تحضيرات شهر رمضان...أرجوا المسااااعدة

[القرآن راحتي]

السلام عليكم
الله يجازيكم خير حبيباتي أنا أبحث عن روابط خاصة بمواضيع التحضير لشهر رمضان يعني كل مايمكن شراؤه قبل رمضان، أكلات محضرة مسبقا، عصائر، خضر وكل مايمكن إدخاله في المجمد، الله يخليكم لا تبخلوا عليا بآرائكم وأفكاركم والله انا ضائعة لأن المشكلة هي مجيء ضياف عندي لقضاء شهر رمضان صحيح أن عددهم غير كبير ولكن مع الصيف و ألأولااااااااد الله يعين فقط.
بارك الله فيكم

[القرآن راحتي]

أين الردود :-( :-(

[سلمى سوسو]

رابي إيكون في العون شوفي أختي تقدري تكوجلي الجلبنة وقرنون وأشياء أخرة راهي موجودة دائما في السوق أبقاي دائما مع منتدى اللجلفة نهيلك الغومة أو رمضان إيجوز يجري مشاألله لبنات و شفات توعنا رضونا كل صبع بصنعة شوية صبر كلش إيجوز

[فايزة1207]

https://www.djelfa.info/vb/showthread.php?t=1006192

[melissa lola]

الله يجعلنا نصوموه بالصحة و الهنا انا عن نحكيلك على نفسي مانوجدش حاجة كبيرة انقي الثوم ونرحيه ونكونجليه الجلبانة كيف كيف مانحبش القرنون نوجد الكورجات و الكرافس نديرهم في اكياس صغيرة للشربة كي تبقى سمانة لرمضان نشري التوابل والفريك نشري حتى 5 جاجات بما انو عاءلتي صغيرة نقيهم ونكونجليه نوجد اللحم تاع الشربة في اكياس ، لحم الجواز كيف كيف نخدم العجينة المورقة ونقسمهما في اكياس ونكونجليها نشري الكوكاو و اللوز ونحمصو ونرحيه باه ندير خبزة تونس ولا السيقار ومرات نشري بالزيادة ويبقالي حتى للعيد نرحي علبة خبز يابس ونخدم البوراك ونقسمو في اكياس صغيرة ندير 4 حبات في كل كيس علا خاطر انا فقط اللي ناكل البوراك ونكونجليه هذا ماكان ونشري حاجة انتاع مواعن جديدة فال برك تواسيري جديدة سرابت جدد ان شاء الله نكون افدتك

[اية الرحمن1988]

السلام عليكم.انا خبيت شوي عصير ليمون خاطر راه مباعد ينقص.وثاني نرحي الفراز عصير ومعجون.قشور ليمون.عصير برتقال.جلبانة.زليقو ولا لوبيا خضراء ندير بيها قراتان.وكي يقرب 15 يوم نرحي طماطم حب للشربة ونحط في كيسان جوتابل.الثوم نحبها فراش.البصلة نرحي قيس 3 ايام برك.ثاني جمدت اول مرة السلق راني جربتو منعرف يصلح ولا لا.مي جذورو ديما نجمدهم ونخلطهم مع قراتان يجو يهبلو.كاشما نزيد نتفكر نقلك.ثاني احنا الفريك نشروه من قبل شهر نقوه ونغسلوه ونملحوه.نشرو 4 كيلو ويبقالنا من بعد رمضان خاطر فريك نتاع رمضان ذوقو خلاف على فريك الايام العادية.

[سيرين 5]

كان من الأحسن تطلبي من العضوات كل وحدة تقولنا واش راهي توجد لرمضان باش نتبادلو الأفكار أحسن ؟

راح نبدأ أنا الأولى :
بما أنو هذا أول رمضان ليا في داري ما تعرفش الصراحة ؟؟؟ راني نتبع في ناس داري و في يما واش راهم يوجدو ؟؟؟
- أولا بدينا بالقارص : راه رخيس و في رمضان راح يلحق حتى ل 600 دج ؟؟؟ شرنا كمية معتبرة منو غسلتو و نحيتلو الزاست درتو في صاشيات صغار و حطيتو في الكونجيلاتور ، و الحبات عصرتهم و درت عصير الليمون في قرعة كبيرة في الثلاجة و كل مرة نجمد في قالب الثلاجة ألي يجي على شكل مربعات ، كل ما يجمد نحيهم و نحطهم في شكارة و نزيد نعمرها بالعصير و نجمدها حتى كملت الكمية و عادت عندي مكعبات تاع القارص و في رمضان نجبد قيس ما نسحق برك .
ثانيا وقت الجلبانة : الآن الجلبانة راهي جديدة و حلوة شرينا كمية معتبرة و نقيناها و حطيناها في المجمد.
ثالثا الفريك : بما أنو ألي يشريه لازم يكون يعرفلو وصيت أصحاب الاختصاص و شريت قيس ما نسحق في رمضان.
رابعا : الحميصة بما أني نخاف نطيب في الكوكوطة وصيت يما تشريلي كمية و تطيبهالي باش نحطها في المجمد لرمضان بإذن الله.
عندي الثوم بصح ما عرفتش كيفاش نديرلها ؟؟؟

و يزيدو الأخوات كل وحدة تقولنا على تجربتها في التحضير لرمضان باش هكذا نستفادو كامل بإذن الله,

[سرور2]

السلام عليكم اختي سيرين 5 اوافقك الرئي انو كل وحدة تحطلنا وش دير باش نستفادو حتى حنا كاين حوايج تغبلنا ولا ننساوها

انا عن نفسي شريت الجلبانة وجدتها في قرع في كنجراتور والتشينة ثاني شريت وعملتها عصير طبيعي جا روعة ولانو عجب الزوج شربناه بقالي غير 2قرعات واليوم دمونديت على كمية اخرى

اللحم والدجاج نشريهم يوم قبل رمضان ونقهم ونقطعهم ونحط فيسشيات وكل يوم نجبد قيس منطيب الطماطم كل ميجيب الزوج كمية كبيرو وتكون حمرى ونخافها تخسر نرحيها ونخليها تتغلى حتان يروح منها الماء وكتبرد ندسها ومرات ندوزنها وندسها الكسبر جربتو بصح كجيت نجبدو لقيتو ولالونو اسود منعرف علاش القارص مزال مشريتش والحوايج لخرى اغلبها نوجدها في نهارها لانو الزوج يحب كلش جديد اه تفكرت السلق هدون النهارات غليت 2ربطات ودونزتهم وطيبت النص والنص درتو في الكنجراتور لقيتو مخسرش املا قلت ندير كمية معتبرة وندسها ان شاء الله ربي يوصلنا لرمضان بصحة وعافية لا فاقدين ولا مفقودين

واذا تفكرت كاش حاجة نقلكم سلامي

[القرآن راحتي]

المشاركة الأصلية كتبت بواسطة سلمى سوسو

رابي إيكون في العون شوفي أختي تقدري تكوجلي الجلبنة وقرنون وأشياء أخرة راهي موجودة دائما في السوق أبقاي دائما مع منتدى اللجلفة نهيلك الغومة أو رمضان إيجوز يجري مشاألله لبنات و شفات توعنا رضونا كل صبع بصنعة شوية صبر كلش إيجوز

والله يا أختي معتمدة على الله وعلى العضوات ربي يحفضهم
بارك الله فيك على الرد :-)

[القرآن راحتي]

بارك الله فيك على الرابط وفي الأخت حبييبة، فعلا موضوع كامل ماشاء الله

[القرآن راحتي]

المشاركة الأصلية كتبت بواسطة melissa lola

الله يجعلنا نصوموه بالصحة و الهنا انا عن نحكيلك على نفسي مانوجدش حاجة كبيرة انقي الثوم ونرحيه ونكونجليه الجلبانة كيف كيف مانحبش القرنون نوجد الكورجات و الكرافس نديرهم في اكياس صغيرة للشربة كي تبقى سمانة لرمضان نشري التوابل والفريك نشري حتى 5 جاجات بما انو عاءلتي صغيرة نقيهم ونكونجليه نوجد اللحم تاع الشربة في اكياس ، لحم الجواز كيف كيف نخدم العجينة المورقة ونقسمهما في اكياس ونكونجليها نشري الكوكاو و اللوز ونحمصو ونرحيه باه ندير خبزة تونس ولا السيقار ومرات نشري بالزيادة ويبقالي حتى للعيد نرحي علبة خبز يابس ونخدم البوراك ونقسمو في اكياس صغيرة ندير 4 حبات في كل كيس علا خاطر انا فقط اللي ناكل البوراك ونكونجليه هذا ماكان ونشري حاجة انتاع مواعن جديدة فال برك تواسيري جديدة سرابت جدد ان شاء الله نكون افدتك

أن شاء الله نصوموه بخير الله يحفظك وخليك وفكرة العجينة الورقة عجبتني
بارك الله فيك

[القرآن راحتي]

المشاركة الأصلية كتبت بواسطة اية الرحمن1988

السلام عليكم.انا خبيت شوي عصير ليمون خاطر راه مباعد ينقص.وثاني نرحي الفراز عصير ومعجون.قشور ليمون.عصير برتقال.جلبانة.زليقو ولا لوبيا خضراء ندير بيها قراتان.وكي يقرب 15 يوم نرحي طماطم حب للشربة ونحط في كيسان جوتابل.الثوم نحبها فراش.البصلة نرحي قيس 3 ايام برك.ثاني جمدت اول مرة السلق راني جربتو منعرف يصلح ولا لا.مي جذورو ديما نجمدهم ونخلطهم مع قراتان يجو يهبلو.كاشما نزيد نتفكر نقلك.ثاني احنا الفريك نشروه من قبل شهر نقوه ونغسلوه ونملحوه.نشرو 4 كيلو ويبقالنا من بعد رمضان خاطر فريك نتاع رمضان ذوقو خلاف على فريك الايام العادية.

حبيبتي جزاك الله خيرا على الرد
وجاري تطبيق فكرة الطماطم في كؤوس الجوتابل

[القرآن راحتي]

المشاركة الأصلية كتبت بواسطة سيرين 5

كان من الأحسن تطلبي من العضوات كل وحدة تقولنا واش راهي توجد لرمضان باش نتبادلو الأفكار أحسن ؟

راح نبدأ أنا الأولى :
بما أنو هذا أول رمضان ليا في داري ما تعرفش الصراحة ؟؟؟ راني نتبع في ناس داري و في يما واش راهم يوجدو ؟؟؟
- أولا بدينا بالقارص : راه رخيس و في رمضان راح يلحق حتى ل 600 دج ؟؟؟ شرنا كمية معتبرة منو غسلتو و نحيتلو الزاست درتو في صاشيات صغار و حطيتو في الكونجيلاتور ، و الحبات عصرتهم و درت عصير الليمون في قرعة كبيرة في الثلاجة و كل مرة نجمد في قالب الثلاجة ألي يجي على شكل مربعات ، كل ما يجمد نحيهم و نحطهم في شكارة و نزيد نعمرها بالعصير و نجمدها حتى كملت الكمية و عادت عندي مكعبات تاع القارص و في رمضان نجبد قيس ما نسحق برك .
ثانيا وقت الجلبانة : الآن الجلبانة راهي جديدة و حلوة شرينا كمية معتبرة و نقيناها و حطيناها في المجمد.
ثالثا الفريك : بما أنو ألي يشريه لازم يكون يعرفلو وصيت أصحاب الاختصاص و شريت قيس ما نسحق في رمضان.
رابعا : الحميصة بما أني نخاف نطيب في الكوكوطة وصيت يما تشريلي كمية و تطيبهالي باش نحطها في المجمد لرمضان بإذن الله.
عندي الثوم بصح ما عرفتش كيفاش نديرلها ؟؟؟

و يزيدو الأخوات كل وحدة تقولنا على تجربتها في التحضير لرمضان باش هكذا نستفادو كامل بإذن الله,

السلام عليكم حبيبتي والله فكرتك رائعة ومنطقية
انا أيضا في داري مش مع ناسي لكن هاذ رمضان جايين عندي ضياف من أهل زوجي وأولادي صغار بزاف يعني كنت نبحث عن أفكار حتى تتفرغ للأولاد والعبادة أن شاء الله
بارك الله فيك على الرد

[القرآن راحتي]

المشاركة الأصلية كتبت بواسطة سرور2

السلام عليكم اختي سيرين 5 اوافقك الرئي انو كل وحدة تحطلنا وش دير باش نستفادو حتى حنا كاين حوايج تغبلنا ولا ننساوها

انا عن نفسي شريت الجلبانة وحدتها في قرع فيكنجراور والتشينة ثانيشريت وعملتها عصير طبيعيجا روعة ولانو عجب الزوج شربناه بقاليغير 2قرعات واليوم دمونديت على كمية اخرى

اللحم والدجاج نشريهم يوم قبل رمضان ونقهم ونقطعهم ونحط فيسشيات وكل يوم نجبد قيس منطيب الطماطم كل ميجيب الزوج كمية كبيرو وتكون حمرى ونخافها تخسر نرحيها ونخليها تتغلى حتان يروح منها الماء وكتبرد ندسها ومرات ندوزنها وندسها الكسبر جربتو بصح كجيت نجبدو لقيتو ولالونو اسود منعرف علاش القارص مزال مشريتش والحوايج لخرى اغلبها نوجدها في نهارها لانو الزوج يحب كلش جديد اه تفكرت السلق هدون النهارات غليت 2ربطات ودونزتهم وطيبت النص والنص درتو في الكنجراتور لقيتو مخسرش املا قلت ندير كمية معتبرة وندسها ان شاء الله ربي يوصلنا لرمضان بصحة وعافية لا فاقدين ولا مفقودين

واذا تفكرت كاش حاجة نقلكم سلامي

بارك الله فيك أختي على الرد
انا تاني مازال ملقيتش حل مع القصبر
بالنسبة للسلق رايحة نجرب فكرتك

[أم مبين]

يا رب تبلغنا رمضان وفكرة هايلة نستفادو كلنا منها انا بحكم الخدمة مزال مابديت في حتى حاجة لكن هاد الاسبوع ان شاء الله رايحة نبدااولا نوجد الطماطم نشري كمية كبيرة ونغسلها ونقشرها ونطيبها بشوية ملح وزيتومن بعد نرحيها بالمكسور ونعاود نجوزها في الحا تاع الخضرة ونحطها في الكونجلاتور

ونشري تاني الجلبانة ونقشرها ونخبيها في الكونجلاتور


والتوابل تاني نشريهم ونقيهم ونطحنهم ونحطهم في اماكنهم بصح حتى يقرب شوية رمضان باهم يبقاو ريحتهم تهبل


القرنون تاني ننظفه ونحطلو شوية عصير الليمون نحكو مليح بيه باش ما يتغيرش لونو ونحطو في الكونجلاتور راجلي يموت عليه



وزيد الحميصة نشمخها ومن بعد نطيبها مع شوية ملح ونخبيها في الكونجلاتور من بعد نجدبد قيس ماحبيت



وزيد عجبتني فكرة السلق رايحة نجربها



وكاش ماتفكرت نزيد نقولكم الله بلغنا رمضان