وصفات حراير الكوزينة الجزء الثاني

[idron0]

خبز النخالة زينب 38

الخبز راهو ساهل كيلة فرينة و كيلة دقيق القمح الأسمر و نص كيلة نخالة و شوي زيت الزيتون و ملح و مغرف خمارة و و حليب دافئ ، تعجني و تخليه يطلع و امباعد تقرصيههو تخليه يطلع تدهنيه بزيت الزيتون و الى الفرن ،يكون سخون .


إضغط هنا لرؤية الصورة بحجمها الطبيعي.

[idron0]

عصير الجزر um alaa


jus de carotte روووووووووعة اقتصادي وبنييييين
عائلة زوجي هبلو عليه و حتىواحد ما فاق بلي تع الزرودية
المقادير
1 كيلو ونصف جزر مقشر و مقطع صغير
عصير نصف كيلو من الليمون
500 غرام من السكر
2 yaourte ذوق خوخ
ماء
في قدرة نحطو الجزر و الماء (حتى يتغطى الجزر) و نحطوه يغلي كي يطيب الجزر نرحيوه بالميكسور مباشرة بالم ديالو نضيفولو السكر و عصير الليمون و نزيدو نرحيو مليح نزيدو نضيفو الياووغت و الماء(كمية الماء على حساب كيفاش تحبي ثقل العصير) نحطوه يبرد في الثلاجة
نقدرو نحتفظو بيه 8 ايامفي الثلاجة هدا دا قعد ههههههههه
كل ما تكونيرايحة تقدميه عاودي ارحيه بالميكسور
ادا دا درتيه خفيف راح يمدلك حتى 6لترات و التقيل 4 حتى 5 لترات .

[serine14]

يعطييييك الصحـــــة يا أم ماجد ربي خليلك صحيييييحتك وفرحــــــك بويلييييييداتك اميييييين يارب العالمين على المجهـــــود الذي بذلتيــــــــه شكــــــــــــــــــــرا.

[idron0]

التاي ام عروة

تسخني الما قبل حتى قريب يغلي، من بعد تنحيه على النار وديريه في كاس او طاس، جيبي كمية من لاتاي أنا نستعمل المروان أو الراقي، حطيه في صفاية وديريه فالطاس، يعني الصفاية تكون مغطوسة فالطاس تاع الماء، وخليه مدة 10 دقائق على حساب كيما تحبيه قاسح نص نص، انا درت م كبيرة في هاداك الطاس زوجي يحبو صحراوي،
وكي تذوقيه وتلقايه اوك، سكريه أو حليه حسب ذوقك ومنبعد كشكشيه، يعني جيبي طاس فارغ او كاسرونة,,,,,الخ، وبداي تفرغي لاتاي من طاس لطاس كيما زعما كي تبردي حليب اوووو، حتى تتحصلي على الرغوة

والطريقة الساهلة، جيبي لبرا لي نرحو بيه، وديريه فالطاس وخلطي حتى تطلع الرغوة
وهدا هو لاتاي ممممممممممممممم.


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[minina2601]

ما شاءالله بارك الله فيكن جميعا
سبحان الله وبحمده سبحان الله العظيم

[oum didou]

merciiiiiiiiiii bcp

[idron0]

روز بالكابويا ام رحاب

تحطي في الكوكوط البصل مرحي وزيت وخليهم يتقلاو شوية مع التوابل هي فلفل اسود ملح وراص الحانوت ورقة رند امبعد حطي اللحم ولا الجاج واتخليهم يتقلاو مع البصل وامبعد مرقي واحطي الكابويا والبطاطا هادا ايلا درتي الجاج ويلا درتي اللحم لازم اتخلي اللحم كي ايعود رايح ايطيب حطي الخضرة تاعك انا درت كابويا وبطاطا انت تقدري اديري واش حبيتي واتخليهم ايطيبو وماتنسايش الطوماطيش المصبرة
وكي تعقد مليح المرقة تاعك اطفي عليها
والروز انغليه امبعد كي ايطيب نص طياب وانعاود انصفيه وانفورو وكي ايطيب ندهنو مليح وانسقيه .

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

لاتاي oum radja

هو اسهل حاجة حنا نشربوه كل يوم بعد العصر
ديري الما يغلي,وجيبي البراد تاع لاتاي ديري فيه زوج مغارف كبار ولا 3 من اوراق الشاي وشللي بالما مغلي يعني ديري عليه قيس نص كاس ما مغلي وحركي البراد مليح و فرغي هاذاك الما ارميه وعمري البراد تاعك بالما المغلي و خليه فوق النار تكون قليلة وخليه يغلي مليح
غي هاذ الوقت جيبي النعناع اخضر ولا يابس كيف كيف اغسليه بالما بارد وديريه في براد لاتاي يكون غلا مليح وولا لونة غامق شوية كل واحد كيفاش يبغيه وديري السكر في الكاس يعني ممكن نص كاس يكفي وعمري عليه لاتاي و رجعي للبراد وكرري العملية حتى يتخلط مليح و ذوقي وشوفي اذا ناقص سكر زيدي
نتمنى تعجبك طريقتي
وتقدري تغلي لاتاي في كاسرونة وديري غير النعناع في البراد وتزيدي عليه لاتاي سائل برك يعني بدون اوراق وتخلطي السكر
وهاذوك الاوراق تزيدي عليهم مغرف صغيرة من الاوراق اليابسة وتعاودي تغليهم .

[idron0]

الرفيس القسنطيني oum loudjeine


3كيلات سميد وكيلة زيت وشوية ملح بسيه مليح وبليه بماء زايد ماء زهر.ادهني صينية بالزبدة واطرحيه وطيبيه حتى يحمار.
فتيه بيدك ومن بعد ارحيه او هرسيه بالمهراس صيريه بالسيار وحطيه يفور.
كي يفور بخيه بشوية زهر وزيدي حطيه يفور.
كي يفور زيدي بخيه بشوية حليب وزيدي حطيه يفور.
كي يفور ديريلو عسل وزبدة وزينيه بمكسرات مدشدشة او سكر رطب وتقدميه مع لبن.
نتمنى تجربيه لانو هايل حنا نديروه في لعراس ونطيبوه في بلاطوات تاع المقروض عند الخباز.

[x ام رحاب x]

شكرا اختي اندرو على كل الجهد الي راكي اديري فيه جعلها الله في ميزان حسناتك اني احبك في الله اختي

[idron0]

لقراتان تاع البطاطا والسلق ام رحاب

ديري كيلو بطاطا اقليه ولازم اتكون الحبة مقطعة مدور
واجيبي السلق فوريه واعصريه وامبعد دوزنيه رابي حبة طوماطيش واسكرفجيلو 2 سنات ثوم وديري الملح فلفل اكحل وخليه يشرب لاصوص وامبعد اسكرفجي فوقو الفورماج واحطيه بجيه دوك جينا لصدر تاع الجاج قطعيه رقيق واقليه دييلو ملح فلفل اكحل واخليه ايطيب مليح وزيديلو معدنوس ايكون مقطع رقيق وكي ايطيب جيبي السنيوة الي تدخل للفور حطي البطاطا من تحت وديري في الوسط السلق فوق السلق ديري الجاج تاعك والطبقة الاخيرة غطي بالبطاطا وجدي لاصوص بيشامال تكون ثقيلة واغطيها من فوق وذرذري الفورماج وان شاء الله تعجبك طريقتي.

[ome loudjeine]

بارك الله فيك اختي على المجهودات ربي يجازيك كل خير.

[idron0]

المشاركة الأصلية كتبت بواسطة x ام رحاب x

شكرا اختي اندرو على كل الجهد الي راكي اديري فيه جعلها الله في ميزان حسناتك اني احبك في الله اختي

احبك الله الدي احببتني فيه, اللهم ظلنا بظلك يوم ل ظل الا ظلك
بارك الله فيك انت كدلك و كل الاخوات على وصفاكن و جعلها الله في ميزان حسناتكن ااااااااامين.

[idron0]

ترقاد الزيتون ام ياسين الزهراء

الزيتون كيترقديه تقدري تقعدي 3 ولا 4 ايام وتبداي فيه ادا انتم كيما احنا ملهوفين وادا انتم ماشي كيما احنا خليه 10 ايام وابداي فيه هو كل مايطول كل مايدخلو الخل والملح وطيب الخضرى اللي فيه وادا عندك كمية كبيرة ولا انتم شوي برك ماشي كيما احنا الله يبارك فينا الكل ديري الزيتون اللي تنحاتلو المرارة في بيدون وعمريه ماء وكثري فيه الملح بزاف بزاف وحطيه في بلاصة مافيهاش الضوء وخليه راهو يقعد حتى عام الملح هو اللي يحفظو ونهار تحبي تستعمليه اجبديه وشليله من الملح وديريلو الخل والخضرى وماديرش برك الملح راني هكى نخبي الزيتون ونجبدو كي يروح ونزوخ بيه ههههههههههههههههههه

[idron0]

سمك التونة lyzzabel

سمك التونة بعدما تنقيه مليح و تغسليه خليه يقطر و وجدي الحشو لي هو سنات ثوم رابي كثري و ربطة معدنوس مقطع رقيق و ملح و فلفل اسود و كمون و زيت الزيتون و عصير ليمونة ،، خلطي ملييييح و ديري فتحات على سطح السمكة من الجهتين و دخلي فيهم شوية مالحشو و ديري تاني الداخل مكان المصارن لي نحيتيهم و ادا بقاتلك الحشوة زيدي أطليها من فوق على الجهتين و ادا كملتلك ديري رشة ملح و فلفل و كمون ،، حطيها في طبق الفرن و غطيها بالالمنيوم ،، النار تاع الفرن ما تكونش قاوية بزاف و خليه يطيب في لا ماغيناد تاعه و ما تقلبيهش ،، و ادا السمكة كبيرة بزاف ضيفي غيييير شويييية ماء ،، تقدري تزيدي دوائر تاع طماطم و نوصيك ما تديريش معاها ترونشات الليمون راهم يطلقو المرارة و مين يطيب قدميه في صحن مع ترونشات الليمون و أوراق السلطة الخضراء للتزيين.
و ادا بغيتي تشويها قطعيها دوائر رقيقة نوعا ما مشي بزاف و تبليها بالملح و الفلفل الأسود و الكمون ،، عامة السمك الأزرق يحب الكمون ،، و ما تنسيييييش رشة زيت الزيتون باش ما يلصقش و اشويه على الجهتين حتى يتحمر على نار اقل من المتوسطة و قدميه مع الليون و زينيه بالمعدنوس و بالصحة على قلوبكم.