طريقة تحضير الرُبْ

[الأمنيات]

السلام عليكم
اليوم جبت لكم وصفه الرُبْ او الدبس او مربى التمر كل واحد واش يقول له
والتمر الي نحتاجه هو نوع معين يجي بيه مش الدقله لا لا يجي لونه رايح للاسود كي لون القهوة هههه
في بعض المناطق يقوو له الحْميرٰه
ناخذ كميه منه تقريب زوج كلغ نغسلها ونديرها في قدر كبير لانه لازم يطيب مليح واذا حابه اختصار ديري كوكوط
المهم انا درت في قدر وعمرته ماء وخليته يطيب حوالي ست الى سبع ساعات
كي يطيب خليه يبرد من بعد تحكمي قماش نظيف كي تاع كمادات نقولو له شاش وتصبي فيه التمر مع ماء تاعه
وتبقي تعصري فيه حتى ما يبقى غير النواة والقشور
وتعاودي ترجعيه يطيب في قدر ثقيل وتراقبيه باش ما يتحرقش لازم يطيب مليحه حتى يعقد يرجع ثقيل كي العسل
ويتقدم مع الزبده ولا دهان تاع العرب في الصباح
راه فيه فوائد مليحه لاصحاب فقر الدم ومليح للصدر

[ام محمد78]

بارك الله فيك

باااااااااااااااااااااارك الله فيك حبيبتي الامنيات على الوصفة

[أم ياسين الزهراء]

بارك الله فيك اول مرة نشوف الطريقة وراني قيمتك حنونة

[أم باسم]

يعطيك الصحة اختي على الإفادة نقدر نديرو في الكوكوطة ونقفل عليها باه مايطولش بزاف لأنني حابة نجربو و6 سوايع بزاف واش رأيك

[أم ريمة*]

ما شاءالله موضوع مفيد جدا فعلا انتى موسوعة بارك الله فيك

[اسيرة في بيتها]

طريقة سااااااااهلة و نقية .بارك الله فيك

[حبيبة امها]

بارك الله فيك على الوصفة

[omhadil]

يعطيك الصحة اختى الامنيات جاك رووووعة احلى تقييم

[الأمنيات]

المشاركة الأصلية كتبت بواسطة أم باسم

يعطيك الصحة اختي على الإفادة نقدر نديرو في الكوكوطة ونقفل عليها باه مايطولش بزاف لأنني حابة نجربو و6 سوايع بزاف واش رأيك

ايه اختي تقدري تقفلي عليه مده 40دقيقه ولا اكثر شوي شكرا لك عى الرد

[Kaito]

يعطيك الصحة بارك الله فيك

[الأمنيات]

مبغيت ندير اقتباس متعدد ماخبش الايباد يخدم لي
بصح نشكركم كامل حبيباتي وربي يبارك فيكم وفي ردودكم المشجعه
والي قيموني ام ياسين وام هاديل ربي يعطيكم الصحه

[yukimaroua]

بارك الله فيك و جزاك كل خير

[أم شيماءْ]

بارك الله فيك والله اول مرة نسمع بيه واحلى تقيم لعيونك

[دائمة الشكر]

بارك الله فيكي اختي على الطريقة حفظك الله