يا لُغة ناسْ الوطن رآه هانوك***** وأنْت ربي عـــازًكْ بالقُـــرآني
حفظوا لُغة سيدهم وأنت ينسوك***** أولــيداتْ فرانسا يا تشطــــاني
حبًووا لغةْ ميـرسي و أنْت كرهـوك***** وشْ خليْتوا للوطنْ يا عدْياني
يا مصْعبْ تخْطيطْهُمْ رآهمْ سلخوكْ*****نهْبوا ذا الخيراتْ والناس أتْعاني
يا وطني وقْتْ المحاين ما يحموكْ***** ويرُوحوا لفر نسا يا حنًـــاني
وأحــنايا بأرواحْنا لازم نفْــدوكْ***** يوْم الحــزًة رآكْ تلقى البُرهــاني
ناسْ النًمْسا لُغتـــي رآهُمْ نطْقوك****** تبقى ذكْرى خالْدة في الزمــاني
حكمةْ ربي باشْ عــديانكْ يحيُوكْ*****حفْظكْ بالقرآن عُمْر:ْ تتْهاني
وأنت يا دستورنا رآهم خدعوكْ***** ذا نوفمبر فيــه كان البـــياني
عاللغة والدًيـــنْ والراي المبْروك*****الرًجالة قاوموا ذا النيـــراني
نعْتْ فريسة ذا الذًيــــابة خطْفُوكْ***** وايسرْبوا خيْراتْنا للبــــرًاني
سكْنوا باري عيشْهُمْ عيْش الملُوكْ***** يتْمتًعْ بدْراهْمك ذا الشيْـطـاني