بسبوسة لا كرام شونتتي بمول السيليكون مممممممممم

[بريق الامل&]

السلام عليكم و رحمةة الله و بركآآته مسآآكم، صبآآحكم وَرْد جٌورِي
أَهْلاَ وَ سَهْلآَ
ان شآآء الله تكونو بخير أهلآ و سهلآ بيكم معنآآ نورتم المطبخ
جبتلكم بسبوسةمن مطبخي تفضلو























نتمنى تعجبكم






سلااااام

عدت لوضع الوصفة لاحلى عضوات وغاليات على قلبي
3بيض فاني قشور حبة قارص نصف كاس سكر ونصف كاس حليب ونصف كاس زيت في الخلاط
كاس سميد متوسط مغرف فرينة وباكي خمارة
ادهني مول السيليكون بزيت ورشيه بنوادكوكو مرحي وفرغي الخليط مع ترك نصف سم خليها ترتاح10دقائقودخيها اطيب فرن مسخن درجة180
لازم عدم وضع المول في بلا باش تتوزع الحرارة على كامل الحبة وتطيب مليح من تحت والجوانب وتمدلك اللون الاحمر الجميل على كامل الحبة
الشاربات
كاس سكر و2كاس ماء ومغرف ماء الزهر ونصف حبة قارص منزوعة القشرة تماما حتى القشرة البيضة باش ما تجيش مرة وامعسيها مليح اثناء الطياب باش تطلق النكهة تاعها مممممم
فرغي على كل حبة قيس 2مغارف او اكثر عينك ميزانك
واقلبيها
جربي حبة اذا شفتيها لصقت من تحت
انزعيهم قبل ثم شربيهم
خليهم يبردو مليح
تكوني طلعتي نصف كاس بودرة الشونتيي مع نصف كاس ماء مثلج او حليب مثلج اي بارد بزاف
زينيها بوردات بلابوش ادوي
ورشي قشور قارص او قشور ليمون
ملاحظة
لم استعمل النوادكوكو لذى نزعتهم من المول قلبتهم في بلا وشربتهم

وبصحتكم

سلاااااامي

[الأمنيات]

انا اول وحده ترد راني دير حبة هدا وين فطرت
يعطيك الصحة وين راها الوصفه راها في طريق ههههههههههههه
تبارك الله

[أم ريمة*]

ممممم بروقة تبان باتيسرى ماهيش بسبوسة يعطيك الصحة ندى لى فالصحن الاصفر معمرة بلكرام قبل ما جى الهام

[صلاتي راحتي]

وين الوصفة شهيتينا

[اسماء الجنه]

يعطيك الصحه تهبل شهيتنا وين راهي الوصفه

[lamia zina]

ما شاء الله ما تقوليليش درتيها في مول السليكون خرجتلك روعة حطي الوصفة

[ام محمد78]

يعطيك الصحة مبدعة مااااااشاء الله

[merioma1]

يعطيك الصحة راهي تشهي الينا بالوصفة

[oum 3abdou]

شكرا لك ختي ان شاء الله نجربها

[ilbeldelmondo]

بروقة خليلي وحدة نفطر بيها يهبلو

[nacimata]

ما شاء الله روعة
ممكن الوصفة

[أم إناس]

خرجتلك رووووعه ياتيك الصحه بصحه وراه الوصفه راكي تشهي فينا فقط ههههههه

[طير الرحمة]

سلاااااااااااااااااااااااام برووووووووووقة وين الغيبة
امممممممممم بسبوسة وعليها الكلاااااااااام يعطيييك الصحة
ممكن المقادير

[hania darine]

يعطيك الصحة و لاه راكي تسخفي فينا وين راهي الوصفة

[أم ياسين الزهراء]

اممممممممممممممممممممم واممممممممممممممممممممممم

حبيبة وريلي ليمول انتاعك واش دير باش مايلصقلقش