موضوع مميز وصفات من حراير مطبخ وش طيبتي اليوم - الصفحة 95

دموع تائبة · 2014-10-21, 15:56

يعطيكم الصحة يا الفحلات

أم ماجد · 2014-10-21, 16:46

برهوومي حبوبي المحمرام تاجو

المرحلة الاولى
في الكوكوط حطي فنجال زيت خليه يسخن ومن جهة تبلي اللحم تاعك غير بالدواوات يعني فلفل اسود وملح وراس الحانوووت وفلفل احمر حاااار حاولي دخلي الدواوات مليح في اللحم كي تسخن الزيت حطي الطراف تاعك وحمريهم من الجيهات مايش طيبيه غير حمريه وراح تشوفي الدواوات لصقو في الكوكوط ماتخلعيش عادي هاذي هي النكهة الرائعة كي تحمريه طفي النار وفي الميكسور رابي حبة طماطم وبطلة صغيرة وراس ثوووم ومغرف صغيرة هريسة وحطيه على اللحم وخليه ثلاث ساعات يتشرب مليح الدواوات تاعووووو وضرك تشوفي الدواوات تنحاو من قاع الكوكوط
مبعد مرقيه بالماء قيس مايفوت مستوى اللحم وحطيه يطيب مليح حتان يتفصل على العظم انا درت لكتف رووووعة كي يطيب نحي المرقة بجيهة وطيبي فيها البطاطا ولااذا حابة روز مثلا صفيها وطيبي فيها روز ولا لي بات وفي الكوكوط كالعادة ردي اطراف اللحم تاعك يتحمرو من الجيهتين وذا اللحم تاعك مافيهش الشحم ديري زوج مغارف زيت في الكوكوط وحمريه
لاصوص تاع اللحم طيبت فيها البطاطا وعاودت حمرتها في الزيت ومبعد صفيتها وحطيتها مرافقة للحم جات رووووعة
حنونتي كاش سؤال راني هنا

ام سراج وملاك · 2014-10-21, 17:37

صوص الشيكولا doressafe

صوص الشيكولا

- كاس حليب
- 3 ملاعق كاكاو
- ملعقة نشا اي مايزينة
- فانيلا
- سكر حسب الرغبة

طريقة :

نخلط كل المقادير في الخلاط الكهربائي و بعد ان تتتجانس كل المكونات نضعهم على النار مع التحريك المستمر الى ان يعقد الخليط و نصبه على الكيك مباشرة بعد اخراجها من الفرن و يمكن اضافة بعد قطع الشكلاط للخليط

ام سراج وملاك · 2014-10-21, 17:39

مقروط المقلة ام سهام 02

المقادير

2عبار سميد متوسط +1عبر سميد رقيق+ 3/4عبرزيت ومرغرين ذايبة +1/2 خميرة حلوة ورشة ملح نجمع كامل المكونات ونلم بالماء وماء زهر غير بالاصابع بلامانعجن

الحشو تمر معجون بالزيت وماء الزهر ومنكه بالقرفة وجلجلان محمص

الطريقة ديري حربوش واحشيه بالتمر في الوسط وغلقي ورقيه واطبعي وقطعي مقروطات صغار وقليهم وفي الاخير عسليهم

ام سهام 02 · 2014-10-21, 17:58

بارك الله فيك حنونتي ام سراج ربي يجا زيك كل خير

شلال فرح · 2014-10-22, 08:24

اقتباس:

المشاركة الأصلية كتبت بواسطة أم ماجد

تفضلي الامنيات

إضغط هنا لرؤية الصورة بحجمها الطبيعي.

اكستري الجيرانيوم
عبارة عن محلول مركز من نبتة الجيرانيوم
عندو ريحة تهبل
وهو معطر للغرس عموما
في الكيلو تحطي قطرتين يرجع طعم وريحة الغرس واااااااااااااو
يستعمل للمقروط والنقاش والمبرجة ولكل حاجة فيها غرس
يمد اغياغ gو
يخليك تاكلي وتقولي اممممممممم
ان شاء الله تلقايه لايدعيو عليا اولادك هههههههه

الجيرانيوم هي نبتتة العطرشة

idron0 · 2014-10-23, 07:23

السكر الملون om moussaab

ديري كيلو سكر في ماعون كبير ورشيه بششششششششوية برك ما وملون سائل ناكد شوية برك بخي بيدك وروني بيدك حتى يتجانس اللون ويصبح السكر مندي ورصيه في مول السيليكون تكونى مشعلة الفور سخون طفيه ودخلي هاداك السكر في الفور طافي خليه ربع ساعة واجبديه ونحيه من مول السيليكون وكي زيدت ختى ماعملتوش بالالوان عملت نص بحليب نسلي ونص بالنيسكافى جا رووووووووعة زاد عطا بنة للحليب والقهوة عجبنى خير من تاع الالوان.

idron0 · 2014-10-23, 07:36

البادنجان حياتي كلها امل

احكمى البادنجال اقسميه على 2 بالطول
وديريلو تشريحات مائلة ورشيه بالملح واقليه في شوية يت يعنى حمريه برك حمريلو وجهو ههههههههه وحطيه في بلاتاع فرن مدهون بالزبدة
من بعد قطعى الطماطم دوائر وحطيها فوقو وتوم مبشور وملح وفلفل وزعيترة وغطيه بالمنيوم ودخليه للفرن حتان يطيب.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

أم فاطيمة · 2014-10-23, 08:51

محقن ام تاجووووووووووو
5 بيضات كاس ونص سكر وفاني وبشور قارصة خبطي مليح حتان يطلع كي المايوناز ومبعد ضيفي كاس ونص زيت كي الخيط واستمري في التخباط ومبعط باكي خميرة على خاطر نحبو يحكم روحو ومايسيحليش بصح للكروكي ندير زوج باكيات خميرة ونلم بالفرينة والحمد لله

ام سراج وملاك · 2014-10-23, 17:00

تيراميسوا ام سهام 02

كاس غبرة شانتيي + كاس حليب بارد طلعيهم مليح بالباتور + 5مك سكر ناعم + 2علب جبن طري بتي سويس علبة نع 90 غ +علبة قشدة كرام فراش تع 200غ نقدري تعوضيها ب 2علب ياغورت طبيعي وتقعدي طلعي بالباتور حتي تتخلط كامل المقادير

الطريقة اغطسي لبودوار في القهوة طايبة باردة اوفي النسكافي غبرة مذوب في الماء وستفي في بلا حتى تشكلي طبقة و اطلي بكمية من الكريمة وبواسطة صفاية ذري فوقها الكاكاو و لي ميحبش الكاكاو يدير شوكولا غبرة و زيدي طبقة تاع بودوار و كملي بنفس الطريقة حتى تكملي

البودوار جاوني 8 اكياس

oum ibrahim · 2014-10-24, 10:50

هاذو الاقماع الي نزين بيهم الي فيه اسنان بزاف كنت نزين بيه الان ندير بيه البتي فور و الي فيهم اسنان قليلة هادوك هما نتاع تزيين الكريمات و الي سامبل نستعملو للحشو و هاذوك 2كبار نتاع المحقن نخدم بالي مفتوح المغلوق مايديرليش شكل باهي
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

idron0 · 2014-10-25, 08:24

خبز الفوكاشيا cuisineshowdalatifa

500غ فرينة نحكها مع 3 ملاعق زيت
نضيفلها بيضتان و علبة ياغورت طبيعي
ثم نضيف 2ملاعق متوسطة خميرة مع 2\1 خميرة كميائية و ملعقة حليب لحظة و ملعقة سكر
نلم الكل بالماء الدافئ وفيه الملح
نعجن العجينة لمدة 5 د و نتركها تخمر
ثم نحلها في صينية و ندهن الوجه بالبيض
و نزينها بالزيتون و الطماطم الكرزية , و السانوج و الجلجلان
نتركه تخمر مليح و نطيبها في فرن ساخن جدا
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2014-10-25, 08:41

السيقار ام سهام 02

المقادير بفرشيطة خبطي 2بيضات مع 4مك سكر عادي وقشور الليمون +2مك زيت وزيدي خلطي +2مك حليب ولمي بالفرينة مع 1/2 خميرة حلوة ورشة ملح حتى تتحصلي على عجينة تتلصق كما الكروكي خليها ترتاح 20دقيقة ابنعد سخني الزيت على درجة متوسطة ومسحي يدك بالزيت لان العجينة تتلصق وشكلي صبيعات رقاق وطوال وديرهم يتقلاو حتى يحمارو شوي قطريهم في ورق مصاص وذري فوقهم السكر الناعم ولاعسلهم ورمديهم في النواكوكو

إضغط هنا لرؤية الصورة بحجمها الطبيعي.

ام سراج وملاك · 2014-10-25, 14:30

شكشوكة وسباقيتي ام سهام 02

الشكسوكة قطعي البصل شرائح طوال ديريهم يتقلاو مع التحريك حتى يتكرمل شوي زيدي فوقو طماطم منقية ومقطعة زيدي الملح والعكري وقليل من راس الحانوت وخاليها اطيب حتى تشوفها نشفت شوي قطعي فوقها المعدنوس وزيدي لها بطاطا مقلية دوائر

السباقيتي غليها وشليها بالماء بارد وديري لها الزيت وخاليها بجه

الصلصة في مقلة فيها شوي زيت رابي سنينات ثوم وحبة طماطم مرابية وقلي مع التحريك زيدي الملح والفلفل لكحل والعكري والقرقة وورقة رند ولحم مكفت وزيدي قلي وانبعد مرقي بكاس ماء حلي فيه مك طماطم مصبرة وخاليه يتجمر وحد10 دقائق وطفي وفرغيها فوق السباقيتي المغلية وخلطهم مع بعضهم يعض من الفوق للتحت وخاليها تشرب الصلصة

ام سراج وملاك · 2014-10-25, 15:13

طريقة تزين فلان لينا 11

درت كورن فلكس فالجوانب وفالنص درت ساور كريم وزينتها بسيقار وشكولا رابي خخخخخ ولات طرطة ماشي فلان