مساعدة عاجلة من فضلكم

[أم أولادي*]

سلام ربي يعطيكم ما تتمناو عاونوني حبيت نصبغ غرفة اولادي وحدي تحتمت نصبغها انا ولا تقعد مقشرة
حبيت دبرو عليا حبيت نقشرها ونصبغها بالvنين ونلصقلها الورق اللي يلصق في الحيط شكون جرب الورق اللي يلصق واذا مليح واذا ساهل نلصقو وحدي واذا غير مكلف ياريت تساعدوني عاااااااااااااااااااااااااااجل ولكم مني دعوة خير
دبرو عليا باي طريقة اسهل عليا صبغها

[هيام الريحان]

اختي يعني جامي خدمت الورق بصح انا جارتي كانت مدايرتوا وظك نحاتو حكملها 10 سنين عاد يطير ودارت البانتورة ستيكو وصراحة هي تكب فوقو الماء كي تنفظ
يعني صح باهي وظك خرج الورق 3d و ورق الحائط عموما غالي انت اذا قادرة ديريه ومع الزمان راكي تزيدي تبدلي ان شاء الله

[الأمنيات]

انا نعرف وحده دارته ونحاته قعد ينفخ لها ودار لها حشرات الصراصير
ما عنديش خبره اختي لا في الصباغه ولا ورق خاطيني هههههه

[salem1985]

واش تقصدي بالورق الي يلصق ولا سبغة انتاع الفايونس

[أم أولادي*]

الورق اللي يلصق

[.ام زكرياء.]

انا عندي المبديتي قتلتني بيتي قع تقشرت راني نخمم نصبغها صبيغة ضد الرطوبة خرجت جديدة وغالية مي معليش باش نتهنى صربة وحدة كرهت من الصبايغ

[السَّحابة البيضاءْ]

أختي ورق الحائظ مش ساهل تركبيه وحدك وثاني الثمن تاعو غالي مقارنة بالبانتورة ويليق يكون شروط مش غير شمّخ والصق وثاني الشوفاج في الغرفة يغير لون الورق

نصيحة استعملي الدهان وشوفي أفكار الأخوات هنا :

غرفة نوم بناتي اتفضلوا
غرفة أولادي...فكرتي وإعدادي

نتمنى كي تدهني غرفة الأولاد تشاركينا بيها

[salima14]

اختي ماننصحكش باپاپي پان فالبلاد يخسر بالخف من الميديتي ويتوسخ بالخف وغالي باش تبدليه
مرة مرة من ناحية التركاب ساهل مش صعيب
البنتورة تتقشر اذا عندك الميديتي ننصحك تعملي نص الحيط فايونص ونص بنتورة خير ونتي شوفي اللي تخرج عليك

[الماسة النادرة]

انا ننصحك انك مديريش الورق لانو اذا كانت عنك الميديتي راح يتنفخ ويطير من السور انا نفضل السبيغة