القطايف بالمكسرات من مطبخي

[hanouna2011]

مساء الخير اخواتي
اتمني ان تكونو بخير
ها انا وفيت بوعدي وجبت لكم مقادير وصفة القطايف بالمكسرات
هده ممكن تكون طريقة جديدة وجميلة جمال الشكل الي نحصلو عليه في الاخير
قصدي مش كما تاع الصينية
المقادير
القطايف سورية 500غ تباع (100دج)
مقدار سمن + مارغرين باش نسقوه
الحشو
3كيلات (لوز+جوز ) يعني 2 لوز و 1 جوز
كيلة سكر عادي
مغرف كبيرة فاني
ماء الزهر
(عسل+ ماء الزهر ) باش نسقوه لما تطيب
طريقة التحضير
اولا لازم نشري القوالب مثل هادي

تباع 30 دج للحبة الواحدة

نحضرو الحشو بخلط كل من اللوز والجوز والسكر والفاني ونبلل بماء الزهر
نأتي الان بالقطايف او اللمش مثل مايسمي في بعض المناطق
نقوم بقطعها طوليا حوالي 10 او 12 سم (مثل الشعر)
نضع كمية في الوسط من الحشو ونغلق جيدا
ونضعها مباشرة في القالب ونضغط شوي
وبعدها نسقيها بملعقة سمن
ونحطوها تطيب بعد مانكونو سخنا الفرن جيدا
لما نلقاها بدات تتحمر نحوها وهي سخونا نسقيها بخليط العسل+ ماء الزهر ساخن حوالي ملعقة كبيرة
ونتركها في قوالبها حتي تبرد ثم نقلبها علي وجهها
لشرح اكثر لطريقة التحضير زورو هاد الموضوع
لانو الطريقة تشتبه
https://www.djelfa.info/vb/showthread.php?t=763032
ونزينها بالفستق كما في الصورة

شهية طيبة
ادا فيه ملاحظات خبروني

[ياربي اني راضية]

يااختي ربي يعطيك ماتتمناي راني غير كي شفتها في عرس ومتت عليها لخاطر نعرفها بلا لمول وماتجيش متحوفة ومسوية كما هاك
قوليلي اختي 500غ شحال تجي من حبة
وطيب غير من التحت
وشحال من وقت وربي اهنيك روووووووووووووووووعة كنت متشوقة وقتاش تحطيلنا الوصفة وفي انتظار المزيد

[*أم كوثر*]

هااايلة حنونة و تشهي و مشكورة على الشرح الوافي
لكن وضجي الخطوات اكتر
لانو انا اعتقدت في الاول انك نسيتي تذكري الحشو
الف الف شكر

[hanouna2011]

اسعدني مروركما حبوبات
بالنسبة للطياب قلت الفرن يكون 180درجة سخون بزاااااااااااااااف
ولهدا غير نحطوهم يطيبو بالخف وفي بعض الاحيان جيبي مغرف وقلبيهم شوفي ادا طابو وتحمرو ورديهم
شوفي علي حساب نوعية القطايف كما انا تخسرلي بزاف رغم اني نحطها في الفريزر ونجبدها قبل ساعات كثيرة
علي كل انا تجيني حوالي 30 الي 35 حبة
وتولهي مليح غير تغطيهم باش مايخرج الحشو
حقيقة presentable
وانا خدمتهم لخطبة اختي دهشو فيهم

[nada nina]

يعطيك الف الف صحة حنونتي على هذا الاتقان

[hanouna2011]

هما ساهلين ونقدر نخدم 200 حبة في اليوم فقط المشكل
في القوالب غالييييييين بزاف يعني نتعطلو غير نخدموهم

[yousra26]

شكراااااااااااااااااااا جعلها الله في ميزان حسناتك

[ميرثا]

ممكن اختي قداش تقعد فالفرن فالمتوسط
يعطيك صحة على الوصفات ربي يجعلهم في ميزان حسناتك

[hanouna2011]

الله يسلمك اختي
من 20 حتي 30 دقيقة
حسب نوع الفرن تاعك
لكن لازم يكون سخون مليح

[نسيبة 2009]

اختي بارك الله فيك
كي نحطي الحشو تلوي بالطول ولا العرض

[hanouna2011]

اكيد بالطول تقطيعهم مثل شرائط وتلوي حتي يتغطي كل شئ

[remadna]

يعطيك الصحة على الوصفة و النصائح
نسيتي بعض التفاصيل على ما أظن : كيفية و طريقة وضعها مع الحشوة في المول
جعلها الله في ميزان حسناتك

[ام محمد78]

[نسيبة 2009]

المارغرين راكي ما ستعملتيهاش

[الصوامعية]

خرجولك هايلين متحوفين ومتقونين يعطيك الصحة