افكر في الانتحار

[hadjerbb]

شوفي يا اختي انا ننصحك خليك من فكرة الانتحار او راني فاهمتك ساعات الانسان يفقد الامل وييأس بسبب الظروف بصح انتي لازم تكوني صابرة لازم تفكري في المستقبل لازم عليك تقراي مليح باش تدي الباك و تروحي للجامعة وتبعدي على اهلك و من بعد تتزوج وتولي تخدمي وتشوفي حياتك لازم تفكري في مستقبلك لانه كل هدا الالم والمعاناة راهي موقتتة لانك راكي حاتعملي مستقبلك و تولي تخدمي وتتزوجي وتشوفي حياتك وكل هدا يبقالك غير دكريات .

[ام نسمة]

خلاص بقالك عام اجتهدي وتروحي للجامعة وتتهني من لاروتين ............وبالطبع حياة الجامعة عالم اخر ......................لكن بقدر ما تكون لديك رغبة في اككتشافه لازم يكون عندك حرص ووعي حتى لا تقعي في الفتن ........ولا تجر قدمك الى الهاوية ................اليس لديك هاتف نقال ان كان لك فاتصلي بصديقاتك قصري معاهم .................لانو من غير المعقول ماعندكش اصدقاء او راح اعطيك فكرة ............لمي دراهم دورو على دورو واشري بورتابل فيه الويفي وكونكتي على راحتك في الليل والنهار ..........وزيد ماراهاش الحالة كارثية كما وصفتها على الاقل راكي منتاسبة لمنتدى في النت وطرحت مشكلتك هنا غيرك لو كان يشوفها لمست الكمبيوتر يقطعولها يدها وغيرك عندهم اباء محرم التلفاز والنت والتلفون حتى يتزوجو بناته ......................احمدي ربي يا طفلة ..........راكي بقيتي فيا ادا حبيتي نشريلك تلفون فيه ويفي ...........وادا ماعندكش صحابات انا نولي صحبتك ........صح انا كبيرة ومتزوجة لكن .....صحبتي ممتعة ....هههههههههه شفتي راني نشكر في روحي .........بكل بساطة ارمي الهم مورا ظهرك وعيشي ...........والله الهم اللي فوق ظهري انا اللي عندي 26عام راه كي الجبال و من اللي كنت قدك مش غير من دوركا و مع هدا لازم نفوت وندوبلي المشاكل باش نعيش .......ابتسمي .....اختي حتى حاجة في الدنيا ما تستاهل ..........

[wafa16]

اختي راني فاهماتك لكن اغلب الاسر الجزائرية تعاني من هده المشاكل و الضيق كلانا
لكن حداري تفكري مجرد تفكير في الانتحار راكي صغيرة و الحياة كاملة قدامك و راكي تقولي تلميدة ممتازة الله يبارك
تكملي قرايتك و تخدمي و تحققي احلامك و تشري واش تحبي
و يجي نهار اديري دار و دراري و تسيري مملكتك كيما تحبي و هدا يبقى ماضي للنسيان
و خديها نصيحة من عندي القادم انشاء الله احسن و هادي هي الدنيا اللي ما عاشش في صغرو ربي يعوضو في كبرو و الدنيا تدور
المهم خلينا من فكرة الانتحار على خاطر تطفر غير فيك و ما تصيبي باش تقابلي ربي

[ام عبد السلام]

يا اختي
راكي هانية
احمدي ربي على والديك
قولي ربي يعيشهوملك
و سقف يستركم
و اخوة
كاين اللي مشتاقين
ريحة والديهم
و الا ريحة خو
ربي يهديك
كاين بنات يتمناو يقراو حرف
و يتمناو صحة و عقل
واش خصك بنتي
شباب و صغر و عقل
اشغلي عقلك ياشياء تفيدك
تقربي لوالدتك
و انا متاكدة
قلة المادة عند اسرتك
و خوفها عليك
خلاها تتصرف هكا
اما والديك يحبوك
و زيد الابن الاكبر
مدلل
حال كل العائلات

[imane rehana]

السلام عليكم و رحمة الله تعالى و بركاته

أختي هل صحيح تفكري في الانتحار ؟
أرجوك لا تفعلي
ان الانتحار حرام يا أختي

هل فكرت بماذا ستجدين أمامك عندما تنتحرين؟

هل تعتقدين أن الله تعالى سيرضى عنك ان انتحرت؟

هل سيكون حالك أفضل مما أنت عليه الآن؟

أنت تريدين أن ترتاحي.لكن بالله عليك أختي أين الراحة في الانتحار؟

هل فكرت في الألم؟أو تظنين بأنك لن تتألمي ؟

هل فكرت في لحظة اخراج الروح من الجسد ؟

هل تعلمين كيف هي عند أهل الجنة و عند أهل النار؟

و اذا ذهبنا الى جانب الدنيا.هل تظنين أنهم سيعطونك الحق؟لا أبدا
هل تظنين أنهم سيحزنون عليك طويلا؟مع مرور الوقت ينسونك وكل واحد فيهم يسعى لكي يدخل الجنة؟وأنت؟أين؟
كل شيء يرجع كما كان و كأن شيء لم يحدث.

أنت ترين أن هذه مشاكل كبيرة بالنسبة لك.لكن هناك من يراها جنة ونعمة .لأن فيها نعم أنت لم ترينها والكثير منا يراها الآن.ان القناعة هي سر السعادة.

تذكري أختي من هم أسوأ حال منك وأسوأوأسوأ و................................................. ..............................................
وهم يحمدون الله والله يزيدهم من فضله العظيم.تذكري قوله تعالى:{ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيد}

أختي ان النفس لأمارة بالسوء
لا تستسلمي للشيطان
هل تسمحي له النيل منك ؟

هل نسيت بأن هنالك الرحمن الرحيم الذي هو أرحم عليك من نفسك؟أنظري أنت تريدين ايذاء نفسك والله تعالى حرم هذا.
حفاظا على أنفسنا.الحمد لله.
اسمعي أختي كلنا لا يمكننا أن نكون أرحم من الله تعالى عليك.انه هو الرحمان الرحيم.
أختي لو أحسست أنك بحاجة الى أي شيءتوجهي الى الله رب العالمين وصلي وادعي و ابكي و قولي كل ما في قلبك و اشعري برقابته لك .....وتأكدي أنك باذن الله سترتاحين.

آسفة لقد أطلت عليك.أرجو أن تقبلي مروري

أختك ايمان

[karima ikram]

أختى نحي من بالك هاذ الفكرة والله كامل رانا اكثر منك وصابرين حااولي تشغلي وقتك بحاجة تنسيك وخلااص وماكاش حاجة خير من أنك ديري ربي في بالك هو الفتااح والرزاق والوهااب ماديري والوو في بالك

[نسمة تفاؤل]

اختي الله يهديك واش هذا التفكير فكري معايا علاش خلقنا ربي ايا جاوبيني فهل خلقنا لمجرد اللهو فانا فهمت بانك لاتستطعين مشاهدة التلفاز الا بخروج الاخ او استعمال الكمبيوتر خلييييييييييييييييك من فكرة الانتحار راكي ممتازة في دراستك وزيد العام الجاي عندك بكالوريا ماذابيك تزيدي تقوي ايمانك بالله على خاطر اللي يفكر في الانتحار اكيد انو ناقص دين راكي تعرفي بلي حرام امالا نحي هذي الفكرة نهائيا من راسك ويااختي احمدي ربي راهو عطيك الصحة تخيلي لو كان جيتي غير قادرة على المشي او لاتبصرين احمديييييييييييييي ربي على نعمة الصحة وعلى نعمة النجاح والتفوق نقولك واش تديري تحسي روحك مرتاااااااااااااااااااااااحة روعة ومهنية وتحسي بسر وجودك في الحياة انصحك يااخيتي باغتنام هذه الفرصة فرصة العطلة في حفظ القرءان ولو اية في النهار وعليك بالذكر والمحافظة على الصلاة قلت الصلاة مانلقاش وين نصليها ياخيتي صليها في غرفتك وحاولي تتحصلي من عند كاش واحدة تربح الباك هذه السنة على كراساتها واطلعي على دروس العام القادم حاولي حفظ المواد التي تستدعي الحفظ فسر وجودنا يااختي هو عبادة الله فاعيدي التفكيرواقضي على هذا الملل جربي واش قتلك ورايحة تربحي صدقيني واصبري وماتعمريش راسك بوساوس الشيطان فامك تحبك وتخاف عليك مهما يكون تبقى امك فعليك بطاعة الوالدين والعمل على ادخال الفرحة لقلوبهم ان شاء الله بحصولك على البكالوريا بمعدل ممتاز وترفعيلهم راسهم ربي يوفقك

[بثينة 123]

السلام عليكم
ان تصبري على هذه المشكلة الصعبة فهذا شيئ رائع واما ان تفكري في الانتحار هذا شيئ حرام ربما يكون هذا البلاء اختبار من عند الله لرياك ان استسلمتي وفكرتي في الانتحار ام تصبري وتدعي لله اختي انا ثانيك راني نعاني من الروتين حنا عندنا طوموبيل بصح ما نخرجوش قاع من الدار ملينا بصح انا راني صابرة ونصلي وندعي ربي

[AMINA.Z]

يا اختي العقلية صعيب بزاف باه تبدليها

امك و ابوك عندهم نفس عقلية اغلب الجزائريين

الحوار معاهم ما يفيدش

الحاجة الوحيدة اللي تفيد القناعة

شوفي اختي انا كون في بلاصتك هادا واش ندير

حاولي تطلبي من الوالد يشريلكم تلفاز و لو صغير تحطوه في بيتكم

و اذا ما قبلش معليش اقنعي بالساعة و لا الزوج اللي تطيروها

احكي مع خوك و قوليلو كي يستعمل المحمول يروح لبيتكم و انتوم اتفرجو

حاوليه اذا تحتمت

النصيحة الاخرى اقتلي الفراغ و حاولي تتعلمي حرفة تعقبي بيها الوقت خياطة و لا كروشي

و اذا هادي تاني ماصلحتش اصبير عام تدي الباك و تروحي للجامعة و صدري دراهم المنحة و اشري محمول

و انتي تهنيتي

علابالي راكي تشوفي الناس كيفاه عايشين بالصح الله غالب صباع يديك ماش كيفكيف

كل واحد كيفاه بلاه ربي تكبري و تنساي

خاصة حوايش كيما هادو ما عندهم حتى قيمة و ماراحش ياثرو فيك بزاف

حكاية الانتحار تضحك و الله كيفاه يا لالة راح تقابلي مولاك و تقوليلو انتحرت بويسك والديا ماكانوش كيما كنت حابتهم

اييييييه يا اختي راكي في نعمة كي والديك راهم عايشين برك مام ماهمش مثاليين

الصبر يا اختي

[terrou]

اختي راكي مكبرة
الموضوع فوق حده