** وصفات الشاف مصطفلى بسعدي بإذاعة الشلف **متجدد كل يوم أربعاء بإذن الله * - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات

قسم الطبخ و المأكولات لتبادل الخبرات في مجال الطبخ والأطباق المتنوعة الجزائرية و العربية ...

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

** وصفات الشاف مصطفلى بسعدي بإذاعة الشلف **متجدد كل يوم أربعاء بإذن الله *

إضافة رد
 
أدوات الموضوع انواع عرض الموضوع
قديم 2013-02-09, 13:12   رقم المشاركة : 1
معلومات العضو
faizarbh
عضو برونزي
 
الصورة الرمزية faizarbh
 

 

 
الأوسمة
المرتبة الثالثة 
إحصائية العضو










B10 ** وصفات الشاف مصطفى بسعدي بإذاعة الشلف **متجدد كل يوم أربعاء بإذن الله *تم اضافة وصفات جديدة






أخواتي الكرام في هذه الايام جاتي فكرة اني نحط موضوع لوصفات الشيف مصطفى اللي يجي في إذاعة الشلف بعدما شفت وصفاتو الرائعة و الناجحة و الكل يطلبوها ، و بإذن الله الموضوع راح يكون متجدد كل يوم أربعاء لانو يقدم وصفاتو يوم الاربعاء على الساعة 10.00 صباحا
و ان شاء الله كل ما نجرب وصفة راني نرافقهالكم بالصور جربت البعض لكن للاسف ما صورتش لاني ماكنتش نخمم ندير موضوع لوصافاتو لكن قلت نفيد عزيزاتي مثلما استفدت انا
إذن من اليوم راح نبدا نحطلكم الوصفات و ماذابيا كل اخت ايلا جربت وصفة من الوصفاتي اللي نحطهالكم و ما نكونش مرافقتها بصور بعدما اجربها تحطلنا الصور و بدوري انا نحطها امام الوصفة و ان شاء الله نتعاونوا كلنا و نستفادوا من هاذ الوضوع
بسم الله رايحة نبدالكم بالصابلي لاني جربتو البارح و صورتو

فهرس الوصفات:

وصفات يوم الاربعاء 12/02/2013 موجودة في
الصفحة رقم : 4


https://www.djelfa.info/vb/showthread...1211716&page=4

وصفات يوم الاربعاء 20/02/2013 في الصفحة رقم 6

https://www.djelfa.info/vb/showthread...1211716&page=6
وصفات يوم الاربعاء 27/02/2013 في الصفحة رقم 08

https://www.djelfa.info/vb/showthread...7#post13144337

وصفات يوم الاربعاء 06/03/2013 في الصفحة رقم 09

https://www.djelfa.info/vb/showthread...5#post13218395


وصفات يوم الاربعاء 13/03/2013 في الصفحة رقم 11

https://www.djelfa.info/vb/showthread...9#post13315739
وصفات يوم الاربعاء 20/03/2013 في الصفحة رقم 12

https://www.djelfa.info/vb/showthread...3#post13364743

وصفات يوم الاربعاء 2013/03/27 في الصفحة رقم 13

https://www.djelfa.info/vb/showthread...211716&page=13
وصفات يوم الأربعاء 2013/04/10 في الصفحة 14

https://www.djelfa.info/vb/showthread...post1052227594


وصفاتت يوم الأربعاء 24/04/2013 في الصفحة رقم 16

https://www.djelfa.info/vb/showthread...post1052395583

وصفات يوم الأربعاء 01/05/2013 في الصفحة 18

https://www.djelfa.info/vb/showthread...post1052629347

وصفات يوم الأربعاء 08/05/2013 في الصفحة 18


https://www.djelfa.info/vb/showthread...post1052629347


وصفات يوم الأربعاء 05/06/2013 في الصفحة رقم 20

https://www.djelfa.info/vb/showthread...post1052953213




وصفات يوم الأربعاء :2013/02/06
**صابلي سهل و اقتصادي**

3 كيسان آتاي زيت
3 كيسان آتاي سكر عادي
3 حبات بيض
1باكي خمارة كيميائية
مغرف قهوة فانيلا
قشور ليمون و ملون غذائي أحمر
فرينة حسب الطلب
نخلط جميع المقادر و ضيفي الملون ثم الفرينة حسب الحاجة حتى تتلم العجينة

ثم شكلها كويرات متساااااااوية الحجم ثم نبسطها على راحة اليد ثم نغطس الجزء الفوقاني فالسكر نم بواسطة كاس صغير تاع آتاي نشكل هليلات تابعوا الصور تفهموا








ثم نحطهم في صينية الفرن المرشوشة بالفرينة ثم ندخلهم للفرن و كي يطيبوا نخرجهم و نلصق كل اثنين بالمعجون ثم نرش عليه شووووووووووية سكر قلاص و نقدمهم




و هذا الشكل النهائي ننصحكم اجربوه خفيف و لذيييييييذ و بمكونات بسيطة





gateaux les bouffons****

يتباع عند بائعين الحلويات
مسكوتة عادية و نقطعها دوائر ايلا كانت خشينة فالسمك نقسمها على اثنين من الوسط و ايلا كان السمك تاعها رقيق كيما بيسكوي رولي نلصق اثنين
لصق الجزئين بأي كريمة تحبيها شانتيي أو شوكولا او نيسلي ُ ثم نرش عليها سكر قلاص أو كاكاو
فكرة شابة للمسكوتة أنوعوا شوية



**بيسكوي غولي**

180 غ سكر عادي
180 غ فرينة
3 او 4 حبات بيض
و نضرب الكل جيدا و نطيبوه عادي في سنيوة مسطحةتاع البيسكوي رولي
ثم كي يطيب نلفوها في سربيتة مندية نخلوه فيها مدة 15 د ثم نديرلو المعجون أو أي كريمة و لفها و قطعوه .




**تحلية لاموستي **
2 بياض بيض يكون حبات صغار
قرصة ملح
6 مغارف كبار سكر عادي
60 غ زبدة توريق ذايبة
60 غ فرينة بحوالي .6 ملاعق أكل معمرين
للتزيين : كرام فراش او شانتيي أحسن و بعض الفواكه المشكلة مقطعة مربعات و بعض المكسرات
التحضير : نطلع البياض مع قرصة ملح جيدا، نفرغ السكر الواحدة تلوى الاخرى ثم نضيف الزبدة ثم الفرينة بالتدريج و تولي العجينة كيما تاع البغرير و الكريب
ندهن صينية الفرن بزبدة التوريق و نتركها تجمد ثم بملعقة أكل ندي الخليط و نحط مقدار المغرف و نبدا نمشي فيه على شكل دائريقطره من 9 حتى 10 سم ثم نزيد نصنع اخرى و هكدا حتى تتعمر الصينية ثم ندخلها الفرن أطيب حتى تولي ذهبية اللون ثم نخرجها من الفرن و مباشرة نحكم كاس آتاي نقلبوه من القاع و ندير خبزة تاع الموستي على القاع و نضغط عليها و نلمها على الكاس و نخليها 5د ُم انحيها من الكاس و يصبحا شكل خبزة الموستي على شكل كاس و هكدا نديرو مع البقية كي نكملوهم كلهك نحط داخلهم مقدار من حشو الكريمة الشانتيي ثم نزيد طبقة فواكه مقطعة ثم نرشها من فوق بالمكسرات و تقدم.




** طاجين المبشة **
طبق تقليدي كانو يديروه الشاويين قبل دخول الاستعمار الفرنسي لبلادنا
أطراف دجاج
2 حبات بصل مقطع مربعات
ملح . فلفل . فلفل عكري . فلفل ادريس . شوية راس الحانوت . 2ملاعق أكل زبدة حرة . شوية زعتر جاف
2 ربطات سلق مقطعين متوسطين و مفورين مدة 30د .
5 حبات بيض تاع جاج عرب
مقادير الصلصة :ملعقة أكل زيت زيتون،ملعقة أكل زبدة،فنجال شاي عصير ليمون ، شوية حبق مطحون و نخلطهم.

هاد الاكلة لازملها اطيب في طاجين فخار على نار ضعيفة و على طابونة مدة 3 ساعات ونص و ايلا ما عندكش طاجين فخار طيبيها فالكوكوط
التحضير
فالطاجين ندير الجاج و البصل و 2 مغارف زبدة و نقلي مدة 15د على نار هادئة ثم نفوح بالتوابل اللي راهم فالمقادير و شوية زعتر جاف و نخليهم يزيدو يتقلاو 10د بعدها نمرق ب 2 كؤوس ماء ساخن و نحرك ثم نخليهم يطيبوا .
السلق اللي فورناه نديروه في صحن تاع طين أو قصعة طين و ندعكوه بالكف حتى يترحى و يولي كالعصيدة و نديرولوا نفس التوابل اللي درناهم للدجاج و نخلطهم و نديرهم على شكل خبيزات كيما المعقودة و نخلوهم يرتاحوا
لما يطيب الدجاج و تنقص المرقة تاعو نحكم خبيزات السلق و نديرهم فوق الدجاج ثم نحكم البيض و نضربوه مليح بفرشيطة و نفرغوه على السلق و الدجاج و نجيب قدر تاع اينوكس اللي نطيبو فيه العادي و نقل فيه الاكلة يعني من طاجين الفخار نقلب الاكلة على طاجين الحديد و هنا تولي الاكلة على الشكل التالي البيض من تحت و يزيد السلق و يزيد الدجاج و خلوه يطيب 7 د ثم فرغ عليه الصلصة .

و يقدم




يتبع








 


رد مع اقتباس
قديم 2013-02-09, 13:13   رقم المشاركة : 2
معلومات العضو
faizarbh
عضو برونزي
 
الصورة الرمزية faizarbh
 

 

 
الأوسمة
المرتبة الثالثة 
إحصائية العضو










افتراضي



وصفات يوم الاربعاء :2013/01/30



** غراتان بالدجاج **
وصفة فرنسية
2 صدر دجاج مقطعين مربعات ، باقة معدنوس صغيرة ، فلفل و ملح نرحيهم فالروبو مليح و نزيدلهم ملعقة أكل مايزينة و مغرف زيت و نعجنهم مليح .
كيلو بطاطا مقشرة ومقطعة دوائر و مفورة مع ملح و فلفل .
في مقلة ندير 2 حبات بصل مقطعة شرائح و ندير 3 مغارف كبار زيت و الفلفل و الملح على نار هادئة مدة 10 د بعدها نرمي فيها عجينة الدجاج و نخليها تتقلى حتى يولي لون الدجاج أبيض .
نحضر صوص بيشاميل حوالي كأس فقط ثم نحيها من النار و خليها تبرد شوية و ضيفلها 3 صفار بيض + 150غ جبن أحمر مبشور.
في مول الفرن الخاص بالغراتان ندير نصف كمية البطاطا المفورة يعني حوالي رطل ثم ندير عليها خليط الدجاج كطبقة ثانية ثم نضيف طبقة البطاطا اللي بقاتلنا ثم ندير فوقها البيشاميل يعني من فوق على الوجه و البيشاميل اجي عاقدة مشيها بمغرف و نرش عليها من فوق شوية جوزة الطيب و ندخلها للفرن مدة 20د حتى تحمار.


** سوفلي **

رطل فرينة
مغرف قهوة ملح
فنجال شاي زيت
2 ملاعق أكل خمارة خبز
2 ملاعق أكل لحظة
حبة بيض كاملة
نخلط كل المقادير بالمائ دافئ و نخلوها ترتاح
الحشو: نطيب قطع مرقاز و نقطعهم و نديرهم مع صوص طماطم حتى يمتازجو و نشكل العجينة تاع السوفلي و ندير شوية مرقاز مع صوص طماطم ثم جبن و نغلق عليها و من فوق ندير ثقب صغير و ندخل فيه حبة زيتون أسود و نطليها بصفار بيضة ثم نرش عليه شوية سميد حرش و ندلها للفرن اطيب.
هذا تطبيق الاخت
الكروان الجريح



** الكاشير **
3 مغارف أكل أرز مغلي
رطل les abats de poulet مقطعين مربعات صغار و نغلوهم ثم نرحوهم و نزيدلهم 3 مغارف أكل زيت و شوية زيترة و ملح و فلفل و راس الحانوت و ملون أحمر و الملون نحلوه في شوية زيت باش نضيفو ثم نرحي الارز و نزيد نخلطو معاهم و زيد للخليط 4 ملاعق خبز يابس مرحي كيما قلت نرحو الكل مع بعض ثم نضيف فنجال زيتون أخضر مقطع دوائر و ندير الخليط في ساشي تاع سباقيتي و نعقدوه ملييييييح و نطليها بالزيت من برا ثم نديروه في حمام مائي فيه ملح و خل و ندخلوه للفرن مدة ساعة و 10دو كل 10د نقلبوه علي جيهة ثم ننزعوه و نلوه يبات ليلة كاملة ثم نقطعوه و نقدموه .


** حساء العدس بكرات السمك **

حبة بصح مقطعة مربعات
5 سنينات ثوم مقطعين رقيق
ملح . كمون . كروية . فلفل عكري .
باقة كرافس
6ملاعق اكل زيت
ملعقة اكل طماطم مصبرة
2 قطع جامبو ذوق سمك
3 حبات جزر مقطعين مربعات
حبة قرعة مقطعة مربعات
حبة بطاطا مربعات
نضع الكل في قدر ثقيل او كوكوط و يكون عالي و نقليهم مدة 20د و نقدرو نضيفو معاهم حبة طماطم او نصف هدا اختياري و تكون مرابية .
في هاد الاثناء نغسل العدس بالماء الساخن مقدار رطل و من الاحسن يكون ذو لون أخضر ثم نصفيه و نحطوه يتغلى فالماء + نص حبة ليمون مدة 20د يعني يطيب نص طياب .ثم نصفيه و نديروه فالقدر مع المكونات الاخرى 10 د اخرى يتقلى معاهم و نضيفلو الماء و نخليه يطيب.
في هذه الاثناء ندير نحكم رطل سردين ننزعلو العظم و نقطعوه مربعات صغيرة و نديروه في ليان تاع طين + حبة بصل مرابية+ ملح+ كمون + كروية + فلفل عكري + مغرف سميد حرش + مغرف فرينة و نبدا ندعك فيه ثم نشكلوه كرات اي بولات متوسطين و كي يبدى العدس يغلي و يكون دخلو الطياب نرمي فيه البولات تاع السردين و نفوج الغطاء شوية على القدر باش يدخل الهواء مدة نص ساعة و نطفي .


** حلوة المشقق **
3 كيلات كوكاو مرحي رقيق
2 كيلات سكر قلاص
3 حبات بياض بيض
مغرف صغيرة فاني
نص مغرف قهوة خمارة حلوة
ملون كيما تحبي
عطر فاني
للتزيين شوية سكر قلاص و كمشة كوكاو مدشش
في إاء نخلط الكوكاو و الفاني و السكر و نزيد الخمارةثم البيض واحدة بواحدة و البيض الابيض مايكونش مضرب حتى نتصل على عجينة طرية و نشكل كرات مثلا المشوك و نرمدهم في السكر قلاص و فالوسط ندير ربع حبة كوكاو و نطيبهم 10د فقط و كي اطيب تتشقق و يطيبو بيوضة مش حمورا.


** حلوة السميد **
2 كيسان سميد متوسط و نرشوه بشوية ماء زهر قيس نص كاس و نفتلوه كيما نفتل الكسكس و نلوه يبات ليلة كاملة ثم نديروه في كاسرونة ع 6 ملاعق اكل زيت او 2 مغارف زبدة اكل غامولي و نخلط فالكاسرونة بارد في بارد ثم نفتح ملون غذائي في لعقة اكل تاع زيت و نضيفوه للسميد ثم كاس سكر عادي و نخلط ثم نرش شوية ماء زهر ثم نشكلها و نضغط عليها مليح و نشكلها بواسطة لي مول تاع الطابع و نديرهم فالفرن مدة 10د على نار قليييييييلة.


** لي بينيي**
500غ فرينة
3 مغارف اكل سكر عادي
2 مغارف اكل مايزينة
حبة بيض
2 مغارف اكل زبدة بوماد
بالتقريب كاس و نص حليب دافئ و نحي منو فنجال
ملعقة اكل خمارة خبز نذوبها في فنجال الحليب اللي خليناه
1 باكي خمارة حلوة
نخلط المقادير و نلم العجينة بالحليب
بالنسبة للبيض نضربها باش نديرها
هاداك الفنجال تاع الحليب اللي نحيناه و ندير فيه مغرف اكل خمارة خبز و نل العجينة و نخليها ترتاح 30د ثم نكسرها و نلحا كامل و نليها ترتاح 15د أمام مدفئة و بقالب دائري او بكاس اينوكس نقطع دوائر ثم نسن الزيت و نقليهاو كي اطيب نحشيها بالمعجون او خليها هكداك و نرش عليها سكر قلاص.


**مسكوتشو**
5 حبات بيض
كاس سكر
نص كاس سكر قلاص
مغرف قهوة سائلة
قشور برتقال
نص كاس زبدة ذايبة
5 مغارف أكل عصير برتقال
ثم 3 مغارف اكل كاوكاو مطحون و 2 كيسان فرينة و نص كاس مايزينة و 3 خمارة كيميائية هادو نخلطهم وحدهم في ليان .
نضرب بياض البيض على شكل ثلج و نضرب الصفار وحدو ثم نضيفوه للبياض و نضيفلهم كاس سكر و نخلط ثم السكر رطب و نخلط ثم نص كاس زبدة و نخلط ثم عصير البرتقال ثم خليط الفرينة و الكوكاو.
في مول دائري ندهنوه بالزبدة ثم نرشوه جييييدا بالسكر قلاص ثم نزيدلو السكر قلاص و نهزوه باش يلصق في كل المول و ندير الخليط فالمول و ندخلوه للفرن من 40 حتى 45 د .

و هدي صورتو



يتبع









رد مع اقتباس
قديم 2013-02-09, 13:48   رقم المشاركة : 3
معلومات العضو
faizarbh
عضو برونزي
 
الصورة الرمزية faizarbh
 

 

 
الأوسمة
المرتبة الثالثة 
إحصائية العضو










افتراضي



وصفات يوم الاربعاء : 2013/01/23 .../2013/01/16


**سلطة باغصان السلق**
أغصان السلق ذات حجم كبير نقصوهم و نغسلوهم و نفوروهم 20د ثم نديرهم في بلا و كي يبردو نرابو عليهم حبة طماطم و 2 فصوص ثوم مرابيين و 2 مغارف أكل لبن و ملح و فلفل و شوية خل و شوية زيت و ممكن نعوض الخل و الزيت بعصير الليمون و زيت الزيتون و نلطهم مليح و ديرهم يباتو فالثلاجة ثم غدوة من داك نقدمه في في صح و نزينهم بوريقات خس و زيتون





**الدوبارة البسكرية **

2 كيسان فول يابس و منفخ
2 كيسان حمص منفخ
يعني طايبين
6 مغارف اكل زيت
قرن حار اخضر
ملح و فلفل و فلفل عكري و شوية كمون و مغرف اكل طماطم مصبرة و حبة طماطم رابي
في قدر ندير الفول و الحمص و الزيت و الملح و الفلفل الحار و الكمون و نقلوهم 20د بعدها نصبو الماء سخون .
من جهة ندير 2 فصوص ثوم و بصل رابي و طماطم مرابية و نقلوهم 10د
ثم نصفو الفول و الحمص و نضيف المرق تاعهم للثوم و البصل اللي قليناهم 10د و نخليهم شوية يطيبو و نفرغهم على الفول و الحمص عند التقديم .


** قراتان فرنسي **

نقلي 2 بصل مع فلفل و مغرف زبدة مدة 10د بعدها نضيف 300غ لحم مفروم و نقلي 5د ثم نضيف 2 حبات بطاطا مرابية بعدها نطفي .
كيلو شفلور نقطوه زهرات و نفوروه مع قطع ليمون وكي يطيب نرحوه بالفرشيطة و هو سخون + ملح و معدنوس و فلفل و نشكلوه حرابيش صغار و نخلوهم 20د يشدو رواحهم.و بعدها نرمدهم فالفرينة ثم فالبيض ثم فالخبز يابس ثم نقلوهم
في ليان ندير 3 بيض مضربين مع ملح و فلفل و علبة بتي سويس و نضرب و نغطس فيهم حرابيش الشفلور اللي قليناهم و نزيد نرمدهم في جبن شيدار مبشور
ندهن مول الغراتان بالزبدة ثم ندير طبقة اللحم و البطاطا ثم طبقة حرابيش الشفلور ثم ندير المعدنوس مقطع من فوق و تحبي اديري من فوق صوص طماطم او شوية بيشاميل واش تفضلي اختياري ثم الى الفرن.




** سلطة شتوية بالقرنون **
كيلو قرنون .
عصير ليمون و مغرف ماكلة خل ابيض
مغرف فرينة و مغرف صغيرة ملح
3ملاعق اكل عدس مغلي
4ملاعق اكل ارز مفور
2ملاعق اكل مايوناز
مغرف اكل معدنوس مقطع رقيق
وريقات سلطة صغار اللي يجو فاللب
حبات زيتون اسود و وريقات نعناع
حبة طماطم مكعبات
بعدما انقو القرنون نديروه في كاسرنة مع لتر ماء و خل و فرينة و ملح و نغليه 25د ثم نصفيه و نخليه يبرد
في ليان ندير العدس و الارز و نخلط +2مغارف اكل مايونيز و نخلط + المعدنوس و نعمر بيه القرنون
في صحن التقديم نفرش الخس و نحط عليه القرنون و ندير فوق كل قرنونة ورقة نعناع بالوقاف و نثبتها بحبة زيتون و نحط الطماطم على الخس باش تعطي لون باهي و ندير صوص الفينيقرات.
صوص الفينيقرات فيها 6 مغارف اكل زيت +ملح+3 مغارف اكل خل ابيض و حبات عدس يابس و اوراق زعتر جاف و نخلط.







** خبز الدار **
4 كؤوس فرينة
كاس سميمدة اي سميد رطب
ملعقة قهوة ملح و فنجال اتاي زيت و ملعقة و نص خميرة خبز و 2 ملاعق زعتر و شوية ما دافئ
نعجن الكل و نخلها ترتاح 30د و نكسرها و نصنع 3 خبيزات و نخليها ترتاح 20د
ثم نخبزها على سميد خشين بسمك 1 سم و نرمدها فيه مليح و نخمرها جيدا و نطيبها فيالفرن او طاجين.




**مقبلة فرنسية **
الحشو:200غ لحم مرحي + فنجال كبير زيتون اسود مقطع + قرصة ملح و فلفل و 3 مغارف زيت و حبة بصل و حبة طماطم مقطعة مكعبات.
نقلو البصل مع التوابل و الزيت و الطماطم و اللحم و خليوه يبرد.
العجينة:3 كؤوس فرينة + حبة بيض + مغرف قهوة ملح + نص فنجال آتاي زيت +2 مغارف كبار سميمدة رطبة + مغرف قهوة موتارد+مغرف ماكلة خميرة خبز + ماء دافئ و نلمهم و نخلي العجينة ترتاح 25د و نكرسها و نعملها بولات قد حبة بيض و نحلوهم و نعمروهم بالحشو على شكل خبيزات و نخلوهم يرتاحو فالصينية ثم بعد ما يخمروا نديرلهم صفار البيض + موتارد من فوق و نديرلهم الجلجلان و نطيبهم.



** طاجين شفلور مغربي **
في طاجين ندير اطراف دجاج +بصلة مرابية + ثوم مدقوق + مغرف كبيرة زبدة + ملح و فلفل و قرفة و زعفران و كاس حمص و نقلي 20د على نار متوسطة ثم نضيف 3 ملاعق عصير ليمون + 2حبات لفت مقطعين طراف ثم نضيف ملعقة عسل و نقلي 5د ثم نمرق ب2 كؤوس ماء سخون .
من جهة اخرى نفور زهور الشفلور + ملح و فلفل و قشور ليمون مقطعة ثم نخلوه يبرد
في غراف ندير 2 صفار بيض و نضربهم مليح + فنجال صغير حليب و نضرب + 2مغارف اكل مايزينة و ملعقة اكل خبز يابس و نغطس فيه زهرات الشفلور و نقليه في زيت قليل .
ثم في صحون التقديم ندير الزهور مع المرق و الدجاج و يمكن نعوضو اللفت بالجلبانة.






** حلوة معسلة **
4 صفار بيض / 250 غ زبدة بوماد / نص كاس سكر قلاص / 2 مغارف اكل لحظة / 3مغارف اكل كاكاو / نص باكي خميرة كيميائية / فرينة حسب الطلب
الحشو : غرس مفور مع قطرات ماء زهر / عسل .
في جفنة ندير البيض + الزبدة و نخدمهم مليح + نص كاس سكر قلاص و نخدم + اللحظة و كاكاو و نزيد نخدمهم و الخميرة و نواصل بالفرينة و نغطيها ترتاح 10د ثم نحلها بسمك 2ملم و نقطعها دائريةثم نحشيها ب بولة صغيرة تاع غرس و نغلق عليها و نلفها مليح و نديرها في صينية الفرن و ندير فوقها عملية x بالمقص كيما نزينو لامونة و نطيبها و مباشرة كي نخرجها من الفرن نعسلها و نزينها بالبيستاش مدشش مكان فتحة x
.






** شربات الحلويات **
كيلو سكر نذوبوه 5د كي يروح ينحرق نزيدلو لتر و ربع ماء و نتركه 15د على النار ثم نكسر قطعة شب في مهراس و نأخذ ملعقة قهوة شب نديرها فيه و فنجال ماء زهر .






** مقروط بالغرس في الفرن **
كيلو سميد متوسط / 4ملاعق اكل حليب بودرة /4 ملاعق اكل فرينة / 4ملاعق اكل مايزينة / 4 ملاعق سمن بوماد / 200غ زبدة ذايبة / نص باكي خميرة كيميائية و كمية ماء زهر
التحضير: ندير السميد + الحليب + الفرينة + المايزينة + السمن و نخلط ثم الخميرة و نخلط ثم الزبدة تدريجيا و نلمها بماء الزهر و نتركها تبات و الا وجدناها ناشفة نرشها بماء الزهر بالاصابع و نشكل حربوش و نضع الغرس داخلو و نقطع مقروطات ثم نطيبوه في الفرن 30د ثم نسقيه بالعسل فالسنيوة و تكون ساخنة و عندما يبرد المقروط نديروه في كسكاس و نفرغ عليه العسل و نركه يقطر و نزين بحلوة فضية














رد مع اقتباس
قديم 2013-02-09, 13:51   رقم المشاركة : 4
معلومات العضو
أم ياسين الزهراء
عضو ماسي
 
الصورة الرمزية أم ياسين الزهراء
 

 

 
الأوسمة
وسام الوفاء وسام نجمة التطبيقات وسام نجمة التطبيقات وسام نجمة التطبيقات 
إحصائية العضو










افتراضي

بارك الله فيك هذي لازم نجربها










رد مع اقتباس
قديم 2013-02-09, 14:02   رقم المشاركة : 5
معلومات العضو
wissem173
عضو فعّال
 
الصورة الرمزية wissem173
 

 

 
إحصائية العضو










افتراضي

فكرة مليحة....مالا لنا موعد كل اربعاء










رد مع اقتباس
قديم 2013-02-09, 14:26   رقم المشاركة : 6
معلومات العضو
feuilleblanche17
عضو مميّز
 
إحصائية العضو










افتراضي

روعة يعطيك الصحة










رد مع اقتباس
قديم 2013-02-09, 14:46   رقم المشاركة : 7
معلومات العضو
ام ملاك.
عضو متألق
 
الصورة الرمزية ام ملاك.
 

 

 
إحصائية العضو










افتراضي

خسارة مابانوليش غير الصورة الاخيرة نتاع الصابلي مي الوصفة تبان ساهلة وهايلة يعطيك الصحة










رد مع اقتباس
قديم 2013-02-09, 14:52   رقم المشاركة : 8
معلومات العضو
faizarbh
عضو برونزي
 
الصورة الرمزية faizarbh
 

 

 
الأوسمة
المرتبة الثالثة 
إحصائية العضو










افتراضي

اقتباس:
المشاركة الأصلية كتبت بواسطة أم ياسين الزهراء مشاهدة المشاركة
بارك الله فيك هذي لازم نجربها
ان شاء الله ام ياسين راني كملت باقي الوصفات

اقتباس:
المشاركة الأصلية كتبت بواسطة wissem173 مشاهدة المشاركة
فكرة مليحة....مالا لنا موعد كل اربعاء
ان شاء الله وسام

اقتباس:
المشاركة الأصلية كتبت بواسطة feuilleblanche17 مشاهدة المشاركة
روعة يعطيك الصحة
الله يسلمك حبيبتي

اقتباس:
المشاركة الأصلية كتبت بواسطة مونية ك مشاهدة المشاركة
خسارة مابانوليش غير الصورة الاخيرة نتاع الصابلي مي الوصفة تبان ساهلة وهايلة يعطيك الصحة

أختي مونية ما فهمتش علاش ما يظهرولكش الصور في حين الكل تشوفهم يا ترى ما السبب سيي بدلي المتصفح اللي راكي تخدمي بيه و هل وصفاتي فقط ما تبالك او بعض الوصفات ايضا ما تبانلكش









رد مع اقتباس
قديم 2013-02-09, 15:06   رقم المشاركة : 9
معلومات العضو
كوزينة هديل
عضو مميّز
 
الأوسمة
المرتبة الثانية 
إحصائية العضو










افتراضي

شكرا ليك أختي فايزة يعطيك الصحة موضوع يستحق التقييم










رد مع اقتباس
قديم 2013-02-09, 15:55   رقم المشاركة : 10
معلومات العضو
oum radja
عضو ذهبي
 
الأوسمة
وسام الوفاء 
إحصائية العضو










افتراضي

هاذاك الصابلي رووووووووووعة جا في وقته










رد مع اقتباس
قديم 2013-02-09, 16:02   رقم المشاركة : 11
معلومات العضو
أم أسامة 07
عضو مميّز
 
الصورة الرمزية أم أسامة 07
 

 

 
إحصائية العضو










افتراضي

الله يبارك يعطيك الصحة










رد مع اقتباس
قديم 2013-02-09, 17:14   رقم المشاركة : 12
معلومات العضو
أم ياسين الزهراء
عضو ماسي
 
الصورة الرمزية أم ياسين الزهراء
 

 

 
الأوسمة
وسام الوفاء وسام نجمة التطبيقات وسام نجمة التطبيقات وسام نجمة التطبيقات 
إحصائية العضو










افتراضي

بارك الله فيك راني نشوف في وصفات في القمة الله يحفظك










رد مع اقتباس
قديم 2013-02-09, 19:12   رقم المشاركة : 13
معلومات العضو
faizarbh
عضو برونزي
 
الصورة الرمزية faizarbh
 

 

 
الأوسمة
المرتبة الثالثة 
إحصائية العضو










افتراضي

اقتباس:
المشاركة الأصلية كتبت بواسطة كوزينة هديل مشاهدة المشاركة
شكرا ليك أختي فايزة يعطيك الصحة موضوع يستحق التقييم
اقتباس:
المشاركة الأصلية كتبت بواسطة oum radja مشاهدة المشاركة
هاذاك الصابلي رووووووووووعة جا في وقته
اقتباس:
المشاركة الأصلية كتبت بواسطة نصرية مشاهدة المشاركة
الله يبارك يعطيك الصحة
اقتباس:
المشاركة الأصلية كتبت بواسطة أم ياسين الزهراء مشاهدة المشاركة
بارك الله فيك راني نشوف في وصفات في القمة الله يحفظك
مشكورين اخواتي راني نضيف في وصفات الاسابيع اللي مرت









رد مع اقتباس
قديم 2013-02-09, 19:32   رقم المشاركة : 14
معلومات العضو
zhor1970
عضو مميّز
 
الصورة الرمزية zhor1970
 

 

 
الأوسمة
المرتبة الثالثة 
إحصائية العضو










افتراضي

موضوووووووووووووووووووووووع هايل يافيوزة والصابلي رووووووووووووووووووووووعة ربي ايعاونك وثاني احنا لازم انعاونوووووووووك










رد مع اقتباس
قديم 2013-02-09, 19:41   رقم المشاركة : 15
معلومات العضو
رحمة من المولى
عضو محترف
 
الصورة الرمزية رحمة من المولى
 

 

 
الأوسمة
وسام المتوجات 
إحصائية العضو










افتراضي

ربي يحفطك ديما متألقة فايزة راكي شرفتي سلك التعليم هههههههههههههههههههه










رد مع اقتباس
إضافة رد

الكلمات الدلالية (Tags)
مصطفلى, الشلف, تصعيد, بإذاعة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 23:35

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc