ام امينة عزيزتي الوصفة كتبتها من قبل بصح و الله ما علابالي وش من صفحة
هو كسكس مفور كيما موالفين عادي و تخلطي فيه خضار مقطعة صغيرة و مفورة و طبعا ترتبي في الكسكاس اولا الخضار اللي تبطا شويا في الطياب كيما الجزر و اللوبيا الخضراء ثم تزيدي فوقها اللي ما تاخذش وقت
الخضار اللي تتعمل فيه حسب الموجود مثلا اليوم عملتو بالجزر و القرعة و البصل و حبة صغيرة بطاطا و تقدري تزيدي الجلبانة و اللفت و اللوبيا الخضراء و الفلفل اخضر او احمر
السر ديالو هو كي تخلطي الخضار المفورة بعد ما تبرد مع الطعام سخون و كمية ملييييحة من زيت الزيتون لااازم يبان فيه مليح زيت الزيتون و تقدميه مع اللبن
هو طبق صحي و لذيذ و تبدلي فيه حسب امكانياتك و وش متوفر عندك