** وصفات الشاف مصطفلى بسعدي بإذاعة الشلف **متجدد كل يوم أربعاء بإذن الله *

[أم عاتكة]

يعطيكم الف صحة و بارك الله فيكم

[yarasmin26]

اليكي وصفة كرام ديسار تاع مصطفى
خلطي كل شيئ بارد في بارد{2 كوب حليب+رشة زنجبيل+حبة موز مقطع قطع صغيرة+4 م ك+1/2 تاع مايزينة+4 م ك سكر+ حلوة الترك خلطي كل شيئ ومنبعد ديري فوق النار ختى يثقل ويقدم في اكواب ويترك يرتاح خارج الثلاجة30 د ثم يوضع في الثلاجة

[faizarbh]

يعطيك الصحة ياسمين يبان يشهي جاري التجريب ان شاء الله

[الصوامعية]

شكرا فايزة بارك الله فيك

[omaymen]

يعطيكم الصحة

[تالا تسنيم]

يعطيك الصحة حبيبة على المجهود................. ربي يهنيك و يسقم سعدك............... تعيشي

[ورد قسنطينة]

win le chef radio donner le signiale je suis constantine

[ورد قسنطينة]

اعطيني سينيال الاذاعة من فضلكم انا من قسنطينة

[faizarbh]

اسمحيلي اختي ما شفتش ردك هادي هيا الفريكونس تاعها فالتليفوين
11056 h /23700 3/4

[ام يمينة]

مشكورة اختي على المجهود
فكرتك روعة وانت اروع

[faizarbh]

وصفات يوم الاربعاء 27/03/2013
شوربة السلق:

نص كاس مرمز + صدر دجاج مقطع مربعات صغار+ ربطة صغيرة كرافس+ نص حبة بصل رابي + حبة طماطم + حبة جزر + مغرف اكل زبدة.
في قدر نضع الدجاج و الكرافس و البصل و الطماطم كاملة و جزرة كاملة دون تقطيع و الزبدة و التوابل : ملح و فلفل و نقلي على نار هادئة مدة 30د بعدها نزيد المرمز و ربطة سلق مفورة و مقطعة و نقلي 5د ثم نمرق عليها و نخليها 20د ثم ننزع الخضر و نرحيهم و نرجعهم للقدر(الطماطم و الجزر فقط) و كي نطفي ندير صلصة المعدنوس.
عندنا 3 صلصات و مصطفى دار منهم واحدة و هيا تاع المعدنوس .
الصلصة الاولى: ملعقة بيشاميل + جبن و نحركهم على نار هادئة 3دقائق.
الصلصة الثانية: صلصة المعدنوس: 2 ملاعق أكل بيشاميل و ربطة صغيرة معدنوس + نص مغرف ثوم بوردة+ مغرف صغيرة طماطم مصبرة.
الصلصة الثالثة: 4 حبات زيتون رابي + 2سنين ثوم رابي + مغرف كبيرة عصير ليمون + مغرف كبيرة زيت زيتون + كمون+ فلفل + ملح + مغرف صغيرة طماطم مصبرة.
هادو صلصلات فرنسية


تحلية بحلوة الترك:

2 كيسان حليب بارد + 4 ملاعق و ربع مايزينة + مغرف صغيرة سكنجبير بودرة + 8 ملاعق أكل سكر حوالي 80غ + 100غ حلوة ترك + نص حبة موز مقطعة مربعات صغار .
في كاسرونة نحط الحليب و السكنجبير و السكر و حلوة الترك مفتتة و الموز و نديرهم على النار مدة 10 د حتى يعقد و يثقل ثم نفرغهم في كيسان تاع التقديم او تاع الفلان تريح نص ساعة و نديهما فالثلاجة و كي تبرد نزينها بالكريم شانتيي.


سلطة مفورة بالدجاج:

صدر دجاج مقطع مكعبات و نفوروه بالملح و الفلفل و نخليه يبرد شوية ثم ندير مغرف زبدة في مقلاة و نحمر فيها الدجاج مدة 5د .
في كاسرونة ندير 2 حبات جزر مقطع مربعات+ نص كاس جلبانة + ملح و فلفل و نديرهم فالماء نص ساعة ثم انحيهم و نفورهم ، من جهة 6 ملاعق أكل أرز بسمتي و نفوروه 20د ثم نرشوه بزيت نكونو قلينا بيه من قبل مالازمش يكون جديد يعني كي يبدا يفور نرشوه.
في ليان ندير نص حبة خيار مقطع مربعات ، نص طماطم مربعات.
من جهة اخرى نوجد وريقات سلطة مقطعة شرائع على الطول .
ايضا 4 ملاعق أكل مايونيز ، 3 أوراق نعناع مقطع رقيق، و نخلطوهم جيدا.

يتبع

[أم شيماءْ]

شكرا فايزة تعبناطك معانا

[omaymen]

رائعة انت يا فائزة
الله يجعلها في ميزان الحسنات

[ام لقمان02]

فايزة اختي يعيشك اعطيني الصلصة الفرنسية لداره مع الشربة الحمراء و شكرا

[faizarbh]

المشاركة الأصلية كتبت بواسطة ouricia

شكرا فايزة تعبناطك معانا

تعبكم راحة عزيزتي

المشاركة الأصلية كتبت بواسطة omaymen

رائعة انت يا فائزة
الله يجعلها في ميزان الحسنات

انتي الاروع حبيبتي

المشاركة الأصلية كتبت بواسطة ام لقمان02

فايزة اختي يعيشك اعطيني الصلصة الفرنسية لداره مع الشربة الحمراء و شكرا

اختي ام لقمان و الله ما سمعتها مليح على داك ما كتبتهاش راني نستنى في ياسمين تدخل و تقولي واش دار فيها