عاجل .. المدرسة التطبيقية لسلاح المدرعات - باتـنة - الصفحة 2

omar17sniper · 2013-02-24, 15:05

السلام عليكم ورحمة الله
بارك الله فيك habibovitch
أخي zed-51 a ماتخمم ماتعيي روحك
راني معاك في الناحية العسكرية
وانا مطلوب منى الالتحاق يوم 15/3/2013 بموزاية البليدة قصد نقله الى
المدرسة التطبيقية لسلاح المدرعات - باتنة ، الناحية العسكرية 5

عندي سؤال لوكان روحو مباشرة لـ المدرسة التطبيقية لسلاح المدرعات - باتنة ، الناحية العسكرية 5 وماروحوش لموزاية
قالولي نورمال ؟؟؟؟؟؟؟ باسكو يعيونا برك في موزاية ...انتظر الرد

انتظر الرد

mouh 05 · 2013-02-24, 16:10

نصحية اخوية لي قادر يروح ديراكت غير يروح لانو الطرونزيت يكرهولك حياتك فيه

habibovitch · 2013-02-28, 10:43

تقدر تروح خويا نورمال ومن الاحسن انك تروح وحدك ونزيد حاجة راك رايح لمدرسة والله ولله روعة روعة ما تقولش راني فالعسكر امني

foffo09 · 2013-02-28, 15:16

ساتم عليكم خاوتي
أنا معاكم في المدرسة التطبيقية لسلاح المدرعاااااات
مطلوب حيا أو مييتا يوم 15/03 .... بويسك هدي لوردابال الثلالثة
راني نجيكم جوايه 27 /03 امشالله .... خواتي غير روحو ديراكت للكزارنة أخطيكم من الترونزيت
لكزارنة جاية في السونترفيل .... بيااااا كلش بياااا .... يخوفو فينا ماكان والو
إلى الأمام إلى الأمام لا تراجع ولا استسلام
كان معكم le big boss

tarek1987 · 2013-03-03, 10:05

وصلني اليوم استدعاء للالتحاق بهذه المدرسة ...ربي يجيب الخير

loko · 2013-03-04, 02:13

السلام عليكم اخي الكريم انا جوزت العسكر مرشح المدرسة من الناحية الشكلية مليحة خير من المدارس الاخري عند حاجة برك تكره حياتك ديقوتاج الخرجة مكانش بصح حالة وفايته ما تروحش لترونزيت روح ديراكت خير راك بعد 45يوم يعطوك كرتاب تروح تقرا يقسموكم حساب الاختصاص كيما التسيير والاقتصاد يروحو للصحراء والغرب وكل اختصاص يقرا علي نوع الدبابة كيما انا t55 وكاين ت 72 وكاين ت 90 جماعة المهندسين الانجنور انت زوالي تحمل شدة وتزول راك كي تتميتي تلقا روحك خير من الاول الاكل بشويش في اللكول سما تحمل اخي كيما حنا الفئة الزوالية ديما تعاني تروحو لجيام نهارات تعلمو تير بالكلاش وتسوق الدبابة وتجيك نهارات تروحو لمدوكال تيري بالدبابة عندك الطياح تسمع كثيرا مع الروخس تحمل يدربك كبران ولا سرجان بالتوفيق خويا والله يكون في العون ولا نقولك ما تروحش خير والله

badis senfour · 2013-03-04, 14:56

خويا تاني بعتوه لهاد المدرسة يا خاوتي روحو نصيحة مني نحيو عليكم و ربي يجيب الخير

omar17sniper · 2013-03-07, 20:00

السلام عليكم
بارك الله فيكم خاوتي
واخيرا نلتقى هناك
تحيا الجزائر

ameur moha · 2013-03-11, 23:02

السلام عليكم انا ثاني بعثولي لوردبال لهذه المدرسة ط ظ ا ربي ايسهل للجميع

KaDwEeB · 2013-03-18, 23:01

اقتباس:

المشاركة الأصلية كتبت بواسطة nabil.23

السلام عليكم
وصلني أمر إستدعاء * طالب ضابط إحتياط *
ملزم بالإلتحاق بمركز العبور : موزاية - ولاية البليدة ، قصد نقله إلى :
المدرسة التطبيقية لسلاح المدرعات - باتنة ، الناحية العسكرية 5
يوم الالتحاق 2013/03/22
هل من معلومات على هذه المدرسة ؟؟؟
من حيث الفائض و الفحص الطبي و النظام الداخلي و الميتاسيون تاعها ؟؟
الله يخليكم أنتظر الردود و شكرا ....

راك كي حالتي، بعثولي لباتنة كيما نتا، لكن حاب نعرف مركز العبور ديالك إلا كيما أنا يعني موزاية بالبليدة، لأني لم أعرف أين يقع مركز العبور هذا، أنا مقيم في الجزائر و مادابيك إلا تعرف وين جاي خبرني، صحيت و ربي يسهل
شكرا

omar17sniper · 2013-03-20, 13:32

لدي سؤال افيدوني
هل يمكنني ان اتاخر عن موعد الالتحاق وبكم يمكنني التاخر يوم او اثنان او اسبوع او اثنين
عاجل

omar17sniper · 2013-03-20, 14:08

بارك الله فيك أخي habibovitch
نعم اخ لك لم تلده امك
شكرا لك على هذه التوضيحات
الله يحفظك وينصرك

الشاوي الحر · 2013-03-20, 20:50

للأسف
الجيش الوطني الشعبي اصبح يلح على جلب ضباط احتياطيين بكثافة وذلك لكفائتهم المهنية في المجالات العلمية ومن هذا المنطلق اقول لك انه مستحيل تفلح في الهروب
كما اريد ان اخبرك ان تهربك من الخدمة الوطنية سيسبب لك المتاعب باعتبار انك ستكون تحت طائلة المحكمة العسكرية بصفتك عسكري في حالة فرار وهذا يسبب لك مشاكل حتى بعد نهاية خدمتك الوطنية
روح وخليها على ربي
على الاقل تعرف تستعمل السلاح وتتعرف على ناس من كل الولايات وتعرف الدوني والطيب