الجزء 158 من وش طيبتي اليوم كوزينت المحبة والاخلاص - الصفحة 3

wahibaazel · 2016-01-16, 07:47

ام سوهيل ربي يفرج عليك بسكن ولكل المحتاجين امين ،اطباقك ماشاء الله ،
البنات ماشاء الله عليكم تسلم الايادي
الغدا عندي بيون وراني نخمم واش نزيد معاه ،ربما حميس الفول ونشوف كاش معجنات عندي سكالوب

wahibaazel · 2016-01-16, 07:49

ام جوجو صباح الخيرات ،اللهم لك الحمد ،ثلج ولا مطر المهم صبت وتبلت الارض شوية اللهم لك الحمد.
ذك نبعثلك شوية كسرة مع الثلوووووووج باذن الله يزيييييد يحكككم .

omjoujou · 2016-01-16, 08:14

اقتباس:

المشاركة الأصلية كتبت بواسطة wahibaazel

ام جوجو صباح الخيرات ،اللهم لك الحمد ،ثلج ولا مطر المهم صبت وتبلت الارض شوية اللهم لك الحمد.
ذك نبعثلك شوية كسرة مع الثلوووووووج باذن الله يزيييييد يحكككم .

اكيد حبيبتي وهيبة ثلج ولا مطر المهم تبلت الارض ان شاء الله تكون امطار رحمة وخير علينا والله فرحت كي شفت لمطر والثلج يصبوا
راني نستنى في الكسرة

ام سوهيل · 2016-01-16, 08:21

صباح الخير عليكم لبنات وش راكم اسمحولي مرجعت والو عندي قضين وعندي خرجة لعشية ضرورية نكمل قضياني ونراجع مرحبا بيكم الدار داركم

روضة 88 · 2016-01-16, 08:31

صباح الخير عليكم جميعا

ام سوهيل الف مبروك عليك الجزء الجديد من الكوزينة ان شاء الله تكون فال خير عليك و يرزقك ربي بالسكن الواسع.

يعطيكم الصحة. لما شفت تارت الليمون انتاع ام نور الهدى تفكرت تارتلاتي اةل مرة نديرهم في حياتي درت تارتلات الليمون وش نقلكم درت عجينة ام اماني تحفففففففة يذوبو في للفم مع كريمة الليمون انتاع الهام واأااو خرجو روووعة خفة وبنة المهم الميرانغ محبش لما حمرتو محبش يحصل في الكريمة يبان كلي طيبتو وحدو وحطيتو من فوق برك يا ترى وين المشكل.

الزوجة البارة · 2016-01-16, 08:43

مبروك الكوزينة الجديدة لعقوبة لدارك و داري ياااااا ربي
راح نكون معاكم في هذي الكوزينة بربي نتمنى تتقبلوني معاكم

omjoujou · 2016-01-16, 08:52

يلا لبنات راني جبتلكم الدوبارة تاع الفول هذوين طفيت عليها امممممم مانحكيلكمش على البنة ومع هاذ البرد والثلج تصلح غير هي راه مزال الحال لي بغات تعاندني وديرها لغدا في اقل من ساعة ونص توجد

omjoujou · 2016-01-16, 08:54

يسعدلي صباحكم حبيباتي
ام سوهيل روضة الزوجة البارة
روضة انا تاني مفهمتش المشكل كي محبتش الميرانغ تلصق في كريمة الليمون خخخخخ

wahibaazel · 2016-01-16, 09:07

صبا ح الخير لكل الملتحقات.
ام. جوجو ياالفحلة ماشاء الله عليك الدبارة تكتل تعيشي هذا الفول اخضر او المقشر عمري ماعملتها اذا امكن الطريقة حبيبتي نموت على الفول وحابة نجربها باذن الله .