كابا البليدة .. 2013 - الصفحة 3

yous86 · 2013-03-13, 17:50

الله يرحم شوابين لي عندو جديد يقول و لي ما عندوش يسكت خير
الدعوة طولت تاع الصح و ناس راهي مقاقة على ماصيرها

mohamed_p17 · 2013-03-13, 21:47

السلام عليكم اخواني انا غدا ان شاء الله متوجه للبليدة قصد الاستفسار عن اي جديد و ساوافيكم بالجديد اخواني ان شاء الله تعالى .

رنيم ألاء · 2013-03-14, 12:43

شكرا ونحن في الانتظار

mohamed_p17 · 2013-03-14, 15:24

اخواني توي رجعت من البليدة ولا جديد يذكر .. مصلحة الكابا كانت مغلقة و خاوية على عروشها الى حوالي الساعة العاشرة اين جاء موظف و قال لنا لا جديد عن موعد بداية التسجيلات و ممكن جدا تكون في الاسبوع الاول من العطلة الربيعية .. و اي جديد ساذكركم يه ان شاء الله مطلع الاسبوع القادم .

Buffalo · 2013-03-14, 15:24

اقتباس:

المشاركة الأصلية كتبت بواسطة yous86

الله يرحم شوابين لي عندو جديد يقول و لي ما عندوش يسكت خير
الدعوة طولت تاع الصح و ناس راهي مقاقة على ماصيرها

سقم هدرتك الاخ و بلا كلام زايد

علاه راك تشوف فيا نتلاعب بمصير الناس انا

ساعات تشارك و تندم و الله

حبينا نفيدوكم عوض ما تنتقل نتا و تروح تستفسر

و يقولولك نفس الكلام لي قالوهولي

الادارة قالو يوم 14 ادا كدبو كدبت انا و ادا صدقو صدقت مانيش نخترغ الكلام من راسي انا باش نتلاعب بمصيرك كيما راك تقول
و ادا راك خايف عليه روح لبليدة و استفسر حنا مانتحملوش مسؤولية التاخير

bilal.droit · 2013-03-14, 18:13

ربي يحفظك خويا محمد وجزاك الله كل خير . مشكور على المجهود اللي راك تدير فيه . اك تهرف احنا الحال بعيد علينا ما نقدروش نروحو نسقسوا .

yous86 · 2013-03-17, 16:23

اقتباس:

المشاركة الأصلية كتبت بواسطة buffalo

سقم هدرتك الاخ و بلا كلام زايد

علاه راك تشوف فيا نتلاعب بمصير الناس انا

ساعات تشارك و تندم و الله

حبينا نفيدوكم عوض ما تنتقل نتا و تروح تستفسر

و يقولولك نفس الكلام لي قالوهولي

الادارة قالو يوم 14 ادا كدبو كدبت انا و ادا صدقو صدقت مانيش نخترغ الكلام من راسي انا باش نتلاعب بمصيرك كيما راك تقول
و ادا راك خايف عليه روح لبليدة و استفسر حنا مانتحملوش مسؤولية التاخير

لا يا احي ماتفهمنيش غالط انا قولت المعلومات تخلطت علينا كاين لي قول القريا في البليدة اة كاين لي قول العفرون او كاين يقول الخميس انا اسف اخي و الله ما قصت

jobobo2008 · 2013-03-17, 23:48

لا توجد كابا في البليدة اخر كلمة

رنيم ألاء · 2013-03-18, 14:58

مازال عندي أمل بلي كاين كابا هذا العام لأنه العام لي فات كنت ادرس سنة 4 علوم قانونية في المركز الجامعي خميس مليانة (جامعة حاليا) سجلوا في اواخر مارس او شهر افريل وللامانة انا لم ارى اعلان التسجيلات لكنني رأيت إعلان بداية الدراسة التي انطلقت في شهر ماي.

rafikwood · 2013-03-18, 16:18

لا أخي مادام علقو الوثائق المطلوبة ففيه كابا ان شاء الله

أسامة البليدي · 2013-03-18, 16:42

السلام عليكم
آخر الأخبار اليوم تقول أن التسجيلات ممكن جدا تنطلق الاسبوع الثاني من العطلة أو الاسبوع الأول بعد العطلة على أقصى تقدير.

Buffalo · 2013-03-18, 23:10

[
QUOTE=yous86;13341350]لا يا احي ماتفهمنيش غالط انا قولت المعلومات تخلطت علينا كاين لي قول القريا في البليدة اة كاين لي قول العفرون او كاين يقول الخميس انا اسف اخي و الله ما قصت[/QUOTE]

السلام عليكم ..

المعلومة المؤكدة باذن الله هو انو فيه كابا بليدة هاد العام و ككل الاعواlم فقط كاين هناك تأخر في الاعلان لانشغال الادارة بعدة امور بحيث انتقلت هاد العام الى العفرون , ظف الى تاخد في الدفعة الماضية .. و لهذا الغرض فتحت الموضوع باش نعلم الجميع بان كابا موجودة ان شاء الله .. الا اذا حدث طارئ لا قدر الله ...
و انا بام عيني قرأت المعلق و لي مكتوب فيه الوثائق اللازمة للتسجيل ..

و لكن الادارة تعطي كلام فمثلا قالولي يوم 14 مارس تفتح التسجيلات و في الاخير صدق كدبو علينا . و ماشي غير عليا انا ...
ييقى المشكل وين تكون الدراسة ادا فالبليدة او العفرون . و هادا هو المشكل .

mohamed_p17 · 2013-03-19, 00:32

السلام عليكم .. اخواني ولا جديد يذكر اليوم كنت عندهم ... المهم لي معلومات شبه رسمية من احد الاساتذة ان التسجيلات باذن الله في افريل القادم ... واي جديد ساذكره لكم المهم انه فيه كابا ان شاء الله هذا العام في البليدة الا اذا قدر الله او حدث شيء طاريئ .

rafikwood · 2013-03-19, 01:18

بارك الله فيكم خاوتي على المجهود المبذول و ان شاء الله ربي يوفقنا

مهدي01 · 2013-03-19, 10:37

لي استفسار فقط للاخوة الذين درسوا او المقبلين على الدراسة في كابة البليدة
اذا انطلقت الدراسة مثلا في شهر ماي الامتحانات السداسية الاولى و الثانية متى تكون ؟
اي في اي شهر تكون؟