ألذ غراتان بالباثنجان والبطاطا

أم التوأم · 2011-12-24, 20:46

لمن تريد الحصول على مثل هذا الطبق

اطلبيه سيدتي بمشاركتك في هذا الموضوع وسأضع الوصفة

mimicha1977 · 2011-12-24, 20:53

يعطيك الصحة اختي تسلم الايادي

omo mazen · 2011-12-24, 20:57

الله ابارك منفضلك الوصة

أم التوأم · 2011-12-24, 21:06

حبيت ندلل عليكم شويا

شكرا أم مازن و ميميشة

بيان 5 · 2011-12-24, 21:08

الله يبارك
اعطينا الوصفة

أم التوأم · 2011-12-25, 07:38

على بركة الله نبدأ
نقوم بطبخ صلصة الطماطم العادية بتقلية الثوم في الزيت ثم نضيف حبتين من الطماطم تكون مبروشة في السكرفاج ونملح ونتبل براس الحانوت وشوية فلفل أكحل مع إضافة ورقة رند أوكما يسميها البعض ورقة غار وشوية زعيترة للنكهة وتخليها تتقلى تم مرقي بشوية ماء وضيفي نصف ملعقة أكل طماطم مصبرة وخليها تعقاد.
تأخذي اللحم مرحي تقليه في شوية زيت بعدما تملحيه شوية لكن حذاري ماتملحيش بزاف لأن صلصة الطماطم فيها الملح وعندما يطيب ضيفيه لصلصة الصطاطم بعدها قومي بتقشير البطاطا والباثنجال وقطعيهم إلى مربعات وتقليهم في الزيت.
تأخذي مول تاع الكوشة ديري فيه شوية لصوص تاع الطماطم الممزوجة باللحم المرحي وفوقها طبق من البطاطا المقلية ثم طبق من صلصة الطماطم تم طبقة من الباثنجال ثم طبقة من صلصة الطماطم وهكذا وفي الأخير ديري فرماج قريار، وذخليها الفرن حتى تحمار .
وشهية طيبة