الى كل من فقد الامل

loulou.kati2 · 2016-03-10, 20:18

السلام عليكم اخواني
البكالوريا هي مجرد امتحان جد عادي هادي لازم ماتنحيوهاش من بالكم مرة و لازمكم الثقة في انفسكم علاه لي داوه قبل خير منكم و لا صعيب عليكم متنجمولوش لالا الناس كامل تخلع فيكم بكلمت الباك الباك الباك راهوا مجرد امتحان عادي جدا كي تنجحوا فيه يولي يبانلكم تافه جدا مقارنة بالخوف لي كان عندكم انا نقلكم اخواني الطلبة راااهوا مازال الوقت و مازال مافتكمش الحال خلاص كاين لي قرا في شهر و داه لازمكم تحفزا رواحكم برواحكم اغلقوا بابا الغرفة و اتحداو انفسكم وتخيلوا غير الناس لي يكرهوكم و حاقرينكم و مبغاوش تنجحوا فالباك حاجة باينة في بلادنا الشفاية كتر من العزاية كيما يقولوا ناس زمان ملا شدوا الهمة و ابداو من دوك مش غدوة ابداو حتى بمراجعة بسيطة هكا تتفتح ليكم الطريق الى النجاح لازم ماتفشلوش و لازم تتعبوا حاجة باينة مش رح تنجحوا من الرقاد و القعاد هيا شدوا الهمة و انطالقوا راهوا اي واحد قادر ادا حب انا نقول ادا حب بالنسبة للعلمييين لازمكم تحلوا اكبر عدد ممكن من التمارينات خاصة في المواد الاسساسية هكا راح تلقاو رواحم واجدين ربي يوفقنا واياكم

الشاوية98 · 2016-04-09, 22:37

merci bcp
kont ma7tajetha bzf lhadra hadi
nchlh nanj7ou kamel ya rabi

صَــــآابْرِيــنَــ~ · 2016-04-10, 17:28

مشكوورة أختاه على النصح

موفقين جميعا ان شاء الله

moh-1 · 2016-04-26, 12:06

مشكورة اختاه على النصح

Mei Mayouma · 2016-04-26, 19:26

مشكورة اختاه على النصائح

Mahmoud88 · 2016-05-27, 14:35

دوكا خلاص تفرت علينا