خبز الدار بدون لمس العجين

[ام سراج وملاك]

كيما واضح من العنوان هذا الخبز ميتعجنش باليد طريقة تحضيرو تشبه للمسكوتشو هنا نمدلكم مقادير 2 صينيات نتاع فور انا درت نصف الكمية نتاع المقادير لتحب تجربو اول مرة تجرب نصف الكمية
4 بيضات + 4 كيسان حليب دافي + كاس زيت + 3 مغارف كبار خميرة الكسرة + ملح + 4 مغارف سكر عادي + بالتقريب 8 كيسان فرينة او اكثر



اول شيء نطلع بالبتار البيض مليح نضيفلو الزيت وخميرة والسكر والملح نضيف لحليب الدافي ونبقى نخلط حتان دير رغوة نحبس من البتار ونبدا نضيف الفرينة حتى نتحصل على قوام يتلاصق نكونو سخنا الفرن كي يسخن مليح نطفيو عليه نشدو صينية وندهنوها بالزيت ونرشو الفرينة مليح باش ميلصقلكمش بواسطة ملعقة نفرغ الخليط في صينية ونبقى ندهن الملعقة بالزيت ونمشي لعجين كي نكمل ندهن العجين بخليط صفار بيض وشوي قهوة طايبة ونرش جيلجلانية من فوق وندخلو لفرن طافي لي سخناه من قبل باش يخمر كي نلقاوه خمر نطيبوه مباشرة رايحين تتحصلو على اخف خبز الدار شفتوه وطعم رائع بصح متنحيوهش من صينية مباشرة خليوه يبرد ومبعد قلبو الصينية فوق الطرشونة يتنحالكم بكل سهولة تقدرو تزيدو فيه قشور القارص ووسكر لي يحب لحلاوة في العجين وتشربو بيه لحليب صدقوني ميتعبش خلاص وزيد خفيف بزاف منطولش عليكم ونخليكم مع الصور

















هنا في هذي المرحلة يدخل يخمر في الفرن بعد مندهنوه





هنا راهو واجد شوفو واش خفيف



الوصفة المصورة

[اسيل الباتول]

رووووووووعة اختي ام سراج وملاك في ميزان حسناتك

[ام ايمان 11]

يعطيك الصحة رووووووووعة. تسلم ايديك .

[fadila34]

ماشاء الله روعة ام سراج وملاك ويعطيك الصحة كل شىء من يديك 44444444444444 ربي يحفظك ويخليك

[om mouez]

ممممممم يشهي وباين خفيف كي لقطن ان شاء الله نجربو ربي يعطيك ماتتمناي ويحفظلك سراج وملاك

[الجمان]

يعطيك الصحة رووووووووووووووووعة

[أم ماجد]

ماشاء الله عليك
سهلتيلنا الامور ربي يسهل دربك
كون زدت درتيه وصفة مصورة

[كريمة الجزائرية 48]

جاك رووووووعة مشكورة اختي وجزاكي الله كل خير

[دموع تائبة]

روووعة يعطيك الصحة
باين خفيف وهشوش

[حياة نور الدين]

بااااارك الله فيك ورووووووعة يستاهل التثبيت واحلى تقييم

[أم ياسين الزهراء]

يبان هايل ونضن بريوش ربي يحفظك وصفاتك دايما ناجحة وهايلة يااحلى شاف

احلى تقيم ليك

[sarafouad]

baraka allah fik konte nhawesse 3lih merci

[sabrina206]

كلي ثقة بوصفاتك الممتازة و المتميزة
الله يبارك فيك و الخبز باين هايللللللل و خاصة ك ساهل ههههههه ما شاء الله عليك
شكراااااااا

[oum islem]

يعطيك الصحة ام سراج هايل وسهل وسريع كما نحب
جعلها الله في ميزان حسناتك
بارك الله فيك وفي صحتك واصلح ذريتك
يستاهل التقييم والتثبيت

[الرجاء الاماني المجد]

الله يبارك ام سراج ان شاء الله نجربو