اسكندرانيات الكاوكاو حلوى اقتصادية سهلة والذوق رااائع

[ام اماني77]

بسم الله الرحمان الرحيم

كيف حالكن اخواتي ان شاء الله الجميع في تمام الصحة والعافية.


جبتلكم اليوم وصفة اسكندرانيات الكاوكاو اقتصادية وسهلة والاهم ذوقها هاااايل يعملوها بزاف في الاعراس والمناسبات
كاين لي يسموها غريبية المورقة حبيت نوضح ان غريبية الورقة مكونات الحشو مختلفة تماما هي عبارة عن عجينة الغريبية ونغلفوها بالعجينة ان شاء الله نعطيكم الوصفة في الايام المقبلة.

https://

مكونات العجينة:

5 كيلات فرينة
كيلة سمن ذايب وبارد
رشة ملح
ماء+ماء الزهر

الحشو:

3كيلات كاوكاو محمص
كيلة سكر احرش

الطريقة:

اولا نحضر العجينة

نحط الفرينة ورشة ملح ونضيف السمن ونسسسهاجيدا ونلمها بخليط الاء وماء الزهر لازم العجينة تكون متماسكة جيدا ماشي طرية
نغطيها ونخليها ترتاح
من جهة نحضر الحشو

اولا نرحي كيلة سكراحرش في الروبو من بعد نضيفله 3 كيلات كاوكاو محمص لازم يكون محمص مليح حتى يعطي ذوق جيد للحلوى ونرحي حتى الكاوكاو يطلق الزيت ونتحصل على عجينة مالازمش نرحيه فوق الللازم لان راح يولي عجينة سائلة مانقدرش نشكلها

لازم نتحصل على هذا الحشو

https://

الان نفوت العجينة في الماشينة من الرقم 1 حتى 6 لازم تكون رقيقة لي ما عندهاش الماشينة ترقق العجينة بالحلال لازم تكون رقيقة كيما البقلاوة

نحط حربوش من الحشو

https://

ونلف دورة ونصف ونقطع العجينة الزائدة ونستعمل بياض البيض حتى نغلق الحربوش

https://
نعدل الحربوش ونقطعه مقروضات

https://

ندهنها من فوق بشوية بياض بيض ونرش عليها شوية كاوكاو


نترك الحلوى ترتاح لعدة ساعات وممكن نخليها ليلة كاملة من بعد نطيبها على 150د لازم ترقبوها اثناء الطهي لانها بسرعة تطيب

بعد الطهي نخليها تبرد ونقدمها بلا مانعسلها


وهذا شكلها النهائي

https://
انا هنا ماحطيتلهاش الكاوكاو من فوق بعد ماطابت ادهنتها من فوق بشوية جولي وزينتها بالبيستاش

https://

عن قرب

https://


ان شاء الله تعجبكم وتجربوها لانها بنينة بزاف وسهلة في تحضيرها

في الاخير نقولكم صح عيدكم وكل عام وانتم بخير ولاتنسوني من صالح الدعاء ولكن بالمثل