تفيقي لنفسك

وتراجعي تصرفاتك

أما بخصوص المشكلة اللي كتبتيها تاع الفيسبوك من الأحسن تشوفي مفتي هو اللي يفتيلك في مسائل الطلاق


رب يصلح حالك

[first first]

بغض النظر زوجك سلفي اولا هذا الشيء تفاهمتو عليه من الاول...زعمة قنعك واقتنعتي!!!! وبعد العقد جاية تقوليلو حليتو واش تحب دير دير!!!!!هادا كلام كبير وكون حتى جات السبة كبيرة ...قال عفسة تخص الولدين ...تخص الدين!!!! علا جال التقرعيج في الفايس بوك؟؟؟؟؟؟؟؟؟؟
الاخوة كفاو ووفاو في مايخص اسلوب تعاملك عموما.....طولي بالك وتجاوزي عن التفاهات......كي يطرطلك عرق...مايفيدوك لاصحاباتك تاع فايس بوك ولاغيرهم.
بالتوفيق.....وعادي اختي ماتتخلعيش كلنا لنا اخطاء وعيوب واعصاب ومشاكل....الواحد يصحح نفسو ويشغل عقله وفرات.
ربي يفرج عليك.

[غزلانْ]

أخشى بكتابتك لمشكلتك هذه يكون طلاق معلق يبقى تواصل أيضا
ان أخطأتِ هو أنكِ تراجعتِ عن اتفاق بعد اقتناع
لأن المشكل ليس في الوسيلة بقدر ما تكون في المستخدم

[قدور بن عاشور]

طبعا زوجك و من حقه أن يشترط ما يريد مادام ليس هناك معصية.
لكن لماذا يمنع عنك الفايسبوك؟؟؟؟
و هو هل عنده حساب فيه؟
هل حلال عليه حرام عليك؟
ماذا عن اليوتيوب؟ هل هو حرام كذلك؟

الفايسبوك وسيلة تواصل مثله مثل الهاتف مثل الرسالة الخطية مثل الحمام الزاجل يا بني البشر يا أمة ضحكت من تفاهتها الأمم

[خالد عنابي]

المفروض من نهار لول كيما هو يحك شروطو انتي تحطي شروطك وتتفاوضو وتوصلو لمفاهمة ترضي الجميع


ولو قمتما بذلك لما كان هذا الخلاف

[dali rami]

يا اختي هلكونا جماعة السلفية لاتلفاز لافايس لا راديو


واش ياخو ، حاب تعيشنا في القرون الوسطى

لكل عصر مستجداته واختراعته ويجب على المسلم أن لا ينأى بنفسه عن التطورات الحاصلة ويتحجر ويتقوقع على نفسه

الإسلام يطلب منك أن تنفتح على الآخر وعلى العلوم الأخرى ولكن بضوابط شرعية وضحها القرآن والسنة النبوية


عذرا خرجت عن الموضوع ، ولكن ناقشي زوجك ، وعلى حساب الشوفة أختي راه غير يتسبب ، بدليل مين قلتيلة ننفصل ، قالك كيما تحبي ، السيد متناقض بزااف

ولكن انصحك بالحوار معه بالتي هي أحسن عسى أن يلين الله قلبه


وربي يهنيك أختي

[إنسانة بسيطة]

منعرف علاه الغاشي شد في كلمة سلفي و نسى صلب الموضوع ؟!
مش التلفاز لي جاب المسلسل التركي لي بيه ضاعو لبنات و الفيس تاع خيانة وتعارف
مش نص لي ردوا قبلي كلهم معارضين تبرج و علاقات قبل الزواج ؟! ولا كي عاد فيها سلفي قلبتوا رايكم ؟!!!!!

لا علينا
الا حابة ديري دار و ذراري اسمعي لراجلك والا كنت مشتاقة بلا بلا تاع لبنات اقعديلك حذا الفيس بوك
هاذي حياتك