انا ضائعة

[مشكلتي]

انا امراة متزوجة في ورطة ارجوكم ساعدوني بارائكم لقد تحمست كثيرا لكتابة مشكلتي في هدا المنتدى بعدما رئيت كثير من ناس يتجهون هنا وينشرون مشكلاتهم فاردت انا ايضا ان استشيركم يا دو اصحاب القلوب الطيبة والمنيرة فانا اولا اريد ان اشكركم لانكم تساعدون ناس بدون اي مقابل ولهدا اشكركم كثيرا

وارجو ان تقرئون مشكلتي وتنيروا على طريقي مثلما انروا للكثيرين طريقم

وسوف بدء حكايتي قبل زواجي لحتى تفهمون قصتي جيدا انا فتاة عشت قبل زواجي مع زوجة ابي وابي واخي من ابي واختي من ابي يعني هم اخواني فقط من ابي وكنا عائلة فقيرة وانا وصلت ثالثة سوني حبست قريتي ودرت تكوين المهني . ابي ضعيف شخصية تمشيه مرته كيما تحب حال كثير من الاباء اما زوجة ابي متسلطة انانية تحب اولادها فقط انا كتعاملني مثل الخادمة عشت عيشة دل في دلك البيت نخدم كي الخدامة وماعنديش الحق نهدر زوجة ابي ديما تظلمني وابي لا ينصفني اشتقت انه يدفع علي انسان بصح للاسف غاية لم ادركها ولم اجد حل سوى سكوت يعني ندير جع واش تحب وفمي نخيطه هكدا باش نضمن انه منجيبهاش برا على الاقل ناكل ونرقد لان مهما كان وضع البيت احسن بكثير من الشارع الدي لا يرحم ومبعد كي كنت نقرا فتكوين عجبت واحد شاب دو دين وخلق وطبعا لانني محترمة طلبت من البنت التي يرسلها لي ان يخطبني وبالفعل خطبني ودرنا الفاتحة والعقد وهكدا باه نقدر نهدر معاه ونعرف عقليته وصح عجبني بزاف ولد خجول محترم وعلى رغم من انه فقير جدا الا انه مهمنيش هدا شي لانني لست مادية شي الوحيد الدي طلبته في حياتي وكاندعي فصلاتي انه يكون عندي دار برك انا اكثر واحدة عرفة قيمة دار واش كيسوى لاني في بيتنا كنت ديما نخاف انه تطردني زوجة ابي لشارع وحابة يكون عندي دار نرقد وكتاه نحب ونوض واكتاه نحب نطيب وكتاه نحن ونريح كي نكون مريضة لانه في بيتنا حتى لو مريضة لازم نطيب ونغسل ماعنديش الحق نقول انا مريضة والا راح نسمع الهدرة لمكتفرحش فلازم عليا نكون مثل الالة لمعندهاش حس كنت ديما ندعي ربي يكون عندي دار مااجمل هده نعمة سقف ياويني المهم صبرت على خطيبي وقلتله غادي نصبر حياتي كلها حتى تلقى خدمة لانه مكنش يخدم كي خطبني حبسوه من الخدمة المهم لقيت انسان كيسمعني وكيشوفني بشر عندي مشاعر ديالي وكيسالني على راي ديالي حاجة مزيانة بزاف خطيبي هو اول شخص عملني بانسانية المهم خطيبي هدا فقراء اكثر من الحلنا كيعيشو في شقة مكونة من غرفتين وصالون وكوزينة بصح عايشين في الولاية يعني مدينة واحنا عايشين في قرية في البلدية . ودار خطيبي ضيقة وعنده اخ اصغر منه واختين واحدة كبيرة متزوجة ثانية صغيرة . هديك المتزوجة تزوجت راحت لدار راجلها سكنت مع اهل رالجلها شهر دابزوا وخرجت من عندهم وحلفت ماترجعش لدار اهل زوجها الا اد كرالها رالجها دار بصح راجلها فقير ومرة يخدم مرا ما يخدمش . ولدلك رالجلها لكيروح لدار اهلها . وكانرجع دركا لحالتي ضروري نهدرلكم على اهل زوجي باش تفهموا قصتي المهم انا صبرت على الخطيب ديالي 5 سنين كاملة 5 سنوات خطوبة والحمد الله كي مضت 5 سنين انا لقيت خدمة في ورشة خياطة البسة الجاهزة وفرحت قلت نعاون خطيب ديالي وهو ثاني لقا خدمة قلت درك ربي فرجها عليا وعلى الاقل نكريو دار كي قلت الخطيب ديالي وفق فالاول بصح ولا يقنعني انه نسكن فالاول مع دارهم ومبعد نكريو وانا محبيتش نسكن مع درهم باش مانزعجهمش لانه هما عيلة كبيرة ودار صغير بصح قلت معليش شهر ولا شهرين واش وفيها . حددنا موعد العرس وخطيبي علبالي بلي ماعندوش تنزلت على المهر وعلى العرس وعلى كلشي انا بابا درلي عرس صغير بصح خطيبي عرض برك اقربئهم وبعض الجيران على القهوة برك يعني داروا غير القهوة . المهم جامي غاضني الحال لانه واجبي انه نتازل على هده الاشياء البسيطة مقابل سعادة ديالي تزوجت ورحت لدار زوجي وجهزت لنا حماتي غرفة لانه فالاول كانت غرفة يرقد فيها زوجي مع اخوه . واخوه ناقلوه لصالون . وام زوجي وبنتها المتزوجة والصغيرة في غرفة ثانية واخ زوجي يرقد فصالون فرحت صار عندي غرفة لانه في دار ابي كنت نرقد انا واختي لكانت ديما تزعجني كانت تقرا لحتى الواحدة نتاع لييل بصوت مرتفع ومتخلنيش ننعس . فرحت بالغرفة ديالي بزاف اخير عندي غرفة . وكي نولي من الخدمة قلت في روحي ندخل غرفتي عندي تلفزيون طرت من الفرحة ايام الاولى جازت نورمال ومبعد ناضت المشاكل عجوزتي معجبهاش الحال اني نخدم نهار كامل رغم انني مجبورة نخدم نعاون راجلي باش نكيرو دار هكدا اتفقنا رغم انني انا لكا ندير العشا كل يوم هكداك معجبهاش الحال ترميلي بالهدرة وكي نجي من الخدمة جامعي نلقى الغدا جاممي في حياتها تخبيلي الغدا والو ومرة خلصت جبتلها شوية لحم وشوية فاكهة معجبهاش وقالتلي واشنو هدي الفاكهة المكمشة اكيد رموها فطريق علبيها جبيتها وهدرت هدرة معجبتنيش روحت حكمت غرفتي وهكدا كل يوم ووليت نرد عليها بالهدرة وراجلي نشكيله وكا يزعف مني ويقولي راني تعبان حاب نريح خلعت ديما هكدا يدرلي وبنتها متكبرة ماتهدرش جع معايا وجن جنون كي وصلت مرة لدار ولقيت غرفتي مسكرة بالمفتاح كنطبطب والو ومبعد قلت لعجوزتي شكون لكاين دخل شكون لسكرها فعيطت عليا وقلتلي خلي المتزوجين براحتهم قلتلها شكون مفهمتش حتى شفت اخت راجلي وراجلها خارجين من غرفتي قريب شدتني دوخة وزعف بزاف وعجوزتي قالت هدا داري وماعندكش الحق للاحتجاج وكا جا راجلي قلتلت كون راجل ودير الحد هادي غرفتي ولا كيفاش انا منقبلش راجل ومرا يدخلوا لغرفتي مكنش منها هادي حتى واحد ميقبلها قلتله روح اهدر مع اختك ويماك انا منقدرلهمش وهو محبش اصلا يهدر معاهم فقلته كي عاد هكا غادي نولي ناخد المفتاح معايا للخدمة ونغلقها وقالي بلاكي تديري هكدا ياما راح تزعف و تقدر تخرجنا من دار ولقيت روحي لازم نسكن وهاجس طرد من البيت رجع مرة اخرى لمعندوش زهر ديما يبقى معندوش وانا راني متاكدة بلي ديما اخته وراجلها كيدخلوا لغرفتي ومنحكمهمش برك فهداك اليوم حكمتهم . وولات عجوزتي شحنت علي اكثر وبناتا كاتستتها باش كي نجي من خدمة تفرغ علي وانا قلت خلاص سكتت سكتت لازم نهدر لانه مكنش ليدفع علي ووليت كنرد عليا وكنتخاصموا ولا دار جهنم لا يطاق وزوجي بدل مايدافع علي ولا كي يخرجني انا ظالمة ديما وحتى واحد المرة تخانقنا بزاف وضريتني عجوزتي قدام راجلي وهو ماتحركش وقلتله يااما تكريلي دار ولا نرجع لدرنا فقالني صبرني قلت معليش نصبر شوي ويريتني ماصبرت راجل امه هي لرفضتله انه يكريلي وكل مرة واش يقولي مرة يقولي منقدرش نخلي دارلنا انا راجل دار وشكون ليصرف عليهم وكل مرة واش يقولي قلت معليش شوي شوي بالسياسة غادي نقنعه نزيد نصبر جمعت درهمي على درهمه واجرنا دار وفرحت مع راسي غادي يخلاصوا المشاكل لحتى تفاجئت انه راجلي غير رءيه وقالي بلي هدا دار اجرها لاخته لانه اخته مسكينة متمرمدة فجن جنوني بدراهمي انا وولا كايقولي هكداك الغرفة كتبقا ليا بوحدي وكايحاول يكلخلي كانه المشكل في الغرفة برك في هداك نهار رفدت قشي ورحت عند بنت خالتي لكان دار قريب وقلت نكون معاها بلا مانقول لبابا وقلت بلاك يرجع عقله لراسه وصار يجي ويقولي رجعي لدار بصح انا درتها شرط مانرجعش لدركم اادا حابلي نرجع اكرلي . بصح هو نجي لنقطة الكرا يبدا يبجهالي منا ومنا بصح انا حمست امري منرجعلوش الا اد كرالي وطبعا تدخلت امه وسوستله في راسه وطلقني انصدمت صدمة كبيرة انا لضحكيت بكلش ماجبلي خاتم الخطوبة ولا نتاع زواج مدرلي عرس ماشرلي والو انا لتنزلت على المهر جع هدا شي ماشافوش صاحب الخلق قلت غادي نتهنا زدت مشاكل لراسي وانا لرفضت علجالو الخطاب بزاف وكانوا جع خير منه بصح ليتبع الحب هادي هي اخرته . وياك انا قلتلكم كانخدم في ورشة خياطة وصاحب هده الورشة راجل كبير فسن سنه في ستينات زير نساء مطلق مرتين لاباس بيه بدون اولاد وكنت كانعجبه بصح انا معطيتوش فرصة لانه كان يدور بيا حتى كي كنت مزوجة بصح بنت خالتي قنعتني قالتلي يا الجايحة بلاك غرضه شريف حتى لو كان زير نساء كي يشوفك ثقيلة غادي ينويك لزواج بصح اننا رفضت لاني في داخلي مزلني كنستنى طليقي يرجع ليا وبنت الختي كاتزن في راسي وقالتلي اد رفضيته معنتها غادي ترجعي عند مرت بوك ترجعي لنقطة صفر وكانك مدرتي والو وزيد مطلقة شكون يديك قنعتني فاشترطت على رجل انه يخطبني من بابا از كان صح ناويني للحلال فخطبني وانا خلعت صراحة لانه كنت نفكره ميخطبنيش وبابا مدني كي تزوجت بيه قلت الحمد الله رالجل كبير بصح عنده مميزات اخرى على الاقل غادي نسكن وحدي مكنش عجوزة ولا حتى حاجة قلت اكيد غادي نرتاح منحبوش صح بصح شفت الحب وين داني اما الهناء هي صح وهو عنده طونبيل وعنده شقة من 3 غرف وصالون الحمد الله وحبست الخدمة وعلاه غادي نخدم المهم صار عندي دار نرقد واكتاه نحب ونستيقظ وكتاه نحب ندير واش نحب دار ي فرحت بزاف وزيد فريجيدير ديما معمر لانه هو يحب ياكل صافي يقضي بزاف حاجة مخصتني ولا هكدا ضنيت من ناحية درهم هو ماشي بخيل اي حاجة نحب نشريها يمدلي دراهم شرلي دهب حسيت روحي صح عروسة اول مرة نتزوج وراجلي سكران كي يسكر ويشرب الخمر وعمره ماصلى قلت غادي نقنعه وغادي نبدله يترك سكران ويصلي وزعم فالاول كنت نقنعه على الصلاة وولا زعما كيصليها وشوي شوي يولي يصليها برك احيانا حتى خلاها كامل ديل الكلب ديما معوج مايتسقم . والخمر فالاول كايسمعلي وكايوعدني انه غادي يخليه ومع الوقت وليت كنتشاجر معه بسبب الخمر وسكران بصح هو كايهدنني بطلاق اد حاولن تمنعه على سكران وهو الجسم دياله مكيقدرش على سكران وكل ليلة يسكر حتى يطيح كرهت حياتي سعادة انتهت وقلب جحيم والمصيبة انه ولا دارلي حروف على نقاط في قضية سكران وقالي لو كان نجبدله فالموضوع غادي يطلقني لانه سكران هو حياته هكدا ديما يقووا سكران والخمر هو حياتي منقدرش نعيش بلا بيه قبلي ولا كارهي والباب مفتوح .
وماشي برك هنا المسالة هو زير نساء ولبار مخرجش منه كيصرف بلا شح على تلك نسوة وماشي برك هكدا وصلت به الوقاحة كيجيبلي نساء لدار نساء نتاع البار لدار فالاول كي شفت قمت القيامة وتخاتقنا بزاف ودبزنا ورحت لادر بابا قلت خلاص نطلق خير بصح مرت بابا بدت كتسمعلي فالهدرة وكاتقولي لموالف طلاف ولفه والبنت صالحة مطلقش البنت المليحة تشد دارها مكنش كيفاه معيرتنيش قلت مستحيل نتحملها مرة اخرى ورحت عند بنت خالتي نشاورها كيفاش ندير واد تقدر تخليني معاها لحتى نعرف وين نروح براسي بصح فهمت منها بلي مبفتنيش عندها الحق از بابا امري مكيهموش كيفاش بنت خالتي غادي نهمها لمعندوش امه فدنيا هادي يحسب روحه ماعنده حتى حاجة بصح هي قنعتني قالتلي اد طلقتي تولي طلقتي مرتين شكون ليتزوجك مكنش وغادي ترجعي لدار بوك ومرت بوك تستناك وقالتلي يا الجايحة شدي دارك وساكتي راه يصرف عليك مخلاكش جوعانة مخلاكش عريانة حمدي ربي وهو خليه يدير واش يحب كي يموت انتي لتورثيه يجيبيله شي طفل ولا طفلة وهكدا تضمني روحك ووليت لدار مدلولة ماعنديش وين نروح وقبلت جع شروطه يسكر كيما يحب ويجيب نسا لدار وانا نشوف ونسكت ونروح لدوش نبكي ثما حتى نشبع قلت لازم نجيب طفلة ولا طفل نضمن روحي بيه بصح والو مرفدتش وروحت لطبيبة قالتلي انا سليمة وماعندي حتى مشكل بصح راني شكة بلي هو لميجبش كيفاش يا عباد الله تزوج مرتين ومجبش حتى طفل وزيد هو فوق ستين اكيد هو لميجبش وهكدا نكون خسرت كلش ووليت كانهار معه باه يروح لطبيبة فالاول زعف مني بزاف ومبعد قالها لي ديركت انا كي تمنين دراري ممدليش ربي ودركا طروطار عندي . وكلما نجبله سيرة يزعف عليا قلت لازم ندر خطة اخرى هو محبش يداوي باينة قلت لازم نخليه يكتبلي دار باسمي هكدا اموا اد طلقني غادي هو ليخرج ماشي ويكون عندي دار نسكن فها مع انه متاكدة بلي بابا مش حيقبل نسكن وحدي بصح قلت في راسي غادي نقنعه نجيب خويا يسكن معايا بصح راجلي ضحك بزاف كي قلتله وقالي ماشي انتي وعيلتك لتورثوني عندي اولاد اخي هنا ليورثوني .

ثمة عرفت بلي كع ناس ضاطرين غير انا لنايمة في قشي قلتله حابة برك نضمن حقي فطلاق قالي طلاق الا ادا جبتيه لروحك انا ماغديش نطلقك ادا ريحتيني والارتياح عنده انه نخليه يدير واش يبغي .

يا ناس قوللولي هده عيشة قولولوي واش ندير راسي حبس . نصحوني في وجه ربي انا ضايعة .كيفاش ندير

[الداعي الى الحق]

لقد كملت قراءة مشكلة بشق انفس طويلة بزاف بصح كان واجب عليك انك تحكيها كاملة حتى نفهموك مليح واش نقولك باين عليك راكي تسوفري ولدلك انا ننصحك تصبري برك مع راجلك وننصحك تتبني ولد وتقنعيه بالتبني رغم انني متاكلد انه ميقبلش بصح اقنعيه بلي انتي محتاجة لولد وبلي مراكيش عارفة واش يصير وهادي دنيا حاولي معاه ودخلي اصدقائه ولا شي واحد كيثق فيه يقنعه اد اقتنع حاجة مليحة بزاف ودا مقتنعش معرفتش واش نقولك لانه يقدر يطلقك في اي لحظة و بصح لو كان يصراله حاجة غادي تولي وحدك وترجعي ثاني عند باباك . وادا خليتيه غادي تولي ثاني لمرت باباك مهما درتي مصيرك غادي تولي عند مرت باباك ولدلك من الاحسن انكي تطلبين طلاق وترجعي عند مرت باباك وبلاك مرت باباك ولا اي احد يساعدك ويجبلك عريس حتى لو عجوز المهم يكون متقي ويخاف الله وهكدا تضمني دار تعيشي فيها وحتى ولد شكون عارف

ونصيحة اخرى بنت خالتك اقطعيها وماتهدريش معها لانها هي التي تضيعك مافقتيش بيها اكيد راهي تغير منك .

[بناتي نور العين]

لا حول ولا قوة الا بالله اسئل الله ان يرفع عنك حزك و يزيل جميع همومك

انصحك يا اختاه ان تبتعدي عن هذا الرجل الوسخ مهما كلفك الامر

من قال لك انكي لن تتزوجي مرة ثانية فالله يقدر عل كل شيء فقط لا تسكتي على الحرام

هذا الرجل زان ظالم دكتاتور اسئل الله له التوبة و الهداية

انت في ذل يا اختاه

تطلقي و استعيني بالله

اسئل الله ان يرزقك زوجا صالحا ينسيك كل همومك

[الأصيــل]

أختي أحيي فيك صمودك وصبرك وعدم تنازلك عن الشرف .. فرغم ما حدث لك ورغم ما لاقيتيه من ظلم إلا أنك تصارعي من اجل حلمك الذي هو حقك الطبيعي في الحياة .. لكن نصيحتي لك هو أن تتمسكي بالله وحده .. اتركي هذا الزوج يفعل ما يريد و اهتمي بنفسك أكثر .. تواصلي مع الله وحده صلاة وقراءة القرآن وتعلمي دينك وعاملي زوجك بالحسنى واكثري من الدعاء فالرجل يتاثر بزوجته حين ياراها متمسكة بالدين وسيظطر إلى التوقف عما يفعله مع الايام صدقيني
وربما سيتغير حاله إلى الأحسن .. لكن ما آلمني حقا هو كلمتك عن الأم فعلا من ليس له أم وخاصة الفتاة فقد الكثير في هاته الحياة لكن تأكدي أنكي هنا بين اخوانك وأخواتك نسمع لكي وننصحك ونقدم لكي ما نستطيع على قدر المستطاع ففي المنتدى من هي في مقام أمك فلا تيأسي أبدا .. فعلا فقدتي أمك لكن عوضك الله بأمهات وأخوان وأخوات في هذا المنتدى يحتضنونك ويواسونك ورب أخ أو أخت لم تلدها أمك .. ربي يوفقك ويفرج عليك

[11111]

أولا : انا لله أو انا إليه راجعون

ثانيا : المسؤلية كل المسؤلية على والدك

ثالثا : شجارك مع زوجك الأول وطلاقك منه كان أكبر خطأ ، فإين المشكل إن صبرت مع والدته فهي لن تخلد وعندما يشتد بها الكبر فسيموت مكرها وكيدها

رابعا : أين هو دينك !! هل أصبح هين إلى هده الدرجة ؟ تتزوجن بمدمن خمر وزاني وفوق دلك تارك للصلاة

وقد رأى جمع من الفقهاء أن نكاح تارك الصلاة باطل أي أن علاقتك معه زنا !!

فما هدا الدي وصلت إليه !! أعلم أن ظروفك صعبة جدا وربي يكون معاك ولكن لا يجب أن تفرطي في دينك بهده السهولة فإن الدنيا فانية !!

الآن أقول لك : الطلاق ، الطلاق ، الطلاق

لا تبقي مع هدا الرجل ، ومادمت تعملين فتستطيعٍين كراء منزل ، ولا بأس بأن تعرضي نفسك على الرجل التي ترينه صالحا ودلك عن طريق محارمه خاصة إن كان مطلق أو أرمل

[kacimo.samy]

سلام
قريت مشكلتك صباح وزدت كملتها عشية
مشكلة صح
ونتي تزوجتي بالثاني بلا ما تسقسي ؟؟
قليل لي تتنازل هكذا خاصة مع الاول
يا اخت كاين لي مايستاهلش
المهم هذا زير نسا حسب شريعة اسلامية ماتزيديش نهارمعاه
اذا كان ما يصليش حرام تبقي معاه
إذا تزوجت امرأة برجل لا يصلي، أو تزوج رجل بامرأة لا تصلي فإن النكاح بينهما باطل لا تحل به المرأة،
لأن تارك الصلاة كافر كما دل على ذلك كتاب الله، وسنة رسوله صلى الله عليه وسلم، وأقوال الصحابة رضي الله عنهم،
وعلى هذا فلا يحل للمسلمة أن تتزوج بشخص لا يصلي ولا يحل للمسلم أن يتزوج بامرأة لا تصلي،
لقوله تعالى في المهاجرات: {فَإِنْ عَلِمْتُمُوهُنَّ مُؤْمِنَاتٍ فَلا تَرْجِعُوهُنَّ إِلَى الْكُفَّارِ لا هُنَّ حِلٌّ لَهُمْ وَلا هُمْ يَحِلُّونَ لَهُنَّ} [سورة الممتحنة، الآية: 10]،
فمن تزوجت برجل لا يصلي فهي حرام عليه، ويجب عليها أن تمنعه من نفسها وتحاول التخلص منه بقدر ما تستطيع،
فإن تاب وصلى وجب إعادة العقد من جديد إن رضيت الزوجة بذلك.
أما إذا تزوجت برجل يصلي ثم ترك الصلاة فإن النكاح ينفسخ ولا يحل لها أن تبقى معه ولو كان لها أولاد منه،
لأن أولادها في هذه الحال يتبعونها ولا حق لأبيهم في حضانتهم، لأنه كافر، ولا حضانة لكافر على مسلم،
فإن هداه الله تعالى وصلى عادت إليه زوجته على حسب التفصيل المعروف عند أهل العلم.

ربي معك

[أم شهد*]

ربي يعينك على الشي لي راكي فيه ادعيلو بالهداية واكثري من قيام الليل واقري سورة لبقرة يوميا فيها فرج كبير ونصحتي ليك قرر الطلاق صعب في حالتك على ذيك قبل وتبقاي معاه ثاني مشكلة نصحتي ليك صلي صلاة الاستخارة ولزم تولي قوية متخليش اي حاجة تهزك ومش اي حاجة تفكري فيه ولا تولي حابة تديرها تقولهالو متخليش روحك كتاب مفتوح ليه ولازم متبينلوش بلي معندكش وين تروحي ولا ضايقة بيك الدنيا بالعكس قولو كاين ربي لي يتولني برحمتو متكملش الدنيا عندك وارجعي لخدمتك ولا ديري مشروع خاص بيك هذا اخسن راي
اذا نجح مشروعك تقدري انت تدير دار لروحك بل متحتجه هو و كي يموت راجلك حتى ومتعرفي لا عندو لا عندنا الرزاق راه ميموتش فهمتي قصدي

[خالد عنابي]

عجبوني مجموعة الفقهاء المفتين يجوز ولا يجوز



كم هي رائعة النظريات


ولكن هل فهمتم واقعها اولا ؟


المرا ضعيفة ومستضعفة من كل الجهات تقريبا قولو خيرا او اصمتو


المهم بالنسبة للاخت صاحبة الموضوع :


للاسف هذه هي الدنيا لا ترحم احدا ويلزمك تشوفي لمصلحتك


بنت خالتك راهي وقفت معاك بالشي لي تقدر عليه وللمساعدة حدود يعني ميلزمش تكثري عليها با ماترفعش الراية البيضاء


للاسف زوجك الاول انسان حقير لانه خلى امو تحكم فيه وتتجاوز كل حدودها واكل دراهمك ولم يقم بواجباته يعني ماهوش راجل وخلي يتزوج بامو وخلي تنفعو
طحتي مع زير النساء السكير مع الاسف الشديد
المهم طالما هو شايف مصلحتو وشايف حياتو يلزم تشوفي انتي ايضا مصلحتك وتستفيدي منو max وتشوفي كاش خدمة وتبعدي عليه
ماتعوليش يتعدل بعدما فاق الستين اصلا من فات الاربعين ولم يتب يسمى فيه شك كبير ومن شب على شيئ شاب عليه

[um hajar]

اللهم فرج كربها وأزل غمها وأنر طريقها وخلصها مما هي فيه بأحسن حل .
والله هذا ما لقيت باش نقولك يا ختي
ربي معااك��������

[آسيا 25]

لا حول ولا قوة الا بالله العلي العظيم
أنا مع الأخت التي قالت حاولي إيجاد مشروع تعملين عليه و أضيف من عندي إعملي على الحصول على بعض الشهادات من مراكز تكوين طالما زوجك لا يبخل عليك بشيء لعلك تحتاجينها يوما و أطلبي منه المال و ادخريه باسمك في البنك, و لا تنسي الدعاء لله و الثقة في نصره و عدالته, ربي يفرج عليك أختي.

[الداعي الى الحق]

المشاركة الأصلية كتبت بواسطة خالد عنابي

عجبوني مجموعة الفقهاء المفتين يجوز ولا يجوز



كم هي رائعة النظريات


ولكن هل فهمتم واقعها اولا ؟8


المرا ضعيفة ومستضعفة من كل الجهات تقريبا قولو خيرا او اصمتو


المهم بالنسبة للاخت صاحبة الموضوع :


للاسف هذه هي الدنيا لا ترحم احدا ويلزمك تشوفي لمصلحتك


بنت خالتك راهي وقفت معاك بالشي لي تقدر عليه وللمساعدة حدود يعني ميلزمش تكثري عليها با ماترفعش الراية البيضاء


للاسف زوجك الاول انسان حقير لانه خلى امو تحكم فيه وتتجاوز كل حدودها واكل دراهمك ولم يقم بواجباته يعني ماهوش راجل وخلي يتزوج بامو وخلي تنفعو
طحتي مع زير النساء السكير مع الاسف الشديد
المهم طالما هو شايف مصلحتو وشايف حياتو يلزم تشوفي انتي ايضا مصلحتك وتستفيدي منو max وتشوفي كاش خدمة وتبعدي عليه
ماتعوليش يتعدل بعدما فاق الستين اصلا من فات الاربعين ولم يتب يسمى فيه شك كبير ومن شب على شيئ شاب عليه

احسن رد كﻷام واقعي
للاخت صاحبة المشكلة انتي قلتي بلي هو ميبخلش عليك املا اطلبي بدراهم وادخيرهم فالبنك. باش تلقيهم سند اما سرقة مانصحكش بيها الحرام بين والحلال بين

[الداعي الى الحق]

هدوا الفقهاء لكايقوللها جلوسك معه حرام وكاين لتهمها بزنا ياخاوتي طالما ماتعرفوش تهدروا علاه راكم تمدوا فنصائح راكم تديو غير دنوب سكوت احسن لكم

ولقال تارك صلاة كافر وشكون لخلاه كافر انتوما سبحتن الله راكم تقهموا بالمقلوب

هي قالت راجل مايصليش يعني هي تزوجتوا وهو لايصلي ومبعد قنعته يصلي ومبعد ولا يصلي مرات ويقعد مرات ومايصليش ومبعد تخلى عليها كليا
وقبل ماتحكوا على تصرف شخص شوفوا الاسباب لخلته يتصرف هكداك
فالاول كي طلبت منه هو حاول يرضيها هي يعني هو مصلاش لانه حاب يصلي واقتنع بصلاته وماوجهاش لربي العالمين ولا وجهها لنفسه انما كان كل هدفه يرضيها حتى ماتخليهش ومبعد كي بدات تبينله خوفها من طلاق وبلي هي وحيدة ومعندها حتى واحد كشر نيابه وترك صلاة لانه عارف بدخله بلي هي لمحتاجته كثر وفهم بلي هو دارته مستقبل في حياتها وولا يدير واش يحب لانه عارف انها ماتطلقش منه

[ابو سليمان10]

سبب كل هذا النساء من البداية الى النهاية...لهذا هم اكثر اهل النار

[إنسانة بسيطة]

مشكلة معقدة لا يمكنني المساعدة الا بالدعاء لك

اعجبني سردك الممل للمشكلة اتمنى ان ياخذ الاعضاء بعين الاعتبار هذه النقطة فسطرين لا يلمان بالمشكل و بالتالي تكون المساعدة مبتورة

[فرج الله]

والله ربي يكون في عونك راكي تعاني تاع الصح وربي يفرج عليك عاجلا غبر اجل